SEVGİ FƏSLİNIN YAĞIŞI

“Yaz yağışı torpağa düşərkən ona həyat verir, bəs Siz hansı fəslin yağışısınız ki, ürəyimə düşüncə orada yeni bir dünya yaratdınız? Bir mesajdan” – Rafiq YUSİFOĞLU

Gülüm, mən sevgi fəslinin
Çiskiniyəm, yağışıyam.
Kim bilir, bəlkə də elə
Mələklərin göz yaşıyam?!

Bir buludam, nəm çəkirəm
Gözəllərin baxışından.
Kimsəyə ziyan gəlməyib
Hələ sevgi yağışından.

Nəğmələrimlə könlünün
Simlərini dindirəcəm.
Belə getsə, ürəyini
Gülüstana döndərəcəm…

Mən elə bir yağışam ki,
Səsim yatanı oyadır.
Bircə qətrəm düşən yerdə
Sevgi çiçəyi boy atır…

Məhəbbətim ürəyində
Bənövşələr bitirəcək.
Sevgi fəslinin yağışı
Qəlbinə yaz gətirəcək…

09.12.2006

Müəllif: Rafiq YUSİFOĞLU,
şair, Əməkdar mədəniyyət işçisi, filologiya elmləri doktoru, professor.

RAFİQ YUSİFOĞLUNUN YAZILARI

RAFİQ YUSİFOĞLU HAQQINDA

Mustafa Müseyiboğlu adına kitabxana

ZAUR  USTACIN  YAZILARI

> > > > MÜTLƏQ OXUYUN !!!

“ƏDƏBİ OVQAT” JURNALI PDF

“YAZARLAR”  JURNALI PDF

“XƏZAN” JURNALI PDF

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

SEVGİ YAĞIŞLARI GƏRƏKDİR BİZƏ

“SEVGİ FƏSLİNIN YAĞIŞI” şeirimi oxuyan bir xanım belə yazıb: “Bu sevgi yağışınızı hər fəsildə yağdırin”… – Rafiq YUSİFOĞLU,

Dediyin sözləri necə unudum?
Sevgisiz taleyə bəxt demərəm mən.
Gözlərin bir topa həsrət buludu,
Eşqinlə xoşbəxtəm, bəxtəvərəm mən…

Başımın üstündən bu vaxta qədər,
Həsrət buludları əskik olmayıb…
Tanrı bəxşişidi bu bəxt, bu qədər,
Heç zaman qəlbimin gülü solmayıb.

Mizraba dönməsə həsrət yelləri,
Buludan bir damla yağdıra bilməz…
Köksümdə çağlayan sevgi selləri
Kükrəsə, önündə dağ dura bilməz.

Sənin könül sazın gərək köklənə,
Yağışdan nəf gəlsə, təşnəyə gələr…
Çağırsan, çevrilib dəli köhlənə,
Həsrətim kişnəyə-kişnəyə gələr…

Qəlbindən nə keçir utanma, istə,
Qıymaram ələnə ürəyinə çən.
Yağışa çevrilsəm sinənin üstdə,
Hoparam köksündən iliyinəcən…

Sevinc yaşlarıyla ömrümü bəzə, –
Axıb şərab olsun eşq badəsində…
Sevgi yağışları gərəkdir bizə
Ömrün hər fəslində, hər vədəsində…

25.04.2020

Müəllif: Rafiq YUSİFOĞLU,
şair, Əməkdar mədəniyyət işçisi, filologiya elmləri doktoru, professor.

RAFİQ YUSİFOĞLUNUN YAZILARI

RAFİQ YUSİFOĞLU HAQQINDA

Mustafa Müseyiboğlu adına kitabxana

ZAUR  USTACIN  YAZILARI

> > > > MÜTLƏQ OXUYUN !!!

“ƏDƏBİ OVQAT” JURNALI PDF

“YAZARLAR”  JURNALI PDF

“XƏZAN” JURNALI PDF

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Bu gün Bayram Bayramovun anadan olduğu gündür. Doğum günündə ədibi rəhmətlə anır, tarixin Şuşa ilə bağlı əlamətdar günlər, illər yaşadığımız zaman kəsiyində əsərlərində Azərbaycanı (Qarabağı, Şuşanı) onun qədər şəhər-şəhər, kənd-kənd, küçə-küçə detallı şəkildə yaşadan ikinci bir yazıçı olmadığını diqqətinizə çatdırıram. Allah rəhmət eləsin, ruhu şad olsun. Hal-hazırda Şuşa ilə bağlı respublika səviyyəli müxtəlif tədbirlər keçirilir. Məncə belə layihələrdən birinin ən möhtəşəm elementi (tərkib hissəsi) Azərbaycanın Xalq yazıçısı Bayram Bayramovun səlnaməçilik, tarixilik baxımından olduqca əhəmiyyətli əsərlərindən biri olan “Cıdır düzü” romanının az tirajla olsa belə müasir Azərbaycan əlifbası ilə yenidən nəşr edib, elektron variantını kitabxanalara (heç olmazsa, bircə sabit və dayanıqlı portala) yerləşdirmək ola bilər.

Təklif edirəm ki, əlaqədar qurumlar bu incə məqamı mütləq nəzərə alsınlar. Xatırladıram ki, bir gün biz də “bu fani dünyada” olmayacağıq. Edək ki, etsinlər… Sağ olun! Keçənlərə rəhmət, qalanlara can sağlığı… Bayram Salman oğlu Bayramovun ruhuna Fatihə: Amin.

Böyük ehtiramla: Zaur USTAC

ZAUR USTACIN YAZILARI

“YAZARLAR” – SİFARİŞ ET

Mustafa Müseyiboğlu adına kitabxana

MURAD MƏMMƏDOVUN KİTABI

VAQİF SULTANLININ YAZILARI

MURAD MƏMMƏDOVUN YAZILARI

ZAUR  USTACIN  YAZILARI

> > > > MÜTLƏQ OXUYUN !!!

“YAZARLAR”  JURNALI PDF

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru