“Əsrin yazarı” fəxri medalı laureatları Son günlər ərzində Cəlilabad ədəbi mühitinin görkəmli nümayəndəsi, Cəlilabad Rayon Ağsaqqallar Şurasının İdarə Heyətinin üzvü, Turan Yazarlar Birliyinin üzvü, DGYTB Məsləhət Şurasının üzvü, Turan Xalq şairi, “Həməşəra” və “Nizami Gəncəvi” Fəxri Diplomları, TYB-nin Ödülü və “Turan Ödülü” laureatı, veteran pedaqoq, ədəbiyyatşünas, ustad şairimiz Zülfi Vellidağ (Zülfi Dədə) ölkənin ədəbi sahəsində xüsusi yeri və çəkisi olan “Yazarlar” ədəbi-bədii, elmi jurnalı tərəfindən “Əsrin yazarı” fəxri medalı ilə təltif edilmişdir. Həmin medal və onun xüsusi şəhadətnaməsi Ustad şairimizin 75 illik yubileyi və “Qəlbimdən gələn səslər” adlı şeirlər kitabının təqdimat mərasimində ona təqdim edilmişdir. “Həməşəra” mətbu orqanı olaraq ədəbi mühitimizin fəxarətli və görkəmli nümayəndəsi, əzizimiz və dəyərli dədəmiz Ustad Zülfi müəllimi ürəkdən təbrik edir, eyni halda əziz ustadımızı belə bir fəxri medala layiq görmüş “Yazarlar” Jurnalının baş redaktoru, çağdaş Azərbaycan ədəbi mühitinin tanınmış və fədakar nümayəndəsi, AVMVİB-nin, AJB və AYB-nin üzvü, “Qızıl Qələm” Media Mükafatı, “Həməşəra” Fəxri Diplomu, “Turan Ödülü” və TYB-nin “Hüseyn Cavid” Ödülü laureatı, Prezident təqaüdçüsü, tanınmış nasir, şair və publisist, dəyərlimiz Zaur Ustac müəllimə səmimi minnətdarlığımızı bildirir, Ulu Tanrıdan onların hər birinə uzun, sağlam və mənalı-məsud ömür, yeni-yeni yaradıcılıq uğurları arzulayırıq!
۞ Odlar Yurdu, Azərbaycan Respublikası, Cəlilabad şəhəri, “Heydər Əliyev Mərkəzi”, 26.06.2026
Siz uyimning ustuni, shohi bo‘lasiz, Qalbingiz shukrona, baxtga to‘lsin. Ezgu tilak ila sizni qutlayman, Erkaklar kuni muborak bo‘lsin!
Biringiz qo‘riqlaysiz yurt tuprog‘ini, Boshingizga baxt qushlari qo‘nsin. Allohim asrasin sizni hamisha, Erkaklar kuni muborak bo‘lsin!
Quvonch ila o‘tsin har bir oningiz, Armon gullari kurtakda so‘lsin. Siz biz uchun aziz, buyuk insonsiz, Erkaklar kuni muborak bo‘lsin!
Mardligingiz doim elga ibratdir, Nomingiz ezgulik bilan yod bo‘lsin. Baxt, omad hamisha yor bo‘lib yursin, Erkaklar kuni muborak bo‘lsin!
SEVGIM
Sevgim ummon kabi cheksiz va teran, Siz bilan har onlar menga go’zal dam. Qalbimning eng nozik, eng pok tuyg’usi, Faqat sizga atalgan mehr hissi ham.
Yomg’ir yog’sa birga, quyosh kulsa ham, Siz yonimda bo’lsangiz, baxtli olamim. Masofalar bizni ayrolmas aslo, Sevgi madhiyasin kuylar qalamim. .
Umrimning har kuni siz bilan go’zal, Ko’zlaringiz menga eng yorqin manzil. Sizni sevish men uchun eng ulug’ baxtdir, Bu sevgim so’nmaydi, abad ishq, ko‘ngil.
QAROR
Endi ortga chorlamas hech qanday ovoz, Qalbimni aldolmas soxta sog‘inchlar. Men tanlagan yo‘l — bu juda qat’iy, Ortga qaytmaslikka aytdim qasamlar.
Ko‘nglimni asrayman endi o‘zimdan, Hech kimga bermayman oson ishonchni. Yuragim saboq oldi o‘tmish izdan, Endi tanlay olaman to‘g‘ri yo‘l, rostni.
Qaytish — zaiflikmas, ehtimol sinov, Lekin men bu yo‘lni ortda qoldirdim. Ko‘zim ochilgandir yuzaki izhor, Men o‘zimni qayta boshdan kashf qildim.
Shunday yashayman men, ortga boqmay, Har qadamim endi ongli va hushyor. Qaytmayman — bu faqat so‘z emas, biling, Bu mening qalbimda bitilgan qaror.
SEVARKANSIZDA
Agar birov so‘z qotsa menga, Gapirmasin deysizda senga, Arzimas deb ular bir so‘mga, Sezdim meni sevarkansizda.
Agar meni o‘grisa jonim, So‘z demoqqa bo‘lmasa holim, Tushunasiz tezda imkonim, Sezdim meni sevarkansizda.
Chiqmay qolsa sassiz ovozim, Oshib kettsa haddidan nozim, To‘ldirasiz to‘lmagan ozim, Sezdim meni sevarkansizda.
Qayrilsa gar umid qanotim, Yurishmasa bir kun omadim, O‘ylanasiz meni o‘ylab jim, Sezdim meni sevarkansizda.
Baxt qushim deb faxirlanasiz, Dushmanimdan qahirlana siz, Goh meni deb jabrlanasiz, Sezdim meni sevarkansizda.
Qizg‘onasiz o‘zgadan ko‘zim, Deysiz meni oftobim yuzim, Yana deysiz so‘nmas yulduzim, Sezdim meni sevarkansizda.
İntizar Pianoçu solmuş, qurumuş gülləri sevirdi. Bu solmuş güllər ona həyatının ən gözəl, ən xoş xatirələrini xatırladırdı. O, qurumuş gülləri tullamaz, onları çox dəyərli bir əşya kimi notlarının arasında saxlayardı. O, bir otaqlı evdə yaşayırdı. Otağı həmişə rütubətli olardı. Evdə nimdaş paltarlarını geyinər, sevimli pianosunda müxtəlif melodiyalar ifa edərdi. Lakin səhnəyə çıxanda həmişə səliqəli və zövqlü geyinərdi. Səhnə insanlarla dolu olardı. Hər konsertində tamaşaçılar ondan yeni əsərlər, yeni duyğular gözləyərdilər. Çünki pianoçu hər dəfə dinləyicilərinə fərqli hisslər bəxş edərdi. Fəqət ağır notların dərinliyini yalnız özü hiss edirdi. Zalı titrədən alqışlar pianoçunun ruhunda sevinc qığılcımı yaratmırdı. Konsert başa çatdıqdan sonra səhnə boşalardı. Pianoçu isə evinə qayıdarkən bir gül alar, yenə öz otağında köhnə xatirələri ilə baş-başa qalardı. Çünki illər öncə hər çıxışından sonra dünyalar qədər sevdiyi insan ona bir gül bağışlayardı.
ÖVLADIYAM Müzəffər ordunun şanlı əsgəri, Ərənlər yurdunun ər övladıyam! Zalımın zülmünə təhəmmülüm yox, Babəklər yurdunun hürr övladıyam! * * * Ustadım Nəsimi, sözümüz sözdü, Ədalət, həqiqət bağrımda közdü, Ziyadar dühası bir deyil, yüzdü, Mövlalar yurdunun nur övladıyam! * * * Dərvişəm, müqqəddəs sayılır təkkəm, Hülqumdan yuxarı dayanır öfkəm, Od, ocaq diyarı tanınır ölkəm, Alovlar yurdunun nar övladıyam! * * * Unutma, şah babam Xətai başdı, Nadir şah, mətədə tərpənməz daşdı, İlham, nə keçilməz sədləri aşdı, İgidlər yurdunun nər övladıyam! * * * Tarixdə Nəbisi, Koroğlusu var, Gen dünya yağıya daim olub dar, Düşmən qarşımızda yenə oldu xar, Aslanlar yurdunun şir övladıyam! * * * Göydən Yer üzünə ərmağan, payam, Gündüzlər Günəşəm, gecələr Ayam, Ən parlaq ulduzdan törəyən boyam, Ozanlar yurdunun sirr övladıyam! * * * Ustacam, vətənim vətən içində, Axıb duruluruq zaman köçündə, Min bir anlamı var, adi “heç”in də, Aqillər yurdunun pir övladıyam! 13.11.2020. Bakı.
Fridrix Şillerin “Məkr və məhəbbət” əsəri – Sevginin məğlubiyyəti, yoxsa cəmiyyətin? Əsərin mərkəzində iki gənc – Ferdinand və Luiza dayanır. Onlar fərqli təbəqələrdən olsalar da, sevgilərində heç bir saxtalıq yoxdur. Lakin onların qarşısında görünməyən, amma çox güclü bir divar var – cəmiyyətin sərt qaydaları. Zadəgan ailəsinin varisi olan Ferdinandın kasıb musiqiçinin qızı ilə evlənməsi mümkün hesab edilmir. Şiller bununla göstərir ki, bəzən insanın taleyini öz hissləri yox, doğulduğu ailə müəyyən edir. Əsərdə ən diqqətçəkən obrazlardan biri Prezident fon Valterdir. O, ata olsa da, oğlunun xoşbəxtliyini deyil, öz siyasi maraqlarını düşünür. Vurm isə rədd edilmiş sevgisini qisas hissinə çevirərək məkrin simvoluna çevrilir. Onların qurduğu hiylə Luizanı yalan danışmağa məcbur edir, Ferdinandı isə qısqanclığın əsirinə çevirir. Beləliklə, Şiller göstərir ki, bəzən bir yalan onlarla insanın həyatını məhv edə bilir. Mənə görə, əsərin ən təsirli səhnəsi Luizanın ölüm anında həqiqəti deməsidir. Oxucu həmin anda anlayır ki, faciənin səbəbi xəyanət deyil, insanların bir-birinə inanmaması və başqalarının qurduğu oyuna aldanmasıdır. Ferdinand həqiqəti anlayanda artıq gec olur. Bu sonluq oxucunu düşündürür: əgər insanlar həqiqəti vaxtında danışa və dinləyə bilsəydilər, bəlkə də heç bir faciə baş verməzdi. Şiller bu əsərlə yalnız iki gəncin sevgisini qələmə almır. O, yaşadığı dövrün ədalətsiz cəmiyyətini tənqid edir, insan ləyaqətini və azad seçimi müdafiə edir. Məhz buna görə “Məkr və məhəbbət” bu gün də aktuallığını itirməyən, oxucunu düşündürən və ona mühüm suallar verən klassik əsərlərdən biri olaraq qalır.
Hər bir insanın ömür yolu onun arxada qoyduğu izlərlə, işıqlı xatirələrlə ölçülür. Bir neçə gün əvvəl dünyasını dəyişən Əhməd Aşurovun ömür yolu da məhz zəhmətlə və öz işinə sadiqliklə keçib. O, uzun illər çalışdığı məsul vəzifələrdə səmərəli fəaliyyəti ilə seçilib, bu sahədəki çoxillik təcrübəsi ilə tanınıb. Əhməd Mustafa oğlu Aşurov 1960-cı il oktyabrın 28-də Qazax rayonunda anadan olub. O, 1978-ci ildə Qazax şəhər 1 nömrəli tam orta məktəbini bitirib. Elə həmin il Azərbaycan Dövlət Neft Akademiyasının (indiki Azərbaycan Dövlət Neft və Sənaye Universiteti) Neft-Mexanika fakültəsinin axşam şöbəsinə daxil olub. 1978-ci ildə hərbi xidmətə çağırılan Əhməd Aşurov 1985-ci ildə ali təhsilini başa vurub. Əhməd Aşurovun gənclik illəri həm də maraqlı bir televiziya tarixi ilə yadda qalıb. O, gənc yaşlarında zavodda çalışarkən dövlət televiziyasında ölkənin ilk realiti şou xarakterli layihəsi keçirilirdi. “7 sual, 7 cavab” adlı bu populyar verilişdə Əhməd Aşurovun rəhbərlik etdiyi zavodun işçilərindən ibarət komanda da iştirak edirdi. Həmin komandanın kapitanı olan Əhməd Aşurov öz bilik və bacarığı ilə komandasını qələbəyə daşıyır. Bu qalibiyyət ona o dövrdə böyük rəğbət və populyarlıq qazandırır. O, əmək fəaliyyəti dövründə Azərbaycan Respublikası Dövlət Maddi-Texniki Təchizat Komitəsində şöbə müdiri, daha sonra Bakı Şəhər İcra Hakimiyyətində şöbə müdiri vəzifələrində işləyib. Ömrünün sonrakı mərhələsində mədəniyyət və təhsil sahəsinə də öz töhfəsini verən Əhməd müəllim, Bülbül adına Orta İxtisas Musiqi Məktəbində direktor müavini vəzifəsində çalışıb. Öz işinə sadiqliklə səmərəli fəaliyyət göstərmiş Əhməd Aşurovun xatirəsi onu tanıyanların qəlbində daim yaşayacaq. Qeyd edək ki, uşaq yaşlarından musiqiyə və incəsənətə maraq göstərən, 5 il tar təhsili alan Əhməd Mustafa oğlu Aşurov Müslüm Maqomayev adına Azərbaycan Dövlət Akademik Filarmoniyasının Fikrət Əmirov adına Əməkdar Kollektiv Dövlət Mahnı və Rəqs Ansamblının direktor-baş dirijoru, Prezident mükafatçısı Mustafa Aşurovun atası və ilk müəllimi olub.
Sözün lirizmi və duyğunun poetikası Firavan Mahirin “Jalə sevgisi” kitabı haqqında düşüncələr
Akademik Yaşar Qarayev yazırdı ki, ədəbiyyat xalqın mənəvi yaddaşı, insanın isə daxili aləminin bədii tarixidir. Bu baxımdan hər yeni kitab təkcə müəllifin yaradıcılıq hesabatı deyil, həm də müasir ədəbi prosesə qoşulan yeni bir səsdir. Ədəbiyyatın inkişafı müxtəlif poetik dünyaların, fərqli duyumların və fərdi üslubların qarşılıqlı mövcudluğu ilə təmin olunur. Burada eynilik deyil, fərdilik qiymətlidir. Müasir Azərbaycan ədəbiyyatında öz qələmini sınayan müəlliflərdən biri də Firavan Mahirdir. Onun “Jalə sevgisi” adlı ikinci kitabı müəllifin poetik dünyasını daha yaxından tanımağa imkan yaradır. Poeziya və nəsr nümunələrinin toplandığı bu kitab müəllifin daxili aləmini, həyata və insana münasibətini, bədii düşüncə istiqamətini nümayiş etdirən bir nəşr təsiri bağışlayır. Firavan Mahir peşə etibarilə ingilis dili müəllimidir. Müxtəlif dillərin poetik imkanlarına bələdlik onun söz seçimində, ifadə dəqiqliyində və fikrin yığcam təqdimatında hiss olunur. O, uzun təsvirlərə deyil, qısa, lakin emosional yük daşıyan poetik ifadələrə üstünlük verir. Müəllif üçün söz yalnız informasiya vasitəsi deyil, həm də hissin estetik ifadəsidir. Kitabın əsas mövzu dairəsini sevgi təşkil edir. Ancaq bu sevgi yalnız romantik hiss kimi təqdim olunmur. Burada sevgi insanın mənəvi bütövlüyü, sədaqəti, həsrəti, həyatın faniliyi və daxili təmizliyi ilə vəhdətdə təqdim edilir. Müəllif lirik qəhrəmanın duyğularını təbii axarda təqdim etməyə çalışır və süni pafosdan uzaq durur. “Kədərli qadın” şeirində oxuyuruq: Kədəri gözündə gizlədən qadın, Qəmdən ürəyini sızladan qadın. Bir qara buludu dalınca salıb, Çiçək yanağından öpdürən qadın. Bu misralarda müəllif konkret bir obrazdan çıxış edərək Azərbaycan qadınının ümumiləşdirilmiş mənəvi portretini yaradır. Burada kədər zəiflik deyil, mənəvi gücün ifadəsidir. Tarixin ağır sınaqlarından keçmiş qadının dözümü, səbr və fədakarlığı poetik boyalarla təqdim olunur. Müəllif qadının daxili aləmini sentimental çalarlarla deyil, həyat həqiqətinin fonunda göstərməyə çalışır. Firavan Mahirin poetik təfəkkürü daha çox obrazlı deyimlərdə özünü göstərir: “Bir balaca ürək verdin, dərya boyda sevgi qoydun…” “Bəzən bir mehinlə sığal çəkirsən, dərdimi o mehin alıb aparır…” “Səssizliyi gəzirəm qəlbimin harayında…” “Payız gəldi həm havaya, həm ömrümə bu gecə…” Bu misralar müəllifin bədii düşüncəsinin əsas istiqamətini müəyyənləşdirir. O, böyük fəlsəfi mühakimələr irəli sürmür; əksinə, gündəlik duyğuların poetik mahiyyətini açmağa çalışır. Sadə sözlər onun qələmində emosional məna qazanır. Poeziyanın təsir gücü də məhz bu səmimiyyətdən doğur. Yaşar Qarayev yazırdı ki, əsl poeziya insanın mənəvi aləmini zənginləşdirən estetik hadisədir. Firavan Mahirin şeirlərində də diqqəti cəlb edən cəhətlərdən biri oxucunun duyğularına hesablanmış təbii lirizmdir. Bu lirizm pafosdan deyil, müəllifin daxili yaşantılarından qaynaqlanır. Kitaba daxil edilmiş hekayələr də müəllifin yaradıcılıq diapazonunun genişliyindən xəbər verir. Hadisələrin ardıcıllığı, obrazların xarakterik cizgiləri və müəllif təhkiyəsinin axıcılığı göstərir ki, Firavan Mahir yalnız poeziyada deyil, nəsrdə də özünü ifadə etmək istəyən müəllifdir. Hekayələrdə həyat müşahidəsi ilə emosional təəssüratın vəhdəti hiss olunur “Jalə sevgisi” müəllifin yaradıcılıq yolunda mühüm mərhələ hesab edilə bilər. Kitabda böyük poetik iddialardan daha çox səmimi hiss, daxili təmkin və insan ruhuna həssas münasibət diqqəti cəlb edir. Bu isə hər bir qələm sahibi üçün mühüm başlanğıcdır. Yaradıcılıq inkişaf etdikcə poetik təfəkkür də dərinləşir, obrazlar zənginləşir, sənətkar fərdiliyi daha aydın görünür. Firavan Mahirin bu kitabı göstərir ki, o, Azərbaycan poeziyasının milli ənənələrinə bağlı qalaraq öz poetik nəfəsini formalaşdırmağa çalışan müəlliflərdəndir. “Jalə sevgisi” oxucunu duyğuların təbii axarına dəvət edən, lirizmi və səmimiyyəti ilə seçilən bir kitab kimi dəyərləndirilə bilər.
USTAD ZÜLFİ VELLİDAĞIN 75 İLLİK YUBİLEYİ VƏ KİTAB TƏQDİMATI (Cəlilabadda ədəbi tədbir) Bu gün (26.06.2026) Cəlilabad şəhərində yerləşən Heydər Əliyev Mərkəzində Cəlilabad ədəbi mühitinin görkəmli nümayəndəsi, Cəlilabad Rayon Ağsaqqallar Şurasının İdarə Heyətinin üzvü, Turan Yazarlar Birliyinin üzvü, DGYTB Məsləhət Şurasının üzvü, “Həməşəra” və “Nizami Gəncəvi” Fəxri Diplomları, TYB-nin Ödülü və “Turan Ödülü” laureatı, veteran pedaqoq, ədəbiyyatşünas, ustad şairimiz Zülfi Vellidağın 75 illik yubileyi və yenicə işıq üzü görmüş “Qəlbimdən gələn səslər” adlı şeirlər kitabının təqdimat mərasimi keçirildi. Cəlilabad rayonunun tanınmış ziyalıları, Cəlilabad ədəbi mühitinin bir qrup nümayəndəsi, Azərbaycan Yazıçılar Birliyi və Turan Yazarlar Birliyinin bir qrup üzvləri, şəhid ailələri, habelə yazıçı və şairlərin, ədəbi təhlilçi, tənqidçi və ictimaiyyət nümayəndələrinin iştirakı ilə yüksək səviyyədə və səmimi aurada keçirilən tədbir Azərbaycan Respublikasının Dövlət Himninin səslənməsi, Azərbaycan Silahlı Qüvvələrinin Günü, həmçinin, əziz şəhidlərimizin anılması ilə başladı, ardınca tədbir iştirakçıları öz çıxışında Ustad Zülfi Vellidağın ziyalı şəxsiyyəti, rayonun elm və təhsil, eləcə də ədəbi mühitinə xidmətlərindən söz açaraq onun ədəbiyyat sahəsindəki xüsusi bacarığı və ustad mövqeini yüksək qiymətləndirdilər. TYB-nin üzvü, tanınmış yazar və bədii qiraətçi Adıgözəl müəllim Nuriyev və bədii qiraətçi, şair Müşahidə xanım Nərimanovanın aparıcılığı ilə davam edən tədbir boyu Ustad Zülfi Vellidağıın qələmə aldığı şeirlərdən müəyyən nümunələr qiraət edildi, həmçinin, tədbirin xüsusi qonaqları Cəlilabad Rayon İcra Hakimiyyətinin rəsmisi Varid Əsgərov, Azərbaycan Respublikasının Milli Məclisinin deputatı, professor Elman Nəsirov, tanınmış şair, publisist, nasir, ictimai xadim və Türk dünyasının fəal söz adamlarından olan Əkbər Qoşalı, çağdaş Azərbaycan şeirinin öncüllərindən olan şair, tərcüməçi və essesit, eyni halda Azərbaycan Yazıçılar Birliyinin üzvü, Azərbaycan Yazıçılar Birliyinin beynəlxalq əlaqələr və tərcümə məsələləri üzrə katibi, Avropa Elm və Sənət Akademiyasının həqiqi üzvü Səlim Babullaoğlu, AYB Həmkarlar İttifaqının sədri, “Mustaqil.az” portalının baş redaktoru, AYB və AJB-nin üzvü, tanınmış kapitan, şair-publisist Faiq Balabəyli, Dünya Gənc Türk Yazarlar Birliyi (DGTYB) İctimai Birliyinin başqanı, şair-publisist İntiqam Yaşar və digər tanınmış qələm əhli və ziyalılar öz çıxışlarında Zülfi Vellidağın ədəbi yaradıcılığı, təhsil sahəsində yarım əsrlik faydalı xidməti və insani keyfiyyətlərindən danışdılar. Tədbirin davamında Əkbər Qoşalı tərəfindən Milli Məclisin İctimai Birliklər və Dini Qurumlar Komitəsinin sədri fəlsəfə doktoru Fazil Mustafanın təbrik məktubu, Səlim Babullaoğlu tərəfindən AYB-nin sədri, Azərbaycanın Xalq yazıçısı Anar Rzayev tərəfindən imzalanmış “Fəxri Diplom” və özü tərəfindən xüsusi tablo hədiyyəsi, İntiqam Yaşar tərəfindən DGTYB-nin xüsusi fəxri lövhəsi, fəlsəfə üzrə fəlsəfə doktoru, “Həməşəra” mətbu orqanının təsisçisi və baş redaktoru, AJB, AYB və TYB-nin üzvü, Turan Xalq yazarı, araşdırmaçı, tərcüməçi, yazıçı-publisist İlqar İsmayılzadə tərəfindən Ustad Zülfi Vellidağın 75 illik yubileyi və ədəbiyyat sahəsində xidmətlərinə görə “Nizami Gəncəvi” Fəxri Diplomu, Turan Yazarlar Birliyi tərəfindən ona verilmiş “Turan Xalq şairi” fəxri adına aid xüsusi lövhə, həmçinin, “Yazarlar” jurnalının baş redaktoru, tanınmış yazıçı, şair-publisist Zaur Ustac tərəfindən göndərilmiş “Əsrin yazarı” medalı və medalın xüsusi vəsiqəsi, “Sözün işığı” mətbu orqanının baş redaktoru Ədalət Salman tərəfindən Cəlilabad Rayon Veteranlar Təşkilatının Fəxri fərmanı, həmçinin, digər iştirakçıların xüsusi hədiyyələri təqdim edildi. Ustad şair Zülfi müəllim öz çıxışında ona göstərilən sayğı və diqqətə görə tədbir təşkilatçıları və iştirakçılarına, onu təltif etmiş və hədiyyə təqdim etmiş bütün əzizlərə səmimi minnətdarlığını, həm də bütün tədbir iştirakçılarından razılığını bildirdi. O, ən böyük hədiyyənin gözəl və səmimi insanlarla bir arada olmaqdan ibarət olduğunu bildirərək göstərilən bütün səmimi davranışlara görə hər kəsə təşəkkür etdi… Bu tədbirdə ustad şairin yenicə nəfis şəkildə nəşr edilmiş sayca ikinci şeirlər kitabından tədbir iştirakçılarına hədiyyə olundu. Tədbir xatirə şəkillərinin çəkilişi ilə yekunlaşdı…
“Yazarlar” olaraq biz də həmkarımızı təbrik edir, bütün həyat və fəaliyyətində yeni-yeni nailiyyətlər arzulayırıq! Uğurlarınız bol olsun! Xeyirli olsun!
