Anama – dünyamın Pərizadına ithaf
***
Saralmış dəftər
Saralmış pərdələri araladım.
İllərin altına düşdüm,
Ayların üstünə çıxdım.
Ayağım da büdrədi.
İçimdə buz bağlayan
ürəyim də titrədi…
Ölümünü gözləyən İnsanın
ölüm qapısında
hazır dayanışını gördüm.
Üzündə vida nəğməsi oxunan,
gözlərimə toxunan
doğmanın,
belini kəsən yatağını,
bütün həyatını boğçaya almış
otağını,
qorxusuzluğun içində, həm də
titrəyən, qıfıllı dodağını gördüm.
Ruhların cağırışına əl uzadan,
O dünyadan gələnləri salamlayan,
İçindən keçirib, göz önündə
saxlayan Qadının,
bətnindən doğulanlardan utandığını,
Üzünün saraldığını,
Gözünün ağardığını,
Ağlamadan ağladığını gördüm.
Cümlələrin, sözlərin,
hərflərin, işarələrin arasında
bir az da özümü gördüm.
Bu Qadının həsrətini,
Ağrıdan qopan bətnini,
Bətnindən qopan əllərini,
Dualarını, vidalarını,
İçindən köçən balalarını,
doğmalarını gördüm.
Saralmış vərəqlər
saralmış xatirə kimi aralandıqca,
Qat-qat yığılan,
Doğulan, boğulan nə vardısa
alt qatına doğru getdim.
Heyrətləndim…
İtdim – ağdan sarıya kimi
illəri yatıran bu dəftərin
həyat otağının
sarı pərdələri arxasında,
Səhifələr arasında…
Qatlardan çıxdım…Qatlandım…
O Qadının, bu saralmış dəftərdəki
Son cümləsi – yıxdı məni…
…Yazıların, vərəqlərin
Sarısını – üzümə,
Ağrısını – gözümə,
Tozunu – nəfəsimə,
Xatirəsini – sözümə,
Hıçqırığını – səsimə,
ANAMI – içimə cəkdim…
BALAM kimi…
Müəllif: Xanım İSMAYILQIZI
Sizin yerinizə utanıram mən` – Şahmar Əkbərzadənin şeirləri
PDF>>>ZAUR USTAC UŞAQ ŞEİRLƏRİ
PDF: >>>>> ZAUR USTAC “QƏLƏMDAR-2”
PDF>>> ZAUR USTAC “BB” KİTABI
>>>> ƏN ÇOX OXUNAN HEKAYƏ <<<<
ZAUR USTACIN SATIŞDA OLAN KİTABLARI
YAZARLAR.AZ
===============================================
<<<<<< WWW.USTAC.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru
