Tərtibçi və redaktor: Zaur USTAC,
“Yazarlar” jurnalının baş redaktoru,
şair-publisist.
“YAZARLAR” – SİFARİŞ ET
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
“Ədəbi ovqat” jurnalının bu sayı (PDF):
“Ədəbi ovqat” jurnalının bütün sayları (PDF)
Təsisçi: Rəfail TAĞIZADƏ.
Baş redaktor: VAQİF OSMANOV
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
“Kamal Camalov – 50” PDF:
“Yazarlar” 50 illik yubileyi münasibətilə Kamal CAMALOVu təbrik edir, bütün həyat və fəaliyyətində yeni-yeni nailiyyətlər arzulayır. Uğurlarınız bol olsun, Kamal müəllim!
MƏLUMATI HAZIRLADI: TUNCAY ŞƏHRİLİ
“YAZARLAR” – SİFARİŞ ET
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
Neftçala Rayon İcra Hakimiyyətinin təşkilatçılığı ilə Neftçala rayonunda tənqidçi, publisist, filologiya üzrə fəlsəfə doktoru, Azərbaycan Respublikası Əməkdar Mədəniyyət İşçisi, “Ədəbiyyat qəzeti”nin baş redaktoru Azər Turanın anadan olmasının 60 illik yubileyi qeyd olunub.
“Yazarlar” 60 illik yubileyi münasibətilə Azər TURANı təbrik edir, bütün həyat və fəaliyyətində yeni-yeni nailiyyətlər arzulayır. Uğurlarınız bol olsun, Azər müəllim!
MƏLUMATI HAZIRLADI: TUNCAY ŞƏHRİLİ
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
Kərim bəy Mehmandarov-169
Bu gün “Difai” təşkilatının Şuşa bölməsinin başqanı,
tanınmış həkim Əbdül Kərim bəy Mirzə Mustafa bəy oğlu Mehmandarovun doğum günüdür (02.12.1854, Şuşa – 20.12.1929, Şuşa).
Ruhuna alqış!
Müəllif: Əkbər QOŞALI
Mənbə: Ekber Qoşalı
VAQİF POEZİYA GÜNLƏRİ 2023
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
“Ədəbi ovqat” jurnalının bütün sayları (PDF):
EHTİYAT VARİANT:>>>>ƏDƏBİ OVQAT
Təsisçi: Rəfail TAĞIZADƏ.
Baş redaktor: VAQİF OSMANOV
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
Ana babam, “Molla Nəsrəddin” jurnalında “İstot” təxəllüsü ilə şeirləri çap olunan Nuşirəvan Kərimovun məndə xeyli əlyazması var. Əski əlifba ilə yazıldığından, onları oxuya bilmirdim. AMEA Folklor İnstitutunda Dissertasiya Şurasının iclasından sonra bu haqda dostum, filologiya elmləri doktoru, professor Raqub Kərimova danışdım. Dedi ki, o yazıların fotosunu çəkib mənə göndər. Mən bir şeirin fotosunu çəkib Raqub müəllimə göndərdim. Onun bizim əlifbaya çevirib göndərdiyi bu şeiri oxuyanda qəribə hisslər keçirdim. Mənə elə gəldi ki, ermənlərin vəhşiliyini hələ uşaq vaxtı öz gözləri ilə görən babam elə öz taleyinin ən ağrılı anlarını nəzmə çəkibmiş…
Ruhu şad olsun babamın. Raqub müəllimdən Allah razı olsun!
Açıldı iki meydan
Axıdıldı qızıl qan.
Yatmayıb gecə-gündüz
Vuruşdular üzbəüz.
Düşmən azğınlaşdıqca,
Öz həddini aşdıqca,
Quduz canavar kimi
Zəhərli şahmar kimi
Vurdu, sancdı, dağıtdı,
Qanı sel tək axıtdı.
Biinsaf azğın yağı
Qırıb arvad uşağı
Sivirib baş qulağı
Nizələrə taxdılar
Atəşlərə yaxdılar.
O vaxt anam, bir də mən
Oturub dincəlmədən
Süründük bir talaya
Sanki girdik qalaya.
Titrəyirdik quş kimi,
Susurduq bayquş kimi.
Səs uzağa getməsin,
Ağlardıq həzin-həzin…
Döşəyimiz torpaqdan,
Yorğanımız yarpaqdan,
Yastığımız oldu daş,
Nə bacı var, nə qardaş.
Ərşə çıxdı ahımız,
Yox bir ümidgahımız.
Anam açıb qolların,
Arasında onların
Məni çəkdi yanına,
İsti doldu canına.
Gəlir quşların səsi
Həzin-həzin nəğməsi.
Sipər edib axşamı
Uçub gedirdi hamı
Elinə, obasına,
Yurduna, yuvasına.
Yalnız yurdsuz yuvasız
Qalanlardan idik biz.
Uğuldayanda meşə
Biz düşürdük təşvişə.
Bəlkə də vəhşi heyvan
Hücum edər arxadan.
Gəlib dağıdar bizi,
Bilən yox yerimizi.
O gecəni müxtəsər
Yola verincə, səhər
Qalmadı tabü-tavan,
Hər ikimiz yarımcan.
Gecəni başa vurduq,
Hesab etdik qurtardıq.
Günəşin şüaları
Bürüyərkən dağları
Ərvağan gəldi bu səs,
Qorxudan çəkdik nəfəs.
Bu əsnada bir nəfər
Əlində iti xəncər
Yeridi bizə sari,
Rəngim oldu sapsarı.
Anam qalxdı ayağa,
Yalvardı ki, ay ağa
Insaf eylə, rəhmə gəl,
Biz yazıqdan götür əl.
Gəl məni eylə ağah,
Eyləmişik nə günah?
Bir bu qədər əziyyət,
Verilməsin nəhayət.
Insanlığa yararmı?
Qisas yerdə qalarmı?
Deyincə məzlum arvad,
Xəncəri çəkdi cəllad.
Kəsdi əmcəklərini,
Tulladı hər birini.
Axdı, hər yan qızıl qan,
Yarpaqlar oldu əlvan.
Cırıb köhnə köynəyini,
Yamaqlanmış ətəyini
Basdım qan axan yerə,
Dəsmalımla bir kərə
Sarıqladıb birtəhər.
Məni boğurdu qəhər.
Hıçqırıqla ağladım,
Anamı qucaqladım.
Əllərim batdı qana,
Dedim: -Can, yazıq ana,
Sən ölürsən biəcəl,
Ölüm mənimdir əvvəl.
Anamın dodaqları
Baxdım, olub sapsarı.
Ağzımı qulağına
Tutub dedim: -Can ana!
Məni qoyub bu gündə,
Bu talanın içində
Bəs sən gedirsən hara?
Nə edim mən biçara?
Qolu qurumuş cəllad
Heç zaman olmasın şad. –
Deyib nifrin eylədim,
Qorxub gizlin eylədim.
Hərdən çəkib soyuq ah,
Dedim, kömək ol, Allah!
Gözüm axtarırdı su,
Dildə qaldı bu arzu.
Su olmadı bir damla
Içməyə ana-bala.
Dodaq yandı, dil yandı,
Ciyərimiz odlandı.
Bu arada arxadan
Bir səs gəldi ucadan:
Oba azad, el azad,
Qələm azad, dil azad.
Bu sədaya yuxudan
Ayıldı bütün insan.
Dağdan, daşdan, meşədən
Hər bir güzli guşədən
“Ura” səsi ucaldı,
Düşməni dərdə saldı.
Dalınca bizim ordu
Cəbhədə möhkəm durdu.
Hər yanda top gurladı,
Göydə şimşək parladı.
Atəş açıldı hər an
Qaçdı ağlar durmadan.
Azğın düşmən hər nə var
Oldu bütün tari-mar.
Hakimiyyət çevrildi,
Sovetlərə verildi…
Müəllif və mənbə: Rafiq YUSİFOĞLU,
şair, Əməkdar mədəniyyət işçisi, filologiya elmləri doktoru, professor.
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
Aralık !
Bahar ağaçları soyunmaya başladığında
Karanfiller ağaçlardan birer birer düşmeye başladı
Parlak güneşin acı soğuğu, şeffaf ve narin ateşin uçuşan kıvılcımlarını zifiri kara bir sise dönüştürür.
Bütün kristalleşmiş bulutlar bilinçsizce yere düşer.”
Gerçek anlamını bastıran her söz, bir miktar hüzünle yere akar.
Yapraksız dallara konan her serçe, yemyeşil çimenlerin sarıya dönüşünü iç çekerek seyreder.
“Kara nehrin suyu yakut ve kafuru ayrıştırır, akan berrak su kristal parçacıklarına dönüşür.”
Kapalı bir kubbenin altında, göğün altında kızıl, soğuk bir alevin içinde
Güneş bir buz parçası gibi yayılırken, “Aralık ayı artık sabahın ilk ışıklarıyla kendine yer açmıştır.”
Kırmızı şarap, horozun kanı gibi doğanın her yetisinden fışkırır.
02/12/2023-Paris
MÜƏLLİF: CAROLİNE LAURENT TURUNC
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
BAYRAQ, BİZİM BAYRAĞIMIZ!!!
(Arazın o tayında bayrağımız dalğalanıb)
Üstündən yüz Araz axsın,
Torpaq, bizim torpağımız!!!
Güney, Quzey fərq eləməz,
Oylaq, bizim oylağımız!!!
* * *
Axışı lal, susur Araz,
Mil, Muğanı yorur ayaz,
Kərkükdən ucalır avaz,
Oymaq, bizim oymağımız!!!
* * *
Göyçə dustaq, Urmu ağlar,
Yaşmaq düşər, börü ağlar,
Qaşqayda bir hürü ağlar,
Papaq, bizim papağımız!!!
* * *
Dörd bir yanın qarabağlı,
Dəmir qapı çoxdan bağlı,
Bir ağacıq qol, budaqlı,
Yarpaq, bizim yarpağımız!!!
* * *
Ustac boşa deməz əlbət;
-“Sərhədinə elə diqqət”,
Bu kəlamda var bir hikmət,
Sancaq bizim sancağımız!!!
Müəllif: Zaur USTAC,
“Yazarlar” jurnalının baş redaktoru,
şair-publisist.
Ruhuna Fatihə: (Oxu!)
İlkin mənbə: ŞEİRLƏR
“YAZARLAR” – SİFARİŞ ET
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
Göydə bir ulduz var, adı Talıbdı
Hekayə
26 noyabrda toyum olacaqdı, il də 1985- ci il. Atam dedi payız ayında toylar çox olur, gərək gedib aşıqla indidən danışasan, beh verəsən.
Anam atam sözünü bitirməmiş inəyimizi eydirə-eydirə dedi: Get Vahidnən danış, əhd eləmişəm, özümüzünkidi, gərək sənin toyunda Vahid oxusun. Atam əvvəlcə dinmədi, yəhəri atın belinə atdı, quşqununu keçirdi, çəkib tapqırını bağladı, ayağının birin üzəngiyə qoyub:- Qəşəmin toyunda Vahid yox, hökmən Mövsün oxumalıdı- dedi.
Anam dedi, yox, Vahid oxuyacaq,
Atam: o toyda Mövsüm oxumasa, çıxıb gedəcəm Urisetə.
Anam dedi Vahid oxumasa, mən gedəcəm dədəmin öyünə
Atam dedi:-Mövsüm,
Anam dedi:-Vahid,
-Mövsüm,
-Vahid
Sonra atam ayağını saxladı, bildi ki, söznən iş keçməyəcək, göz eləyib məni çağırdı pəyənin arxasına:- ala bu əlli manatı bas Mövsümün cibinə, deynən atam dedi ki, noyabrın 26-da toy var, səhər tezdən ol Əliqulularda, sən oxuyacaqsan.
Anam uzaqdan- uzağa var səsilə: Qəşəmin toyunda Mövsün yox, Vahid oxuyacaq.
Atam: – Sağlıq olsun, görərik-deyib mindi ata, nətər dəhmərlidisə, at quş olub uçdu.
Bilmədim neyləyim, bu tərəfə baxıram ana, o biri tərəfə baxıram ata. Hər halda bilirdim ki, anamın söhbəti nisyə söhbətdi, yəni mənə beh-zad verməyib, atam heç olmasa 50-lik verib, ona görə üz qoydum rayona, pulu verdim, Mövsümə, atamın ismarıcını çatdırdım, dedim noyabrın 26- da saat 8- də olsun bizim qapıda.
Gəldim kəndə, qarşıma ilk çıxan elə anam oldu, Vahidə dedinmi, sən oxuyacasan?
-Yox dedim, Vahidi tapmadım, Mövsümə dedim, əlli manat da beh verdim.
Anam sərt və qəti sürətdə dedi:
-Get bu saat, sənə deyirəm, behi Mövsümdən al, ver Vahidə. Toyda Vahid oxumalıdı, əhdim var, öz əmioğlumuzdu, qonşumuz arvadlara söz vermişəm. Indi onlara nə cavab verəcəyəm?
Mən əlacsız idim, boynumu büküb anama baxırdım
Anam daha real ve kövrəldici notlara keçdi.
-Səni qışın qış günündə dalıma şəlləmişəm, kiçik çillədə əlim un cuvalında donub, toylara getməmişəm, gəlinlərlə bəhs eləməmişəm.
Anam gördü ki, başımı aşağı salıb peşimançılıq hissləri keçirirəm, ona görə daha ağlamalı notlara keçdi.
Sənin süd şüşəni qoynumda qızdırırdım, səhərəcən yatmırdım. İki dəfə sənə qurban dedim, atan kəsmədi, gedib öz qardaşımdan qurbanlıq alıb gətirdim.
Anam bu işdə onun tərəfində dayanmağımı istəyirdi. Nənəm də Vahidin tərəfində idi. O da Vahidin oxumağını qonşumuz Bəybalanın toyunda görmüşdü, onda mən nənəmin kürəyində şəlləkdə imişəm. Nənəm and içirdi ki, Vahid oxuyanda mən ağlamağımı kəsib ona qulaq asmışam. Toyxanadan aralanan kimi ağlamaq məni tuturmuş. Hətta Vahid özü deyib ki, bu oğlanın toyunda özüm oxuyacam.
Nənəm daha dəqiq faktlarla fikrini əsaslandırdı.
-Vahid, “Sən, sən” mahnısın oxuyanda sən başladın kürəyimdə oynamağa. Oynadın, sonra kürəyimdə yatdın. Xanpəri nənəmin süfrəsi haqqı səni elə ordaca yuxu apardı.
Düzü çox təsirləndim. Gedib “behi” Mövsümdən alıb verdim Vahidə. Yenə evimizdə atam, anam arasında mübahisə başladı. Atam hazırlaşdı ki, getsin Moskvaya. Bu dəfə gedib “beh”i alıb verdim Mövsümə. Indi də anam hazırlaşdı ki, çıxıb getsin dədəsi evinə, yəni babamgilə. Yenidən behi Mövsümdən alıb verdim Vahidə. Bu dəfə Vahid haqlı olaraq mənə bir sual verdi:
-Qardaşoğlu, hələ sənin toyun olmayıb?
Məsələni kökündən həll eləmək üçün Vahidlə Mövsüm qərara gəldilər ki, toyumda ikisi də oxusun.
İndi 26 noyabr 1985- ci il. Saat 23.00. Bəyi tərifləyirlər, yəni məni. Mövsümün səsi Çinarların üstü ilə qanadlanırdı.
Göydə bir ulduz var, adı Talıbdı,
Bəyin anasında xələtimiz qalıbdı.
Arxasında Vahid deyir:
Bəyin atasında xələtimiz qalıbdı.
Axırda ikisi sə xorla deyir:
Bəyin nənəsində xələtimiz qalıbdı.
Çox kövrəldim. İndi nənəm, atam, anam həyatda yox. İl də 2017, ay və gün də 9 oktyabr.
Müəllif: Qəşəm Nəcəfzadə
QƏŞƏM NƏCƏFZADƏNİN DİGƏR YAZILARI
QƏŞƏM NƏCƏFZADƏ DİGƏR MƏNBƏLƏRDƏ
YAZARLAR.AZ
===============================================
<<<<<<WWW.YAZARLAR.AZ və WWW.USTAC.AZ>>>>>>
Əlaqə: Tel: (+994) 70-390-39-93 E-mail: zauryazar@mail.ru