YAZ GƏLƏNDƏ
Qar əriyər, şimşək çaxar,
Sular çağlar yaz gələndə .
Torpaq gülər körpə kimi,
Göylər ağlar yaz gələndə.
Dalğalanar dəriya, ümman,
Tülə bənzər yerdə duman.
Uca dağlar buludlardan
Çalma bağlar yaz gələndə.
Köksümüzə sığmaz ürək,
Güllərə qonar kəpənək,
İldırım odlu qılınctək
Göyü dağlar yaz gələndə.
Müəllif: Şəfəq SAHİBLİ
Oxuyun >> Gözündə tük var
Zaur Ustacın şeirləri haqqında