Qəzənfər Məsimoğlu – “BAKIYA YAĞIŞ YAĞIR”

“BAKIYA YAĞIŞ YAĞIR”

Kövrəklik sınaq gəlib,
Göz yaşı qınaq gəlib.
Yol verin, qonaq gəlib,
“Bakıya yağış yağır”.

Buluddan köynək biçib,
Mavi Xəzərdən içib.
Bibiheybətdən keçib,
“Bakıya yağış yağır”.

Dincəlməyib səhərdən,
Nə duman, nə çiskin, çən.
Bayıldan Narginəcən,
“Bakıya yağış yağır”.

Sevindim bəhərinə,
Qəmləndim qəhərinə.
Küləklər şəhərinə,
“Bakıya yağış yağır”.

Şeirimin hər bəndi
Söz-söz islanıb dindi.
Adı Əzizənindi,
“Bakıya yağış yağır”.

Küçələri yuyacaq,
Qəzənfəri duyacaq.
Yağıb-yağıb doyacaq,
“Bakıya yağış yağır”.

Müəllif: Qəzənfər MƏSİMOĞLU

QƏZƏNFƏR MƏSİMOĞLUNUN YAZILARI

Mustafa Müseyiboğlu adına kitabxana

ZAUR  USTACIN  YAZILARI

“ƏDƏBİ OVQAT” JURNALI PDF

“YAZARLAR”  JURNALI PDF

“XƏZAN” JURNALI PDF

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir