ARZU LİMANINDAN YOLA SALIRAM
Sənsizlik ruhumu, cismimi yorub,
Fikrinlə gecələr xəyallar qurub,
Vida naməsinin möhrünü vurub,
Arzu limanından yola salıram.
Mənim ürəyimdə min arzu yatıb,
Həsrətə göz yumdum, qaşımı çatıb,
Dərdimi, qəmimi başımdan atıb,
Arzu limanından yola salıram.
Bəlkə də gələrsən, ümidlər edib,
Yoluna baxıram gözümü dikib,
Kağızdan bir dənə gəmi düzəldib,
Arzu limanından yola salıram…
Gözümü qorxutmaz şaxtanın qarı,
Rəhm eylə, gəlginən Sönməzə barı,
Qoyub ürəyimi bax sənə sarı,
Arzu limanından yola salıram…
BİZ NİYƏ BİZ OLA BİLƏMDİK AXI
Enişdən yoxuşdan aralı düşdük,
Rast gələ bilmətik vaxtları ötduk
Qismətdən incidik,taleden küsduk
Biz niyə biz ola bilmədik axı.
Çəkdik intizarı həsrəti qəlbdə
Qınağa çevrildik ağızda dildə,
San başqa ocaqda,mən başqa evdə
Biz niyə biz ola bilmədik axı..
İllərin keçmişi ömrümüzdə ox
Səhf etdik,geriyə dönüşümüz yox
O qədər sual var urəyimdə çox
Biz niyə biz ola bilmədik axı..
Nə peyman nədəki əhd edə bildik,
Uzağdan uzağa istədik sevdik
Yubana yubana elə gecikdik
Biz niyə biz ola bilmədik axi
Ümüdlər çağladı,xəyallar coşdu,
Nə bilə biləydik duyğular boşdu,
İndi hər ikimiz,müqəssir suşdu
Biz niyə biz ola bilmədik axı
MƏN NECƏ YADIMDAN ÇIXARIM SƏNİ
Gündüzlər başımı qatıb birtəhər,
Gecələr bilmirəm edim nə təhər?
Vallah, hər dəqiqəm kədərli, qəhər-
Mən necə yadımdan çıxarım səni?
Özüm özlüyümdə deyib-dinirəm,
Dəli tək oyana gedib-gəlirəm.
Şəklinə baxaraq sual verirəm-
Mən necə yadımdan çıxarım səni?
Bircə an buraxmır məni xəyalın,
Gözümün önünə gəlir camalın.
Çatmır harayıma, haya, vüsalın-
Mən necə yadımdan çıxarım səni?
Gözündə tapmışam özümü görcək,
Demə: “Bircə anda gəl unut, əl çək!”
Sən mənim qəlbimdə solmayan çiçək-
Mən necə yadımdan çıxarım səni?
İTDİM GÖZLƏRİNİN SEHRİNDƏ SƏNİN
Göydən yerə düşən qarmı, dolumu?
Baxışın kəsibdir gedən yolumu.
Tapa bilmədim ki sağım-solumu,
İtdim gözlərinin sehrində sənin.
Gecikən mələksən, hurisən, nəsən?
Nə olar, danışıb bir kəlmə desən?
Bilmərəm nə deyim, nə söyləyim mən,
İtdim gözlərinin sehrində sənin.
Çox şeyi gətirə bilmirəm dilə,
Bənzərin varındı solmayan gülə.
Vallah, Allah haqqı bircə an belə
İtdim gözlərinin sehrində sənin.
Sevgi baxmaz sözə, nə də söhbətə,
Məəttəl qalmışam səndə hikmətə.
Hamıdan gizlədib yazdım xəlvətə,
İtdim gözlərinin sehrində sənin.
HAVANIN BAŞINA HAVA GƏLİBDİR
Yenə guruldayıb səs-küy qoparır,
Buludlar gah dolur, gah da boşalır.
Adam başdan-başa çaş-baş qalır,
Havanın başına hava gəlibdir.
Üfüqdə qaynayır qara dumanlar,
Mat qalıb baxışır bu ili anlar.
Qəribə hal alıb bütün zamanlar,
Havanın başına hava gəlibdir.
Günəş naz eyləyir, ay da fors atır,
Ulduz da gizlənir, çıxmayır, yatır.
Sanki təbiət də öz yolun azır,
Havanın başına hava gəlibdir.
Seymur, qeyd elə kağız-dəftərə:
Niyə təəccüblə baxdın göylərə?
Elə yaza-yaza düşdün dillərə,
Havanın başına hava gəlibdir.
PAYIZA BƏNZƏYƏN ABU HAVAN VAR
Ötən xatirəni yadına salım,
Görəndə bir başqa olur əhvalım.
Yaman dəyişmisən, qadasın alım,
Payıza bənzəyən abu havan var.
Dolub tutuluram hərdən, deyim ki,
Səni hecalara necə bölüm ki?
Kimə söyləyim ki, kimə deyim ki,
Məni baxışıyla məndən alan var.
Üzünü görəndə çaşıram hətta,
Bir başqa oluram başqa həyatda.
Heç dərdə düşməzdim qoca dünyada,
Məni məndən alıb oda salan var.
Qorxutmaz gözümü nə duman, nə çən,
Bəlkə mənim üçün yaranmısan sən?
Ay qız, gözlərinin aşiqiyəm mən,
Düşünmə sözümdə nəsə yalan var.
Yanağın bənzəyir laləyə gülə,
Seymur,çox sözünü deməyir hələ,
Özün uzaqlarda olsan da belə,
Səni uzaqlardan duyub anan var ..
İSTƏSƏYDİ
Adını qəlbimdə əzizləyərdim,
Ən yaxşı arzunu tutub, dilərdim.
Mən ona canımı qurban verərdim
O, məndən bir kərə can istəsəydi.
Boş yerə inciyib,boş yerə küsmüş,
Nə bilə biləydim dodağın büzmüş
Niyyəti nə bilim şöhrətdə imiş,
Bilsəydim verərdim şan istəsəydi.
Etiraz etməzdim dönsəmdə külə,
Yolunda dönərdim çeşməyə selə
Xəstə yatağımda olsamda belə,
Qanımı verərdim qan istəsəydi..
Tukəndi qərarım,səbirim bitdi
Həyatda güvəncim qırıldı itdi,
Mən ona verərdim,amma ki getdi,
Möhlət istəsəydi,an istəsəydi.
SƏNİ SEVDİYİNİ BİLMƏSİN KİMSƏ
Üz-üzə gələndə xəlvətcə baxaq,
Gözdən iraq olsun, qulaqdan uzaq,
Dinib-danışmayaq, eləcə yazaq,
Səni sevdiyimi bilməsin kimsə.
Çağlasın eşq ilə çoşan ürəklər,
Daima yaşasın gizli ümidlər,
Bilənlər söz edər, qeybət edərlər,
Səni sevdiyimi bilməsin kimsə.
İntizar olmasın, həsrət olmasın,
Sevgimizin rəngi, ruhu solmasın,
Duyanlar da duyub heç inanmasın,
Səni sevdiyimi bilməsin kimsə.
Yetənə açmayaq biz qəlbimizi,
Nə açaq, nə bükək məhəbbətimizi,
Gəl pünhan saxlayaq bu sirrimizi,
Səni sevdiyimi bilməsin kimsə…!
Ürkək baxışından könlüm açıldı,
Baxışından ömrümə bir nur saçıldı,
Ürəkdə köz oldun, dildə pıçıltı,
Səni sevdiyimi bilməsin kimsə.
Müəllif: Seymur SÖNMƏZ
Oxuyun >> Gözündə tük var
Zaur Ustacın şeirləri haqqında
