
Sən sevgi bağımda çiçək olsan, nə olar ki?
Hər gün bəzənən,al ləçək olsan,nə olar ki?
Nə olar ki?
Bir arzu da yox qəlb(i)də sakitcə dayansın
Könlümdə coşan hürr dilək olsan nə olar ki?
Sevgim süzülər ağ mələyin,ağ qanadından
Könlümə qonan ağ lələk olsan,nə olar ki?
Aşiq olalı sinəmə dağ çəkdi əzabın,
Sinəmdəki dağda çiçək olsan nə olar ki?
Xəttat səni gözlər neçə il gur yağış altda,
Sən görşə tələsmiş külək olsan nə olar ki?
.* * *.
“Bu şəhərdə kimsə yoxdur“
Bu böyük şəhərdə,kimsə qalmayıb.
Hamı öz başını götürüb gedib.
Başqa bir şəhərdə ocaq qalayıb,
Burdakı ocağın söndürüb gedib.
İndi küçələrdə yalnız gəzirəm,
Hər tini,döngəsi tənha qalıbdır.
Kölgəmi götürüb mən də gedirəm,
Küçə lampaları yaman darıxır.
Gedirəm,gedirəm doğma bir bağa
Bağın ağacları yaman saralır.
Ağaclar ağlaşır,girir qol-qola,
Sarı yarpaqları yaman darıxır.
Bağın qucağına gözəllik qatan,
Yalqız bir masa var orda dayanır.
Masanın üstündə düzülüb qalan,
Domino daşları yaman darıxır
Hər yerə,hər tinə yaxından baxıb,
Hər ötən günləri gözlər axtarır.
Kimsəsiz şəhərə kənardan baxıb,
Gözümün yaşları yaman darıxır.
.* * *.
Hüseynə
Sultani-bəla sanki bir ünvandı Hüseynə
Ol Kərbübəla güldü,gülüstandı Hüseynə
Başdan kənara düşdü bədən,çiyni qalıb tək
Səhra mehi ağlar,o pərişandı Hüseynə
Qanla dola çeşmim,ələnə çöhrəmə kaş ki,
Qıp-qırmızı mərdüm elə qurbandı Hüseynə
Mən ağlaram hər gün qələm ilə vərəq üstə,
Hər beyt ilə misram belə giryandı Hüseynə
Xəttat,yenə eşq ilə yanıb,kül olacaqsan.
Matəm günü qəlbim necə mehmandı Hüseynə
Müəllif: TANRIVERDİ ƏLİYEV
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru