Bir qadın var hardasa
Bir qadın var hardasa,
Sənin əsirin qadın.
Onsuz bütöv olmazsan,
Sənin kəsirin qadın…
Əlin saçlarında gəzər,
Barmaqların yuxu kimi.
Onu dəli tək sevərsən,
Aldadarsan, çoxu kimi.
Evinə işıq gətirər,
Güzgüdən boylanan qadın.
Güzgülərdə gözəlləşib,
Güzgülərdə solan qadın.
Sevməyi və unutmağı,
Sənə o qadın öyrədər.
Sonra qapını bağlayıb
Səssizcə çəkilib gedər.
Müəllif: Narıngül NADİR
Oxuyun >> Gözündə tük var
Zaur Ustacın şeirləri haqqında