17 iyul 2024 -cü ildə portal vasitəsi ilə işğaldan azad olandan 4 il sonra vətəni ziyarətə getdim. Kəndin, elin, obanın ruhu ilə görüşdüm. Ruhlar məni gec gəldiyimə görə qınadılar. Onlardan üzr istəyib dedim ki, məni bağışlayın! Bunun günahı portaldadı… nəysə.
DÖZƏ-DÖZƏ YAŞLANIRAM
Dərd qəlbimdə oyum-oyum,
Çox istərdim dərddən doyum.
Deyən elə budu payım,
Dözə-dözə yaşlanıram.
Məzarların baş daşı yox,
Düşmənlərə nifrətim çox.
Sinə daşı qırıx-qırıx,
Dözə-dözə yaşlanıram.
Burda ata, ana yatır,
Ürəyimə tikan batır.
Canım yanır çıtır-çıtır,
Dözə-dözə yaşlanıram.
Parça-parça bax, daşım da,
Nələr gördüm bu yaşımda?
İslanıram göz yaşımda,
Dözə-dözə yaşlanıram.
Qəbristanlıq sinə dağım
Nə gündədi solum, sağım?
Viranədi könül bağım,
Dözə-dözə yaşlanıram.
Ana, ruhun qucaqlaşdı,
Elə o an uşaqlaşdım.
Vallah, yaman kövrəlmişəm,
Tez doluram, budu peşəm.
Öz-özümə yazıqlaşdım,
Daha ordan uzaqlaşdım,
Gəzə-gəzə yaşlanıram,
Dözə-dözə yaşlanıram.
Müəllif: Məmməd MƏRZİLİ
I> BİR KİTABA YÜKLƏNMİŞ MİN FİKİR
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru