AYRILIQ İŞGƏNCƏ,SEVMƏK QADAĞA
Gözüm su içmədi bu ayrılıqdan,
Bulud arxamızca göz yaşı atdı.
Oynadım sübhədək Dan ulduzuyla,
Səhər açılınca,bəxtim də yatdı.
Dumanı yubanmış dağa bax,dağa,
Ayrılıq işgəncə,sevmək qadağa.
Durub yer gəzirdim daldalanmağa,
Bir çiçək şehiylə başımı qatdı.
Bu eşq nəğməsini bir Qu oxuya,
Əlirza Həsrəti verə yuxuya.
Sərdim ürəyimi Günəşə,Aya,
Nə Ay gözdən itdi,nə Günəş batdı…
Müəllif: Əlirza Həsrət
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru