DÜNYA
Yaman darıxıram, bilmirəm niyə,
Başdan ayağadək qəmdi bu dünya.
Nə düzü gəzməli, nədə ki, dağı,
Yolları dumandı, çəndi bu dünya.
Başda siyah tellər tale qarımdı,
Mənə qüssə verən könül yarımdı.
Çəkdiyim zillətlər intizarımdı,
Sevincdən, nəşədən kəmdi bu dünya.
Məndən uzaq düşüb, qürbətdədir yar,
Sevgimə qəlbimdə qazmışam məzar.
Gözümdən könlümə axan leysan var,
Hər yanı dəryadı, nəmdi bu dünya.
Rahilə, cavanlıq getdi ömürdən,
Arzular, istəklər bitdi ömürdən.
O xoş xatirələr itdi ömürdən,
Kimiyə kədərdi, dəmdi bu dünya.
Müəllif: Rahilə QARALOVA
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru