Yeni dərs vəsaiti: “Pedaqogika nəzəriyyəsi: Müntəxəbat”
Yeni ilin ilk günlərində “Mütərcim” nəşriyyatı pedaqoji ictimaiyyətin görüşünə yeni dərs vəsaiti “Pedaqogika nəzəriyyəsi: Müntəxəbat”la gəlmişdir. Dərs vəsaitinin müəllif-tərtibatçısı pedaqogika üzrə fəlsəfə doktoru, Azərbaycan Respublikasının Təhsil İnstitutunun aparıcı mütəxəssisi
Lalə Akif qızı Məmmədlidir.
Elmi redaktoru: pedaqogika üzrə elmlər doktoru, professor, əməkdar müəllim Akif Abbasov;
Rəyçilər pedaqogika üzrə elmlər doktorları, professorlar Hümeyir Əhmədov və İntiqam Cəbrayılovdur.
Təqdim olunan dərs vəsaitində (Bakı: Mütərcim, 2022 . – 232 səh.) Azərbaycanın görkəmli psixoloq və pedaqoqlarının pedaqogikanın ümumi məsələlərinə, əsas anlayışlarına, onun predmetinə, məqsəd və vəzifələrinə, tədqiqat metodlarına, didaktika və tərbiyə məsələlərinə, məktəbşünaslığa dair əsərlərindən seçmələr verilmişdir. Dərs vəsaitindən ali təhsil müəssisələrinin və kolleclərin tələbələri, müəllimlər, dissertant və doktorantlar, magistrantlar, magistrlər, valideynlər, həmçinin geniş oxucu kütləsi də faydalana bilərlər.
USTACAM Müzəffər ordunun şanlı əsgəri, Ərənlər yurdunun ər övladıyam! Zalımın zülmünə təhəmmülüm yox, Babəklər yurdunun hürr övladıyam! * * * Ustadım Nəsimi, sözümüz sözdü, Ədalət, həqiqət bağrımda közdü, Ziyadar dühası bir deyil, yüzdü, Mövlalar yurdunun nur övladıyam! * * * Dərvişəm, müqqəddəs sayılır təkkəm, Hülqumdan yuxarı dayanır öfkəm, Od, ocaq diyarı tanınır ölkəm, Alovlar yurdunun nar övladıyam! * * * Unutma, şah babam Xətai başdı, Nadir şah, mətədə tərpənməz daşdı, İlham, nə keçilməz sədləri aşdı, İgidlər yurdunun nər övladıyam! * * * Tarixdə Nəbisi, Koroğlusu var, Gen dünya yağıya daim olub dar, Düşmən qarşımızda yenə oldu xar, Aslanlar yurdunun şir övladıyam! * * * Göydən Yer üzünə ərmağan, payam, Gündüzlər Günəşəm, gecələr Ayam, Ən parlaq ulduzdan törəyən boyam, Ozanlar yurdunun sirr övladıyam! * * * Ustacam, vətənim vətən içində, Axıb duruluruq zaman köçündə, Min bir anlamı var, adi “heç”in də, Aqillər yurdunun pir övladıyam!
Ustaclı oğlu, Ustacam! Gözlərimin alalığı, Ulu Göycəmdən ərmağan. Ərdəbilin naləsidir, Ruhum həp eylədi fəğan. * * * Yarı Qarqar, yarı Əfkər, Şəhriliyəm; şaham, tacam! Şah İsmayıl silahdaşı, Ustaclı oğlu, Ustacam!
Təqvimdə bu gün şair, publisist, “Yazarlar” jutnalının təsisçisi və baş redaktoru, MYK-nın icraçı katibiZaur Ustacın doğum gündür. Zaur Ustac 8 yanvar 1975-ci ildə Bakı şəhərində (Lenin rayonu) anadan olmuşdur. Ad günü münasibəti ilə redaksiya heyəti və bütün yazarlar adından onu təbrik edir, uzun ömür, can sağlığı, bütün işlərində uğurlar arzu edirəm!
İldırım Əkbəroğlu – Füzuli (Məmmədov İldırım Əkbər oğlu) 13 sentyab 1950-də anadan olub. Beyləqan rayonu Kəbirli kənd orta məktəbini bitirdikdən sonra hərbi xidmət keçib. Bu ərəfələrdə artıq şeriləri rayonun çoxtirajlı qəzetində müntəzəm şəkildə çap olunması səbəbi ilə bölgədə hamı onu şair kimi tanıyırdı. 1974-cü ildə Xalq Təsərrüfatı İnstitutuna, indiki Azərbaycan Dövlət İqtisad Universitetinə qəbul olunur və 1979-cu ildə təhsilini başa vurur. Bu müddətdə radioda, televiziyada şeriləri səslənir, 1978-ci ildə B.Vahabzadə və İ.Şıxlının redaktorları olduğu “Çinar pöhrələri” toplusunda şeriləri geniş oxucu kütləsinə təqdim olunur. Dost – tanış və eyni zamanda yazıları ilə tanış olan hər kəs onu bir şair kimi qəbul edir, gələcəyini bu istiqamətdə təsəvvür edirdi. Müntəzəm olaraq şerləri qəzetlərdə çap olunurdu. Təhsili başa vurub Rayonda işə başlamaqla sanki, yaradıcılıq arxa plana keçir… RTTB –ndə 1998–ci ilə kimi baş mühasibin müavini, 2015-ci ilin sonuna kimi İH-nin Kəbirli kənd ərazi nümayəndəliyində baş məsləhətçi kimi fəaliyyət göstərir. Təqaüdə çıxdıqdan sonra sirli söz aləmi yenidən onu öz sehrinə salır.. Şerləri dəfələrlə almanaxlarda, qəzetlərdə çap olunur. İldırm Əkbəroğlu 22 yanvar 2019 – cu ildə MYK -ın ömürlük fəxri sədri seçilmişdir. İldırım Əkbəroğlu 22 dekabr 2019 -cu ildə vəfat emiş və Beyləqan rayonu, Kəbirli kəndində dəfn olunmuşdur.
KİTABLARI:
İldırım Əkbəroğlunun bu günə qədər iki kitabı nəşr olunub. “İldırım Əkbəroğlu” adlı ilk kitabı sağlığında, demək olar ki, ömrünün son günlərində (2019), “70” adlı ikinci kitabı isə ölümündən sonra (2020) nəşr olunmuşdur. Son olaraq “Yazarlar” jurnalının tərtib etdiyi “Ana şeirləri” almanaxında yer alıb.
QEYD:
“Bayram Bayramov – 100” layihəsi çərçivəsində İldırım Əkbəroğlu 2019 -2020 ci il üçün “İLİN YAZARI” seçilib və “Bayram Bayramov ” diplomu ilə təltif olunub (ölümündən sonra). Allah rəhmət eləsin. Ruhu şad olsun. Amin.
Tanınmış yazar Kənan Hacının sayca 21-ci, hekayələrdən ibarət olan “Pirosmaninin qonağı” adlı yeni kitabı “Günəş” nəşriyatında işıq üzü görüb. Müəllifi bu münasibətlə təbrik edir yeni-yeni nailiyyətlər arzu edirik! Çox dəyərli oxucularımız isə artıq sabahdan kitab mağazalarından “Pirosmaninin qonağı”nı alıb oxuya bilərlər.
İnsan ücün ən yadda qalan günlərin başlıcası onun həyata gəldiyi gündür. Ömrə bəzək olan ad günü hər il xüsusi ilə qeyd olunur. 5 yanvar Azərbaycan Vətən Müharibəsi Veteranları İctimai Birliyinin sədri Rzaquliyev Füzuli Ədəb oğlunun dünyaya göz açdığı gündür. Bu gün münasibətilə AVMVİB Rəhbərliyi (İdarə heyəti), Fədai.az və Veteran.az kollektivi və Azərbaycan Vətən Müharibəsi Veteranları İctimai Birliyinin sədr müavini polkovnik Salman Musayev Füzuli müəllimi doğum günü münasibətilə səmimi qəlbdən təbrik edir, ona həyatda insan üçün ən şirin nemət olan möhkəm can sağlığı, ailə səadəti və həyat yollarında bitib — tükənməyən naliyətlər arzulayır.
Qoy yaşının üstə gələn bu yaş ona sevinc dolu günlər bəxş etsin və hər yeni günü isə ötən günlərdən daha gözəl istəklərinə uyğun onu xoşbəxt edəcək şəkildə keçsin. Amin!
2-ci qrup müharibə əlili Rzaquliyev Füzuli Ədəb oğlu 5 yanvar 1961-ci ildə Ağdərə rayonunun Xatınbəyli kəndində anadan olub.
O, 1976-ci ildə Ağdərə rayonunun Xatunbəyli kəndində səkkiznici sinifi, 1978-ci ildə Ağdərə rayonunun Manikli kənd orta məktəbini, 1986-cı ildə isə Azərbaycan Dövlət Pedoqoji İnstitutunun Hərbi Hazırlıq və Bədən Tərbiyəsi fakultəsini bitirib.
Füzuli Rzaquliyev 1980-1982-cı illərdə Sovet ordusunda müdddətli həqiqi hərbi xidmətdə olub.
O, 1986 -1989- cu illərdə Qarabağda hərbi (rəhbər) müəllim, 1989-1991- cı ilərdə isə Bakı Kommersiya Texnikomunda müəllim işləyib. Milli Ordunun yaranmasında iştirak etmiş az saylı zabitlərimizdəndi. 1991-1994-cü illərdə Azərbaycan Ordusunun döyüş bölgələrində yerləşən N saylı hərbi hissədə tabor komandirinin birinci müavini — qərargah rəsi vəzifəsində Vətənə, Dövlətə və Xalqa sədaqətlə xidmət etmişdir. O, Azərbaycan Respublikasının Ərazi bütövlüyü uğrunda gedən döyüşlərdə ona və tabora həvalə edilmiş vəzifə və tapşırıqların öhdəsindən layiqincə gəlmişdir. Bundan əlavə Füzuli Rzaquliyev Azərbaycanın ərazi bütövlüyü uğrunda gedən döyüşlərdə ağır yaralanmışdır.
O, döyüşdə ağır yaralansa da son atəşkəs günə qədər Ordu sıralarını tərk etməmişdir. Erkəş, Mənəş, Buzluq, daha sonra Daşaltı yaşayış məntəqələri, Şuşa, Kəlbəcər, Laçın, Ağdərə rayonları istiqamətində gədən döyüşlərdə özünü bacarıqlı bir komandir kimi göstərmişdir. Göstərdiyi çox saylı şücaətlərə görə Füzuli Rzaquliyevə döyüş dostları «Koroğlu» ləqəbi vermişdilər.
O, Azərbaycan Ordusunudan tərxis edildikdən sonra Azərbaycan Vətən Müharibəsi Veteranları İctimai Birliyinin yaradıcılarından biri kimi Birliyin rəhbərliyində təmsil olunmuş, işlədiyi müddətdə Azərbaycan Respublikasının Konstitusiyasına və qanunlarına əməl etməkdə müvafiq Nizamnamələrin, təlimatların, əsasnamə və əmrlərin yerinə yetirilməsinə məsuliyyətlə yanaşıdığna görə bir çox medallarla, döş nişanları ilə, fəxri fərmanlarla təltif edilib və ona təşəkkür elan edilib.
Füzuli Rzaquliyev doğulduğu və yaşadığı kəndin, 1-ci və 2-ci Vətən müharibəsində iştirak etmiş döyüşcülərin, xeyir və şərində yaxından iştirak edən bir ziyalıdır. O, ictimaiyyət, dost-tanış arasında, işlədiyi və xidmət etdiyi kollektivdə böyük hörmət qazanmışdır. Dostluqda möhkəm və sadiq insandır. Onunla dostluq edən hər bir şəxs ondan narazı qalmayıb. Füzuli müəlim qohum və dostcanlı bir şəxsdir. O hamı ilə maraqlanır, onların problemlərinin həllində onlara köməklik etməyə çalışır. Qohum-əqraba, dost -tanış, müharibə iştirakçıları arasında böyük hörməti var. Onların xeyir və şər işlərində yaxından iştirak edərək öz məsləhətlərini verir. Məhz bu xüsusiyyətə görə hər kəs, müharibə görmüş döyüşçülər, şəhid ailələri onu çox sevirlər və ona dərin rəğbətlə yanaşırlar.
Füzuli müəllim idarəetmə qabiliyyətinə və böyük söz ehtiyatına malik olan bir vətənpərvər, zəhmətkeş insandır. O istənilən adamla söhbət edən zaman mənalı fikirlər və müdrik kəlamlardan sitat gətirərək, qarşısındakı həmsöhbətini təəccübləndirməyi bacararır.
Onunla söhbət edən hər bir kəs, Füzuli Rzaquliyevin necə sadə, necə alicənab, təvazökar və dünyagörüşlü bir ziyalı olduğunu o dəqiqə anlayır, ona böyük hörmət və ehtiramla yanaşır .
Azərbaycan Vətən Müharibəsi Veteranları İctimai Birliyinin yarandığı gündən AVMVİB-nin sıralarındadır və hazırda AVMVİB-nin sədridir. Füzuli müəllim əsil vətənpərvər, cəmiyyət, dövlətçi, mehriban, səmimi, savadlı şəxsiyyət kimi tanınan insanpərvər vətəndaşdır.
Azərbaycan Respublikasının Prezidenti, Silahlı Qüvvələrin Baş Komandanı İlham Əliyevin rəhbərliyi ilə torpaqlarımızın erməni işğalından təmizlənməsi uğrunda 2020-ci ilin sentyabr ayının 27-dən başlayan müzəffər ordumuzun rəşadətiylə qırx dörd günlük qələbəmizlə başa vurmasında Füzuli Rzaquliyevin də xidmətləri var. Onun sonadək döyüş bölgələrində olması, daimi döyüşçülərimizin yanında olması, onları döyüşə ruhlandırması və oğlu baş leytenant İlkin Füzuli oğlu Rzaquliyevin işğal altında olan rayonlarmızın azad olunmasnda göstərdiyi qəhramanlıq və şücaət bir əsil vətənpərvərlik nümunəsidir.
Füzuli müəllim qorxmaz, isanpərvər, səxavətli, əliaçıq və zəhmətkeş zabitdir və yaxşı ailə başçısıdır. O, işlədiyi və xidmət etdiyi kollektiv, dost- tanış, qohum-əqrəba arasında özünə layiq hörmət qazanmışdır.
DOĞUM GÜNÜN MÜBARƏK OLSUN, FÜZULİ MÜƏLLİM!
ALLAH HƏR ZAMAN QƏLBİNİ SIXINTIDAN, BƏDBİNLİKDƏN QORUSUN!
BÜTÜN ARZULARIN ÇİN OLSUN!
DAİMA XOŞBƏXT YAŞA, ÖMRÜN UZUN OLSUN!
HƏMİŞƏ ÜZÜN GÜLSÜN, ÜRƏYİN SEVİNSİN!
Dərin hörmətlə, AVMVİB Rəhbərliyi (İdarə həyəti), Azərbaycan Vətən Müharibəsi Vetiranlari İctimai Birliyinin sədr müavini polkovnik Salman Musayev
