QORUYAQ ALƏMİ ANAMIZ KİMİ
(sonet – İngilis variantı)
Göylərə inamın itirən, dəli,
Vəhşət bürüyəcək yerdə də onu.
Bizlərə Fironun taleyi bəlli,
Dəhşətli qurtarmış ömrünün sonu.
Nə üçün insanlar axı getdikcə
Azaldır dünyaya öz sevgisini?
Gözəl duyğuları qəlbdə bitdikcə
Yaşadır içində şeytanı, cini.
Qoruyaq aləmi anamız kimi,
Təhlükə, sis-duman üstün almasın.
Yamanlıq yaxşının qorxunc qənimi —
Çalışaq, bəşəri əldən salmasın.
Kainat eşq ilə olmuş bərqərar,
Duyğusuz nadanlar bunu gec anlar.
Müəllif: VALEH HEYDƏR