Allah bizə yetər!
Arzuların qoy yatmasın, oyat sən.
Xəyallarlın qanadında uçarkən…
həyat nədir, yaşam nədir bilərsən.
Arzu varsa, xəyal varsa, ümid var…
***
Duanı əsirgəmə,
Heç vaxt şikayət etmə,
Veməsə qəzəblənmə…
Hər şərdə bir xeyir var.
Hər dərdə bir dəva var!
***
Həsrətinlə göz yaşımı silirəm,
Yaradana üsyan etməm bilirəm…
Gec verəndə güc verən Allahım var!
Səxavətli, ruzisi bol Rəbbim var!
Səbrim aşıb, hüdudundan daşsa da,
Yaralarım sızıldayıb sussa da,
daha xeyirlisin verən Allah var!
Hər addımda hifz eləyən Allah var!
Gələcəyə baxan gözün sönməsin,
Ağlın çaşıb, qəlbin həmən çökməsin.
Özbaşına qoymaz heç vaxt bəndəsin.
Səbr edənə ruzi verən Allah var!
***
İt hürərəsə, yol yürüyən Karvan var.
İlan varsa göydə yanan Ulduz var.
Çaqqal varsa, yaxınlıqda Aslan var.
Şeytan varsa, sənə baxan Allah var.
Dərdin varsa, sənə yaxın Dərman var.
Yaran varsa, Yaradan var, Quran var.
Ayağa qalx, yaranı sil, dua et!
Səbrli ol, üsyan etmə dua et!
***
Adam olmaq asan,
İnsan olmaq çətindir…
Ağlatmaq asan,
Sakitləşdirmək çətin…
Dağıtmaq asan,
Yığmaq çətindir…
Çətinləri sən mənə ver İlahi!
Asanlıqla işim yoxdu bilirsən!
Dostlunla dost, düşməninlə düşmənəm.
Kafirlərə fürsət vermə İlahi!
***
Dayandığın dayanacaq
bir gün səni aparacaq…
Xoş xəyallarının
ardınca
qaçdığın avtobus kimi…
***
Əzilməkdən, büzülməkdən
təngə gəlmiş səhifələr…
Vərəqlənib bir-bir dinər…
Baxmaq üçün lazım hünər.
Səadətə qovuşmaqçun
lazım sənə yeni dəftər.
Köhnələri sən oxuma,
yenisin aç, heç duruxma.
Kitab yazmaq istəyirsən…
Allah Hafiz, sən heç qorxma…
Hər gün yeni ideyalar,
yeni fikirlər, xəyallar
qanad verib sənlə uçar.
Uç, uça bildiyin qədər…
Getməsin əməyin hədər…
***
Üzüldükcə üzülürəm,
Gözdən yaş tək süzülürəm.
Göydən enən Rəhmətini
bir-bir sətirə düzürəm…
Enmiş rəhmət şükür istər.
Yanıb beynimdə fikirlər..
gün üzünə çıxmaq istər…
Rəhmətinə şükür Allah!
Nə zaman yol açılacaq?
O başında mükafat var.
Qulun səndən almaq istər!
Şahidiyəm möcüzənin.
Danan ömür sürər zəlil.
Mən danmadım Özün saxla
doğru yolda, ürək istər.
Sən istəsən O da istər.
O istəsə Sənə yetər.
Vaxtını öldürmə hədər.
Qapını döyməsin kədər.
Qaliblərə müjdələr ver.
Quluq, Allah bizə yetər!
Quluq, Allah bizə yetər!
Müəllif: AFƏT ŞAHİD
PDF>>>ZAUR USTAC UŞAQ ŞEİRLƏRİ
PDF: >>>>> ZAUR USTAC “QƏLƏMDAR-2”
PDF>>> ZAUR USTAC “BB” KİTABI
>>>> ƏN ÇOX OXUNAN HEKAYƏ <<<<
ZAUR USTACIN SATIŞDA OLAN KİTABLARI
YAZARLAR.AZ
===============================================
<<<<<< WWW.USTAC.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru