گزدیم
گزدیم، قاریش-قاریش وطن تورپاغین
هر داغدا، دره‌ده ایزیم وار منیم
هله کئچیلمه‌میش اوجا داغلارین
اوجا ذیروه‌سینده گؤزوم وار منیم
گزدیم، یورولمادان آرانی، داغی
سئیر ائتدیم ان اوجقار چمنی، باغی
هئچ واخت قینامادیم زامانی، چاغی
چوخ بولاق باشیندا اوزوم وار منیم
گزدیم بو تورپاغی من اویماق-اویماق
اَن عادی داشا دا اولموشام قوناق
هر اوتون، چیچه‌یین حالین سوراراق
سینه‌مه ییغدیغیم سؤزوم وار منیم
زائور اوستاج
Əski əlifbaya çevirdi: Əli Çağla