“Simurq” kitabxanasının kitab fondunun Laçında fəaliyyət göstərən məktəbə təhvil veriləcəyi bildirilib
Bakı Abadlıq xidmətinin mətbuat katibi Lalə Əliyevanın Qafqazinfo-ya verdiyi açıqlamada “Simurq” kitabxanasının kitab fondunun Laçında fəaliyyət göstərən məktəbə təhvil veriləcəyi bildirilir.
Məktəb kitabxanası ilə şəhər kitabxanası arasındakı fərqi bilməmək təəssüf doğurur və bu, məsələyə münasibətdə peşəkar yanaşmanın yetərli olmadığını və əslində kitabdan nə qədər uzaq olduqlarını göstərir.
Məktəb kitabxanasının fondu məktəbli yaş qrupunun tədris və mütaliə ehtiyaclarına uyğun formalaşdırılır. “Simurq” kitabxanasının fondu isə bütün yaş qruplarının maraq və tələbatını əhatə edir. Bundan əlavə, məktəb kitabxanasının əsas istifadəçiləri şagird və müəllimlərdir, rayon sakinləri isə şəhər kitabxanasında olduğu kimi həmin kitabxanadan sərbəst şəkildə yararlana bilmirlər.
Yaxşı olardı ki, Bakı Abadlıq Xidmətinin nümayəndəsi dövlət mülkiyyəti olan kinoteatr binasının hansı hüquqi əsaslarla bu qurumun istifadəsinə verildiyi barədə də ictimaiyyətə açıqlama təqdim edərdi.
“Yazarlar” olaraq, biz də bu çağırışa qoşuluruq: – Laçındakı ziya ocağını sönməyə qoymayın (söndürməyin), “Simurq” kitabxanasının qapıları bağlanmasın!!!
Hörmət və ehtiramla: Zaur USTAC
Hörmət və ehtiramla: Natəvan Uğurlu
Mənbə: Laçın Simurq Kitabxanası
Oxuyun >> Gözündə tük var
Zaur Ustacın şeirləri haqqında