HƏMİNQUEY- HƏMİDQUEY
Çəkdim sinəmə
Raziyanaların qoxusun
Tarix kitablarıni axırdan,
Arxivlərdən oxudum.
Məzarıma axdı
Narın qum.
Ovsun idimi bu?
Ovsun?
Ən uzaq park skamyalarında oturdum.
Ala buluddan nəsə…
Pəstə, çox aşağı səslə
Deyəsən yolu soruşdum.
Qulagımdaydı
Ruhu xəstə
Uzaq musiqili bəstə…
Ovsun idimi bu?
Ovsun?
Nəm oldu tamam
Əynimdəki qara kastyum
Ayaqqabıma
Mərcanqulular doldurdum.
Şeir dəftərçəmi o sahillərdə unutdum.
Halal olsun.
Halal olsun.
Müəllif: Həmid Herisçi
Həmid Herisçinin digəri yazıları
Oxuyun >> Gözündə tük var
Zaur Ustacın şeirləri haqqında