İPƏK NAXIŞLI ŞƏKİ
Şəki, mən sənə qonaq gəlmədim,
Ruhuma bir çiçək dərməyə gəldim.
İpək naxışında, dağlar başında,
Özümdən bir parça görməyə gəldim…
Bax, ipək danışır usta əlində,
Naxışlar açılır sevgi telində.
İz qoyub min illik sənət elində,
Yaşadır Şəkinin ruhun özündə.
Usta, rənglər necə köçür ipəyə?
Naxış vurub can verirsən çiçəyə,
Heyran qaldım butadakı bəzəyə,
Aç bu sirri, nur çilənsin ürəyə.
Əllərin sehrli naxışlar vurur,
İpəyin üstündə bir dünya qurur.
Hər ilmə, hər naxış qarşında durur,
Şəkinin nağılı burda toxunur.
15.07.2026
Müəllif: D.Mirzə
Oxuyun >> Gözündə tük var
Zaur Ustacın şeirləri haqqında