Yaşadım
….
Yorulmazdım, riya gördüm yoruldum,
Bir xeyirxah iş görəndə duruldum.
Sadəliyə, gözəlliyə vuruldum,
Dəyişmədim, elə belə yaşadım.
Xərcləmədim sağa-sola ömrümü,
Bağışladım yurda, elə ömrümü.
Sevə-sevə verdim dilə ömrümü,
Deməyin ki, elə-belə yaşadım.
Gələn gedir, səfərim var sonucda,
Şahlar, bir xoş xəbərim var sonucda,
Bilirdim ki, zəfərim var sonucda
Mən bu ömrü bilə-bilə yaşadım.
Müəllif: ŞAHLAR GÖYTÜRK
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru