HAL-ƏHVAL
Oralarda nə var, nə yox, əziz dost,
Çox soyuqdur hava burda, desəmmi?
Zəhlə tökür itdirsəyi yağışlar,
Salam vermir quzu qurda, desəmmi?
Yaraşmadı heç kədər-qəm dağlara,
Üz tuturam buludu nəm dağlara.
Neçə ildi gedəmmirəm dağlara,
Nə Şorağa, nə Tikyurda, desəmmi?
Kimin üçün ha hərifik, ha xamız,
Dərd odur ki, rast gələ mız, baxa mız.
Cırılacaq əldə qalan yaxamız,
Darthadartda, vurhavurda, desəmmi?
Him-cim edən cimi üçün him istər,
Sarısından toxunmağa sim istər.
Qurdla qalmaq qiyamətə kim istər,
Düzələcək bəlkə surda, desəmmi?
Müəllif: SÜLEYMAN ABDULLA
SÜLEYMAN ABDULLANIN DİGƏR YAZILARI