WWW.YAZARLAR.AZ

>>>> ƏN ÇOX OXUNAN HEKAYƏ <<<<

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Oxudum, oxudum, gözlərim doldu

Dekabr 5, 2024 www.bitik.az Bir şərh yazın

Oxudum, oxudum, gözlərim doldu

(ibrətamiz əhvalat)

Gec bildim. Özü çoxdan getmişdi artıq…
Bugünlərdə “Tərcümə təcrübələri”ni imzalı almağa gələn gənc Oxucum kitab üçün pulu, zərf əvəzinə, niyyəti kimi pak bir vərəqə büküb gətiribmiş.
Adi ağ vərəq indi məndən ötrü bu vaxtacan gördüyüm ən incə naxışlı, nəfis bir zərfdir…
Yəqin, əlbəəl almağa utandığımı sezdiyi üçün, bükülünü kitab imzaladığım masadakı nüsxələrdən birinin altına qoyub.
Cizgilərinə körpə məsumluğu hopmuş munis xətt – sonsuz şəfqət, nəvaziş qaynağı: “Gözünüzün nuru azalmasın…”
Oxudum, oxudum, gözlərim doldu. Cib dəsmalımı kipriklərimə çəkdim. Yorğunluq dumanı seyrəldi gözlərimin, baxışım durulub-aydınlandı. Gözyaşlarım yumuşdu, əlbəttə, burası öz yerində. Amma o aydınlığın, əslində, məhz sidqlə yazılmış bu xeyir-duadan gəldiyinə inancım qat-qat üstündür. Bunun tərs üzünə məni kimsə inandıra bilməz.
…Bu lətif zərfi bayaq Özündən almağa utanmışdım. İndi daha çox utanırdım: bükülünü əlbəəl almadığım, üstünə yazılanı o an oxumadığım, üz-üzə ikən layiqincə təşəkkür etmədiyim üçün… Bir də, hədiyyə qəbulu ədəbincə, zərfi onu gətirənin qarşısında açmadığıma görə: içindəki məbləğin artıqlığını bilər, uyğun davranardım.
Ancaq yox! Xırdaçılıq çıxardı, bu nəcib rəftarın sehri zədələnərdi…
Kövrəlib-doluxsunmağımda isə utanmalı bir cəhət görmürəm: Sentimentallıq, istənilən yaşda, Simmentallıqdan çox-çox yaxşıdır!
…İmkanım buna çatdı ki, öz xeyir-duasını mən də onun ünvanına, artıqlamasıyla pıçıldayım: “Sənin də, çox güman, bütün gün ya ekrana, ya kağıza zillənən gözlərinin (hərdən yorğun düşüb dumanlansa belə!) nuru, aydınlığı ömrün uzunu zərrəcə azalmasın, əzizim Oxucu! Bu xeyir-duanın qopub gəldiyi saf ürəyinin taqəti bircə misqal da əksilməsin!”
O ki, qaldı mənə…
Belə gözəl xeyir-dua ilə naxışlanan bu zərfi, onunla gətirdiyin bütöv bir sərvət dəyərində bu banknotu özümdə saxladıqca, inşallah, hələ uzun zaman nə gözlərimin nuru azalar, nə qazancımın bərəkəti çəkilər!

Mənbə və müəllif: Seyfəddin Hüseynli

Seyfəddin Hüseynlinin yazıları

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

“Şokalad qutusu”

Sentyabr 24, 2024 www.bitik.az Bir şərh yazın

Bir gün balaca bir qəsəbəyə varlı bir turist gəlir. Turist bir neçə günlük gecələmək üçün, bir otelə gedir. Öncədən icarə üçün 100 dollar otelin sahibinə ödəyib, yuxarı mərtəbəyə — otaqlara baxmaq üçün qalxır. Otelin sahibi 1 dəqiqə belə gözləmədən pulu götürüb, qaçaraq ət dükanına gedib borcunu ödəyir.

Qəssab pulu götürüb sevinərək fermerin yanına, bir neçə gün əvvəl borca aldığı inəyin pulunu ödəməyə gedir. Fermer pulu götürüb avtomobil dəzgahxanasına gedib öz borcunu ödəyir. Dəzgahxananın sahibi pulu götürüb bir neçə gün əvvəl mağazadan etdiyi alış-verişin pulunu ödəyir.

Mağazanın sahibi pulu götürüb neçə gündür gecikdirdiyi işçisinin maaşını ödəyir. İşçi xanım pulu götrüb qaçaraq hotelin sahibinin yanına gedib, ona olan borcunu ödəyir.

Bu zaman turist otel sahibinin yanına enir və bildirir ki, yuxarda onun üçün münasib otaq yoxdu. Turist icarə üçün qoyduğu pulu geri götürür və oranı tərk edir.

Heç kim heç nə qazanmadı, amma qəsəbə sakinlərinin artıq bir-birlərinə borcu yoxdu və onlar gələcəyə ümidlə baxırlar.

Məlumatı hazırladı: Günnur Ağayeva

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Ən ədalətli hökm

Sentyabr 7, 2024 www.bitik.az Bir şərh yazın

OĞRUDAN DOĞRU DƏRS

Bir dəfə Çində bir adam o qədər ac və yorğun idi ki, dayana bilmir və bir armud oğurladı.
Onu tutdular və cəzalandırımaq üçün imperatorun yanına gətirdilər. Oğru İmperatoru görəndə ona dedi;
“Hörmətli hökmdarım, çox ac idim.
Dözə bilmədim, oğurladım və yedim. Sizə yalvarıram, məni bağışlayın. Əgər məni bağışlasanız sizə əvəzolunmaz bir hədiyyəm olacaq “dedi.
İmperator ağzını əyərək;
“Sizin kimi birində əvəzolunmaz nə ola bilər ki?”-deyir.
Oğru ovucunun içərisinəki armud tumlarını uzadır və
“Bu tumları əksəniz bir gün ərzində qızıl meyvələr verən bir ağacın çiçəkləndiyini görəcəksəniz.”
İmperator güldü və Dedi:
“O zaman buyur ək. Qızıl meyvələri görəndə səni bağışlayıram”.
Yoxsul adam;
“Hökmdarım, oğru olduğum üçün bu toxumu mən əkə bilmərəm. Bu toxumu ömrümdə heç vaxt oğurluq etməyən, başqalarına heç vaxt haqsızlıq etməmiş, yalan danışmamış bir kimsə ancaq əkə bilər. Toxum ancaq o zaman öz təsirini göstərər, əks halda ona əkəni zəhərləyər, dayanılmaz ağrılarla öldürər. Sultanım, yalnız bu toxum siz əkə bilərsiniz. “

İmperator ürkdü,bir müddət düşündü, sonra da kəskin səs tonuyla;
“Mən bağban deyiləm, imperatoram, bu toxumu vəzirə verin və qızıl meyvələri görək.” dedi ..
Yoxsul kişi toxumu vəzirə təhvil verəndə baş vəzir tələsik İmperatora tərəf çevrildi və etiraz etdi.
“Mən əkin biçin işlərinə çox bacarıqsızam, sehrli toxumu israf edərəm.Məncə bu toxumu xəzinədar əksin.
Xəzinədar dərhal bir bəhanə tapdı və bu vəzifəni başqasına təhvil verdi.
Orada olanların hamısı sudan bəhanələrlə toxum səpmək vəzifəsindən bir-bir imtina etdilər.
Sonra İmperator bir müddət sükut içində düşündü. Başı aşağı Vəzirin, Xəzinədarın və bütün məmurlara baxdı;
“Gəlin bu oğru bağbanına toxumun necə qızıl meyvə verdiyini hamımızı bir yerdə göstərək. dedi.
Cibindən bir qızıl pul çıxartdı və kasıb kişiyə atdı.
Hamı da ardıcıl olaraq ciblərindən qızıl pul çıxarıb ona verdi.
Sonra gülürək imperator yoxsul adama;
“İndi isə çıx get buradan, bu dərs bu günlük hamımız üçün bəs etdi.” dedi ..
Bəs indiki dünyamızda bu toxumu əkə biləcək xüsusiyyətlərə malik insan qalıbmı ətrafınızda tanldıqlarınızdan?

Mənbə: İbrətamiz əhvalatlar

Məlumatı hazırladı : Günnur Ağayeva

LAÇIN SİMURQ KİTABXANASI

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Üç kişinin əhvalatı

Avqust 13, 2024 www.bitik.az Bir şərh yazın

Üç kişinin ibarətamiz əhvalatı

Üç kişi gilyotin vasitəsi ilə edama məhkum edilib.
Bunlardan biri keşiş, biri hakim, digəri fizika alimidir…
Edam meydanına birinci keşişi çıxarırlar. Məhkumun başını giyotininin baltasının altına yerləşdirəndən sonra cəllad rahibə “son sözün varmı?” soranda o da, o deyir:
– Mən Allaha inanıram. O məni mütləq qurtaracaq! Allah… Allah… Allah…
Cəllad giyotini endirir. Amma möcüzə baş verir. Məhkumun boynuna 2-3 santimetr qalmış gilyotin dayanar. Edamı izləyən gördüyündən vəcdə gəlir və bir ağızdan bağırmağa başlayır.
– Onu azad edin! Allah sözünü söylədi, Allah onu bağışladı!
Beləcə keşiş edamdan qurtulur.
Daha sonra hakimi edam masasına gətirirlər. Cəllad ona da “deyiləsi son sözün varmı?” soruşanda hakim;
– Mən keşiş qədər Allaha inanan biri olmasam da, haqqa, ədalətə güvənirəm! Ədalət! Ədalət! Ədalət! deyir…
Cəllad yenə gilyotini endirir amma təkrarən möcüzə yaşanır: Hakimin də boynuna bir neçə millimetr qalmış gilyotin dayanır…
Meydanda edamıı izləyən toplu yenədən bağırmağa başlayır:
-Haqq-ədalət öz yerini tapdı. O günahsızdır, onu sərbəst buraxın!
Beləcə hakim də ölümün cəngindən canını qurtarır.
Nəhayət sıra fizika aliminə gəlir.
Cəllad :
– Sən də son son sözünü söylə! deyəndə.
Alim:
– Mən nə Allaha inanan keşiş, nə də ədalətə güvənən hakiməm. Mən Fizikəm. Bildiyim tək şey budur ki, o gilyotinin ipində bir düyün var. O düyün də baltanın sonadək enməsinə əngəl olur..

Məmurlar edam alətini yoxlayıb alimin dediyinin gerçək olduğunu görür. İpdəki düyünü açırlar və dəzgah işə salınan kimi fizika aliminin başı bədənindən ayrılır.

Məlumatı hazırladı: Tuncay ŞƏHRİLİ