Nizami Gəncəvi Azərbaycanın böyük şairidir!
Sarayevo səfərim zamanı İran Mədəniyyət Mərkəzinə girdim. İçəridə biri bosniyalı, digəri iranlı olan iki xanım oturub söhbət edirdi. Mərkəzin müdirəsi də bosniyalı idi. Bizi görən kimi ayağa qalxıb qarşılamağa gəldi.
Bir az söhbət etdikdən sonra soruşdum:
— Nizami Gəncəvini tanıyırsınız?
— Əlbəttə, tanıyırıq! — dedilər.
Müdirə xanım üzünü mənə tutub soruşdu:
— Bəs siz deyin görək, Nizami farsdır, yoxsa azərbaycanlı?
Heç tərəddüd etmədən cavab verdim:
— Əlbəttə, azərbaycanlıdır! Buna heç bir şübhəniz olmasın!
İranlı xanım mənə baxdı, amma heç nə demədi.
Söhbət əsnasında rəfdə bir kitab diqqətimi çəkdi. Üzərində “Nizami Gəncəvi” yazılmışdı. İnanın, o kitabı orada görmək məni lap qürurlandırdı! Azərbaycanın böyük şairinin adını Sarayevoda, bir mədəniyyət mərkəzinin rəfində görmək mənim üçün xoş hiss idi.
Bir az da söhbət edib sağollaşdım. Qapıdan çıxanda isə dönüb dedim:
— Bir xahişim də var: buraya gələn turistlərə də bunu belə deyin! Nizami Gəncəvi Azərbaycanın böyük şairidir!
Milli irsimizi tanıtmaq hər birimizin borcudur. Nizami bizim fəxrimizdir!
Yaşasın Azərbaycan 🇦🇿 !!!
Müəllif və mənbə: Leyla Turan
Oxuyun >> Gözündə tük var
Zaur Ustacın şeirləri haqqında