Mahir Diniyev – İstəyər

İstəyər

Erkən yazda tək çiçəyi ,
arının mini istəyər …
Solub gedən tər arzumu,
xəyalım yeni istəyər.

Qaranquşlar yazın varı ,
qartalın var dağ azarı ,
hər könülün öz şikarı ,
sərçələr dəni istəyər .

Zər qanadlı kəpənəklər,
kol dibində çiyələklər ,
sığal çəkən meh, küləklər,
güllü çəməni istəyər .

Külək əssə veyil-veyil,
dağ buluda salsa meyil ,
günəş yağsa, yağış deyil,
təbiət çəni istəyər .

Gözüm çöhrəni xoşlayar,
duyğu-duyğu naxoşlayar,
darıxma fəsli başlayar ,
ürəyim səni istəyər…

Müəllif: Mahir Diniyev

Mahir Diniyevin yazıları

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir