***
Susdum, gülüm, eşq əhli susar, cınqırı çıxmaz
Hər kəlmə sözün ruhu utandırdığı yerdə.
Eşq əhli görəydin necə atəşgah ucaldıb
Buz gözlərinin qəlbimi yandirdiğı yerdə.
Heyrət ki yatırdıb neçə mən mən deyəni eşq
Sevda həvəsin bizdə oyandırdığı yerdə.
Məğlub elədi mən qarışıq hər kəsi dünya,
Məcnun adını Qeysə qazandırdığı yerdə.
Xosrov şəkərin qiymətin öldürdü, deyirlər,
Öz eşqinə Şirini inandırdığı yerdə.
Fərhad yetişər vəslə deyirdim, o ağılsız
Hicranı tələsdirdi yubandırdığı yerdə.
Bir vaxt gözəllik yaşı gözdən axıdardı,
İndi nə qədər ağzi sulandırdığı yerdə.
Min buğda düşər torpağa, bir buğda göyərməz
Zülmün bu dəyirmanı dolandırdığı yerdə.
Gülmə mənə, başmaqlarımın izləri vardır
Bir iynənin Isanı dayandırdığı yerdə
Arif, yaşadar, sanma, cəfasız bizi tale
Eşq əhlini canından usandırdığı yerdə.
Mənbə: Arif Buzovnalı
Müəllif: ARİF BUZOVNALI
>>>> ƏN ÇOX OXUNAN HEKAYƏ <<<<
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
