Sevincin özü
Könlü barış üçün vuran kəslərə,
Zülm etmək sayılar yan tutmaq üzü.
Qəlbdə tüğyan edən ülvi hisslərə,
Tən tutmaq çətindir yüzlərlə sözü.
Sənə tərəf gəlib səni istəyən,
Kimsənin qəlbinə sevgini payla.
Nəzakət göstərib adın səsləyən,
İnsana diqqətin verib harayla.
Qoyma intizarda dostu, qardaşı,
Könlünün güzəştli qapıların aç.
Sevindir yoldaşı, sadiq sirdaşı,
Barışıq yolun tut, küdurətdən qaç.
Camal, dildə saxla şirin sözləri,
Qəlbləri şad edib üzlərə ötür!
Düşsün həyatına sevinc izləri,
Ömrünə qəlblərin sevgisin gətir!
12.09.24.
Müəllif: CAMAL CƏFƏR
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru