ARA-SOR MƏNİ
Yenə hardan əsdi bu soyuq külək,
Gözümdə buz tutdu hər arzu-dilək.
Yoxsa daşa döndü sinəndə ürək,
Susma gözüm nuru, ara-sor məni!
Savabla günahın arasında mən,
Şam kimi əriyib, şam kimi sönəm.
Min addım gələrəm, bir addım gəlsən,
Susma gözüm nuru, ara-sor məni!
Sükutun əlində əsir-yəsirəm,
Sənin soyuğunda tir-tir əsirəm.
Sən səbr edirsən, mən tələsirəm,
Susma gözüm nuru, ara-sor məni!
Bir xətam var isə səbəbi Sənsən,
Mənə tənə edib, halıma gülsən,
Bir gün mənim kimi Sən də sevərsən,
Susma gözüm nuru, ara-sor məni!
Müəllif: QƏNDAB
Zaur Ustacın “Buta”sı haqqında
Oxuyun >> Gözündə tük var