“Mücrü” nəşriyyatı 5 yaşı münasibəti ilə əsərlərini çap etdiyi müəllifləri mükafatlandırıb. Qiymətləndirmə aparılarkən son illərdə ən çox oxunan, habelə oxucu rəğbəti qazanan, o cümlədən redaktorlar tərəfindən yüksək qiymətləndirilən kitabların müəllifləri seçilmişdir.
Mükafatın 2024-cü il üçün yekun seçimləri başa çatmışdır. “Mücrü” nəşriyyatının İdarə Heyətinin qərarına əsasən adları göstərilən müəlliflərə “İlin Yazarı” mükafatı verilmişdir:
Anar Şamil
Ayaz İmranoğlu
Aydın Arslan
Aypara Ayxan
Aysel Xanlarqızı
Azad Qaradərəli
Azər Salayev
Cavid Zeynallı
Cəlil Cavanşir
Elvin Rzayev
Ədalət Qərib
Əli bəy Azəri
Əyyub Qiyas
Femida Nağıyeva
Hədiyyə Şəfaqət
Xanım İsmayılqızı
İlham Abbas
İlham Tumas
İlhamə Kədər
İmran Axundov
İsaxan İsaxanlı
Jalə İsmayıl
Kənan Hacı
Könül Fərmanzadə
Qoşqar Qaraçaylı
Qüdrət Kərim Sabit
Mehman Qaraxanoğlu
Məqsəd Nur
Məmməd Oruc
Mirağa Qafarzadə
Mirmehdi Ağaoğlu
Nizami Orucov
Ramil Mərzili
Ramiz Qusarçaylı
Rövşən Şərif
Ruzigar Ələkbər
Sara İbrahim
Sevinc Elsevər
Sevinc Yunuslu
Seymur Atilla
Signor Bayramlı Məhəmməd
Südabə Sərvi
Şahnaz Kamal
Təranə Dəmir
Turan Uğur
Vahid Aslan
Vüsal Yurdoğlu
Yaqut Dəmirov
Zaur Ustac
“Yazarlar” olaraq, “Yazarlar” jurnalının baş redaktoru, AVMVİB-nin, AJB və AYB-nin üzvü, şair-publisist Zaur Ustacı və digər laureatları bu münasibətlə təbrik edir qarşıdakı bütün həyat və fəaliyyətlərində yeni-yeni nailiyyətlər arzulayırıq!
Kolumbiyalı ədiblər Azərbaycan Yazıçılar Birliyinin ziyarət ediblər
Dekabrın 11-də Kolumbiyanın Azərbaycandakı fövqəladə və səlahiyyətli səfiri Luis Fernando Quartas Ayalanın rəhbərliyi ilə tanınmış Kolumbiyalı ədiblər- Lauren Mendinueta, Martin Gomez, Carlos Alfredo Betancourt Azərbaycan Yazıçılar Birliyini ziyarət ediblər. Qonaqları Birlyinin sədri Xalq yazıçısı Anar qəbul edib. Görüşdə Azərbaycan Yazıçılar Birlyinin katibi, şair Səlim Babullaoğlu, sədrin baş müşaviri Rauf Aslanov, mətbuat xidmətinin rəhbəri Xəyal Rza da iştirak ediblər. Qonaqları salamlayan Xalq yazıçısı Anar bu görüşün əlamətdar olduğunu söyləyib, qonaqlar Azərbaycan Yazıçılar Birliyinin tarixi, ədəbi mühitdəki rolu, Birliyin nəşri haqqında ətraflı məlumat verib. Eyni zamanda Kolumbiya ədəbiyyatının, xüsusən Qabriel Qarsia Markesin yaradıcılığının Azərbaycanda populyarlığı, kitablarının dəfələrlə nəşri barədə danışıb. Səfir Luis Fernando Quartas Ayala Birliyə bu ziyarətdən məmnunluğunu ifadə edib və görüşün gələcəkdə öz bəhrəsini verəcəyinə inamını ifadə edib.
AYB-nin beynəlxalq əlaqələr və tərcümə məsələləri üzrə katibi Səlim Babullaoğlu da öz növbəsində həm Kolumbiya ədəbiyyatının, bütövlükdə ispandilli ədəbiyyatın və Latın Amerikası ədəbiyyatının dünyadakı xüsusi çəkisindən, ədəbi mübadilə işinin perspektivlərindən danışıb.
Görüşün sonunda qonaqlar kitablar hədiyyə olunub, xatirə şəkli çəkilib.
“ADA” Universitetinə Kolumbiya ədibləri ilə görüş keçirilib
Dekabrın 10-da “ADA” Universtetində Kolumbiya Respublikasının Azərbaycan Respublikasındakı fövqəladə və səlahiyyətli səfiri Luis Fernando Quartas Ayalanın iştirakı ilə tanınmış Kolumbiyalı ədiblər- Lauren Mendinueta, Martin Gomez, Carlos Alfredo Betancourtla görüş, “Kolumbiya ədəbiyyatı dünya ilə dialoqda” adlı ədəbi tədbir keçirilib. Görüşdə Azərbaycan Yazıçılar Birliyinin katibi, şair Səlim Babullaoğlu da iştirak edib.
Tədbiri giriş sözü açan Milli Məclisinin deputatı, “ADA” Universitetinin prorektoru Fariz İsmayılzadə qonaqları salamlayıb, keçirilən tədbirin vacibliyini dilə gətirib, Kolumbiya ədəbiyyatının həm Latın Amerikası, həm də ispandilli ədəbi arealda xüsusi və vacib çəkisindən danışıb. Daha sonra isə səfir Luis Fernando Quartasa söz verilib. Cənab səfir ADA Universitetinə minnətdarlığımı ifadə edib, belə bir tədbirin ölkələrimizin mədəni əlaqələrində mühüm rol oynayacağına inamını ifadə edib. Sonra Fariz İsmayılzadənin moderatorlığı ilə tədbir öz işinə başlayıb. Səlim Babullaoğlu “Kolumbiya-Azərbaycan ədəbi əlaqələri: Markesdən başlayan yol, tərcümə məsələləri, perspektivlər” mövzusunda çıxış edib, Markesin Azərbaycan dilinə tərcüməsinin tarixindən, Xose Asunsiyon Silva, Pyedad Bonet kimi Kolumbiya şairlərin yaradıcılığından, ümumiyyətlə Borxes, Lorka, Ximenes, Pas, Xuarros, Vila-Matas, Lyosa və başqa görkəmli ispandilli ədiblərə Azərbaycanda maraqdan söz açıb. Tanınmış şair, esseist və tərcüməçi Lauren Mendinueta Milli və mədəni kimlik haqqında düşüncə vasitəsi olaraq poeziyanın əhəmiyyəti, kolumbiyalı qadın kimliyini müəyyən edən mədəni kontekst, yazıçı və şairlərin ictimai rolu ilə bağlı fikirlərini bölüşüb. Eyni zamanda xanım Lauren görüş iştirakçılarının maraqla qarşıladığı şeirləri oxuyub.
Kolumbiyalı naşir, mədəni işlər üzrə təşkilatçı Martín Gómez İspan-Amerika ədəbiyyatının beynəlxalq bazarlarda təbliği, kolumbiyalı yazıçıların dünya səhnəsində tanıdılması ilə bağlı təcrübələrini bölüşüb. O, yazıçıları yeni regionlara tanıtmaq üçün istifadə olunan mexanizmləri, həmçinin İspan-Amerika ədəbiyyatının qlobal kontekstdə qarşılaşdığı imkanlar və çətinlikləri dilə gətirib.
Kolumbiyalı tanınmış tarixçi və yazıçı Carlos Alfredo Betancourt Valle del Cauca bölgəsinin tarixi qorunması sahəsində fəaliyyətində, tarix və ədəbiyyat mövzusundan danışıb, tarix və yerli biliklərin mədəni kimliyin qorunmasında və gücləndirilməsində oynadığı rolu, yerli hekayələrin kollektiv yaddaşın mühüm tərkib hissəsi olaraq necə xidmət etməsi, bu hekayələrin beynəlxalq səviyyədə tanıdılması yolları problemi ilə bağlı fikirlərini səsləndirib.
Tədbirin sonunda “ADA” Universteti tələbə xidmətləri şöbəsinin rəhbəri, Azərbaycan Yazıçılar Birliyinin üzvü Günel Əsgərovanın moderatorluğu ilə qonaqlar tələbə və müəllim heyətinin çoxsaylı suallarını cavablandırıblar.
“Ulduz” jurnalının dahi Azərbaycan şairi Məhəmməd Füzulinin 530 illiyinə həsr olunmuş xüsusi noyabr-dekabr sayı çap olundu
“Ulduz” jurnalının noyabr-dekabr sayı dahi Azərbaycan şairi Məhəmməd Füzulinin 530 illik yubileyinə həsr olunub.
Jurnal “Dahi Azərbaycan şairi Məhəmməd Füzulinin 530 illiyinin qeyd olunması haqqında Azərbaycan Respublikası Prezidentinin Sərəncamı” ilə açılır. Sonrakı səhifədə ümummilli lider Heydər Əliyevin Məhəmməd Füzulinin 500 illik yubileyinə həsr edilmiş təntənəli gecədə nitqi yer alır. Xüsusi buraxılışda “Heydər Əliyevin Füzuli sevgisi”, Firidun bəy Köçərlinin “Molla Məhəmməd Bağdadi “Füzuli” təxəllüs”, Mirzə Cəlilin “Füzuli”, Abdulla Şaiqin “Füzuli haqqında düşüncələrim”, Bəkir Çobanzadənin “Füzuli və onun yeri”, “Cəfər Cabbarlının “Füzuli haqqında”, Əkrəm Cəfərin “Füzulinin yubileyi qarşısında qəlbim”, Məsud Əlioğlunun “Füzuli və müasir ədəbiyyatşünaslığımız” yazıları yer alır. Bu sayda Əliağa Vahidin “Füzulidən təxmis”, Bəxtiyar Bahabzadənin “Onun pərişanlığı” və “Qəlb şairi” yazılarını oxuya bilərsiniz. Əli Kərimin “Füzuli”, Zəlimxan Yaqubun “Görüş – ayrılıq”, Məmməd Cəfərin “Füzuli sevir”, Rəsul Rzanın “Uzaq ellərin yaxın töhfələri”, Samət Əlizadənin “Füzuli sözünün sehri”, Yaşar Qarayevin “Türk-İslam intibahının zirvəsi Füzuli”, Nihad Sami Banarlının “Füzulinin duası” dahi şairin yaradıcılığından söz açır.
Xüsusi buraxılışda Füzulinin söz gülşənindən seçmə qəzəllər təqdim olunur.
“Ulduz” jirnalı, AMEA Nizami Gəncəvi adına Ədəbiyyat İnstitutunun Ədəbiyyat nəzəriyyəsi şöbəsi və “Təhsil” Nəşriyyatının birgə layihəsi olan xüsusi nömrənin redaktoru filologiya elmləri doktoru Pərvanə Bəkirqızıdır.
Yazıçı-publisist, tarixi romanlar müəllifi Yunus Oğuz Xankəndində Qarabağ Universitetinin qonağı olub.
Olaylar.azxəbər verir ki, universitet və orada təhsil alan tələbələr, təhsil ocağının kitabxanası ilə tanış olan Yunus Oğuz elm və innovasiya məsələləri üzrə prorektor Fariz Əhmədov və İctimaiyyətlə əlaqələr şöbəsinin müdiri Aytən Quliyeva ilə görüşüb. Görüş zamanı universitetin tədris proqramları və ixtisasları haqqında qonağa geniş məlumat verilib.
Yazıçı özünün müxtəlif illər ərzində qələmə aldığı və ayrı-ayrı vaxtlarda çap olunan 100-dən çox kitabını Qarabağ Universitetinə hədiyyə edib. Yunus Oğuz həmçinin Azərbaycan Yazıçılar Birliyinin (AYB) sədri Anarın və AYB sədr müavini Rəşad Məcidin kitablarını da universitetə təqdim edib. Bu addım həm tələbələrin ədəbiyyatla daha yaxından tanış olmasına, həm də Qarabağ Universitetinin kitabxanasının zənginləşməsinə böyük töhfədir.
Təklifinizi, şikayətinizi bizə yazın. Sizi dinlərik. 055 634 88 31
Şəkidə milli peşəkar teatrın yaranmasının 145 illiyinə həsr olunmuş IV Şəki Beynəlxalq Teatr Festivalının açılış mərasimi keçirilib
01 dekabr 2024-cü il tarixdə Azərbaycan Respublikası Mədəniyyət Nazirliyinin, Azərbaycan Teatr Xadimləri İttifaqının, Şəki şəhər İcra Hakimiyyətinin və Şəki Dövlət Dram Teatrının təşkilatçılığı ilə Şəkidə milli peşəkar teatrın yaranmasının 145 illiyinə həsr olunmuş IV Şəki Beynəlxalq Teatr Festivalının açılış mərasimi keçirilib. Mərasimdə görkəmli sənət adamları, ziyalılar, media nümayəndələri və sənətsevərlər iştirak ediblər. Festival Əməkdar incəsənət xadimi Mirbala Səlimlinin quruluş verdiyi “Heç nədən hay-küy” (U.Şekspir) tamaşası ilə açılıb. Tamaşadan sonra mükafatlandırma mərasimi keçirilib. Mərasimdə Azərbaycan Teatr Xadimləri İttifaqının sədri, Xalq artisti, Dövlət mükafatı laureatı Hacı İsmayılov və sədr müavini, Xalq artisti, professor İlham Namiq Kamal çıxış edərək Şəki Teatrını yubiley münasibəti ilə təbrik edib, kollektivə uğurlar arzulayıblar. Keçirilən festivalın əhəmiyyətini qeyd edən sənətkarlar tədbirin təşkil olunmasında fəal iştirak edən Şəki şəhər İcra Hakimiyyətinə təşəkkür ediblər.
Çıxışın sonunda Şəki Teatrının baş rejissoru Mirbala Səlimliyə Azərbaycan Teatr Xadimləri İttifaqının “Teatr Xadimi” qızıl medalı, Şəki Teatrına isə xatirə hədiyyəsi təqdim olunub.
Müharibə illərində Bakı yaralıların bərpa mərkəzinə çevrildi və 1,5 milyondan çox insanı cəbhəyə qaytardı. Hərbi hospital kimi mədəniyyət sarayları, institutlar, məktəblər və sanatoriyalar ayrıldı. Müharibədən sonra bəzi hospitalar tibbi müəssisələrə çevrildi. Onların bir çoxu bu gün də fəaliyyət göstərir.
Azərbaycanın hospitallarında Qırmızı Ordunun döyüşçüləri müalicə olunurdu. İkinci Dünya Müharibəsi dövründə Bakıda ümumilikdə 31,4 min yerlik 41 hərbi hospital fəaliyyət göstərirdi.
Məşhur cərrah, akademik Mustafa Topçubaşovun rəhbərliyi ilə böyük bir həkim qrupu 440 mindən çox sovet əsgər və zabitini sağaldaraq cəbhəyə qaytardı. Onlar, o cümlədən öz inkişaf etdirdikləri müasir müalicə üsulları ilə həyatları xilas edirdilər.
“İlin Kitabı” müsabiqəsi “Mücrü” nəşriyyatı tərəfindən 06.01.2024-cü il tarixində təsis edilib. Müsabiqə ildə bir dəfə olmaqla elan edilir. Müsabiqəyə son iki ildə çap edilmiş Azərbaycan dilində olan kitablar buraxılmışdır. Qeyd edək ki, müsabiqədə iştirak ödənişsiz olmaqla, yaş və ərazi məhdudiyyəti olmadan aparılıb.
Müsabiqə iştirakçılarının müəllifi, tərcüməçisi, yaxud tərtibçisi olduğu kitablar fərdi və təşkilat adından qəbul edilmişdir. Müsabiqədə iştirak edən kitablar Müsabiqənin Təşkilat Komitəsi tərəfindən qapalı səsvermə yolu ilə seçilmiş və 10 nominasiya üzrə 1, 2 və 3-cü yerlərə uyğun olaraq Qısa Siyahı müəyyənləşdirilmişdir.
Müəlliflərin siyahıdakı yerləri şərtidir və kitabın müsabiqədə iştirakının təsdiqləndiyi (müəllifin, tərcüməçinin, tərtibçinin, nəşriyyatın və digər müvafiq təşkilatların) ardıcıllığa uyğundur.
“İlin Kitabı” müsasibiqəsinin Qısa Siyahısı aşağıdakı kimidir:
1. Nailə Axundova, “Riyaziyyat”, ibtidai siniflər üçün
2. Nərmin İlxan, “May yağışları” roman
3. Malik Kərimov, “Kimya”
4. Elvin Rzayev, “Mənim qəribə dostum” hekayələr
5. Aysel Şükürlü, Məktəbəqədərlər üçün Pillə-pillə kitab dəsti
6. Valeh Qoca, “Yarımçıq şəkil” şeirlər
7. Yaqut Dəmirov, “Qeyri-adi görüş” hekayələr
8. El Roman, “Ağ kvadrat” şeirlər
9. Sevinc Səyyadqızı, “Nərgizlər yalan deməz” şeirlər
35. Bahar Bəxtiyarqızı, “Əlvida deməyə tələsmə” roman
36. Munisə Dadaşqızı, almanca orijinaldan tərcüməyə görə “Herbert Vote – Magellanın dövri-aləm səyahəti” roman
37. Tural Cəfərli, “Dahilərin həyatı və aforizmləri”
38. Fidan Nəzirova, “Necati Dəmir – Danişmənd Qazi dastanı” roman
39. Ayşə Məcidova, “Həyata yenidən gəlsəydim” roman
40. Səlim Babullaoğlu, “Ərənlərin nəğməsi” – Çeçen şeirindən seçmələr
41. Səxavət Rizvanqızı, “Həyatıma gələn qonaq” şeirlər
42. Rövşən Danyeri, “15 yazıçıdan 15 hekayə”
43. Şəfa Vəli, “Şeirin yurdu” şeir antologiyası
44. Bəhram Osmanov, “Tamaşaya aparan yol”
45. Azər Ağayev, “Futbologiya”
46. Könül Asifqızı, İbtidai siniflər üçün Əyləncəli Yay Tətilim kitab dəsti
47. Nazlı Çələbi, “Dəmir Yumruq əməliyyatı” romanı
48. Xalid Mahmud, “Darıxmaq fəsli” şeirlər
49. Əli Rzazadə, “Cənab Leytenant” romanı
50. Qoşqar Qaraçaylı, “Uzaqlar” şeirlər
51. Rövşən Yerfi, “Məhbəs” romanı
52. Xuraman Hudulova, “İngilis dili”
53. Coşqun Həsənzadə, “Ölsək belə qovuşmarıq” şeirlər
54. Kənan Abbasov, “Sondan birinci” roman
55. Təranə Dəmir, “Cəhənnəmdən gələn işıq” hekayələr
56. Osman Eminov, “Coğrafiya məsələlərinin izahı”
57. Signor Bayramlı Məhəmməd, “Samuray” roman
58. Rüfət İsgəndərzadə, “Əks-dejavü” roman
59. Femida Nağıyeva, “Hansı ixtisası seçim”
60. Rövşən Şərif, “357” roman
“İlin Kitabı” müsabiqəsinin qaliblərinin adı “Mücrü” nəşriyyatının 5 illik yubiley tarixinə – 24.12.2024 tarixinə qədər açıqlanacaq.
Qaliblərin adları aşağıda göstərilən 10 nominasiya üzrə, 1, 2 və 3-cü yerlər olmaqla “Qısa Siyahı”dan Müsabiqənin Təşkilat Komitəsinin ikinci səsverməsindən sonra seçiləcək:
1. İlin nəsr kitabı – 1, 2 və 3-cü yer
2. İlin şeir kitabı – 1, 2 və 3-cü yer
3. İlin uşaq kitabı – 1, 2 və 3-cü yer
4. İlin metodik kitabı – 1, 2 və 3-cü yer
5. İlin akademik kitabı – 1, 2 və 3-cü yer
6. İlin tərcümə kitabı – 1, 2 və 3-cü yer
7. İlin antologiyası – 1, 2 və 3-cü yer
8. İlin mədəniyyət kitabı – 1, 2 və 3-cü yer
9. İlin kitab layihəsi – 1, 2 və 3-cü yer
10. İlin debüt kitabı – 1, 2 və 3-cü yer
Ünvan: Bakı ş., Yasamal r., Zərgərpalan 117, dalan 15
Əlaqə nömrələri: 0555028932, 0773457747, 0125951040
26 noyabr 2024-cü il tarixində “Papillon” kitab evinin təşkilatçılığı ilə tanınmış ədəbiyyatşünas, tərcüməçi – yazar Seyfəddin Hüseynli ilə imza günü keçirildi. Təşkilatçı kimi “Papillon”unun adından Əlisoy Tarıyel bildirdi ki, Seyfəddin Hüseynlinin yeni nəşr olunmuş “Tərcümə təcrübələri” kitabı oxucular tərəfindən xüsusi rəğbətlə qarşılanıb. Bir qisim oxucuların – daimi müştərilərin israrlı tələbi üzrə imza günü təşkil etmək qərarına gəlib. Seyfəddin müəllimə təklifi operativ şəkildə dəyərləndirdiyinə görə təşəkkürünü bildirdi. Tədbir zamanı Seyfəddin Hüseynli bütün arzu edən oxucular üçün çoxlu sayda kitablar imzaladı.
Tədbirin gedişində müəllifə “Yazarlar” jurnalı tərəfindən yeni kitabların nəşrinə görə eyni şəxsə yalnız bir dəfə verilən “Ziyadar” mükafatı təqdim olundu.
Mükafatı “Yazarlar” jurnalının baş redaktoru Zaur Ustac şəxsən özü təqdim etdi.
“Yazarlar” olaraq, bu münasibətlə Seyfəddin Hüseynlini təbrik edir, qarşıdakı bütün həyat və fəaliyyətində yeni-yeni nailiyyətlər arzulayırıq. Uğurlarınız bol olsun! Ziyanız tükənməsin!
