Bayatılar…
Aşiqəm vəfasına,
Əhdinə, vəfasına.
Dərd odu ki, vaxt çata,
Eşq bitə, vəfa sına.
Əzizim dağdan keçdim,
Dərədən , dağdan keçdim.
Düşdüm sevgi dalınca,
Düyündən, dağdan keçdim.
Əzizinəm tərsinə,
Avandı nə, tərsi nə?
Atlını atdan salar
Qönçə dodaq, tər sinə.
Ürək yuva, sevgi dən,
Daş da keçir sevgidən.
Vəfasızlar nə bilir
Nə çəkirik sevgidən.
Müəllif: Təranə DƏMİR
AYB – nin və AJB -nin üzvü.
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
