“Trolların sirri ” əsərinə ön söz
Cəmiyyətin mənəvi aləmini formalaşdıran bədii ədəbiyyat bütün dövrlərdə insanlığa ən gözəl töhfə olub .Yenilənən dünyanın mənəviyyatca zəngin , yeni düşüncə tərzinə sahib yeniyetmələrə, gənclərə ehtiyacı var. Yazarlarımızın bu işdə əməyi danılmazdır. İstedadlı yazar Gülzar İbrahimovanın “Trolların sirri ” əsəri hər kəs tərəfindən maraqla oxunur , ədalət ,dürüstlük , mənəvi zənginliyi özündə tərbiyə edir.Əsərdəki hadisələr nağıllara məxsus mifik düşüncə tərzini əks etdirsə də , sanki bu günümüzün real insanlıq tablosu rəssam fırçası ilə deyil, yazıçı qələmi ilə yaradıııb.
Ən gözəl əsər yazar ruhunu əks etdirən əsərdir. Bu baxımdan “Trolların sirri” əsəri də Gülzar İbrahimovanın ruh və düşüncə dünyasının məhsuludur.
Trollar haqqında insanlara bəlli olmayan sirləri açmağa , onların simasında ümumbəşəri mənəvi dəyərləri verməyə çalışan yazar baş verən hadisələrin fonunda çatdırmaq istədiklərini böyük ustalıqla oxucularına təqdim edir. Mənəvi dəyərlər : dürüstlük , qətiyyət , səmimiyyət , halallıq kimi insani keyfiyyətlərin təbliği əsər boyu öz müsbət həllini tapıb.Müəllif keçmiş dövrlərin həyat və düşüncə tərzini müasirliklə əlaqələndirmək istəyinə uğurla nail olur, ədalətin,dürüstlüyün qələbəsinə inamını əsər qəhrəmanlarının simasında oxuculara çatdırmağa çalışır.
Əsərin “Hovard qocaya sirr açır ” hissəsində maraqll bir məqam var.Hovard öz mənəvi aləmini qoca ilə dialoqda aydın şəkildə çatdırır: ” Yox, yox, heç vaxt qayıtmaram! Kral mənə inanmasa, bütün nəslimizin adına “oğru” ləkəsi gətirərəm. “Oğru” adına nifrət edirəm. Bir gündə kralın neçə yüz qazını itirmişəm. Günahkaram. Bircə dəfə mənə “qaz oğrusu” desələr, xəcalətimdən yerə girərəm”.
Yazar bu sözlərlə inamın , etibarın qorunmasının insan üçun nə qədər önəmli olduğunu qəhrəmanın dilindən oxucuya çatdırmaqla gənclərdə yüksək mənəvi dəəyərləri görmək istədiyini bildirir.
MÜƏLLİF: XANIM QASIMOVA
Filologiya üzrə fəlsəfə doktoru
Oxuyun >> Gözündə tük var
Zaur Ustacın şeirləri haqqında