BU GECƏ
(Qəndab – Bu gecə)
Gözlərəm yolunu hər səhər, axşam,
Qır Şeytanın qıçın, qaç gəl, bu gecə!
Anlat, hekayəni, gül açsın çöhrən,
Bağlansa yol, iriz, uç gəl, bu gecə!
“Qaranlıq gecənin qaranlığında”,
Alatoran sübhün bulanlığında,
Öləziyən şamın dumanlığında,
Nur çilə, şəfəq sal, aç yol, bu gecə!
Xəyal arzulara gedən ilk yoldu,
Ruhlar cisimləri qucuyan qoldu,
Neçə qönçə arzu açmadan soldu,
Ustacın başına tac ol bu gecə!
06.05.2026. Bakı.
Müəllif: Zaur USTAC
AYB və AJB-nin üzvü, “Yazarlar” jurnalının baş redaktoru, şair-publisist, tərcüməçi-nasir
Zaur Ustacın “Buta”sı haqqında
Oxuyun >> Gözündə tük var