Gördüm
Bələndi duyğular könül mehrinə,
Ruhum vaqif oldu eşqin sehrinə.
Cənnət diyarımın daldım seyrinə,
Uca dağlarını, düzünü gördüm.
Haqdan dönməmişəm darda, çətində,
Mətin yaranmışlar qalır mətin də.
Günəşin alovlu hərarətində,
Doğma ocağımın kökünü gördüm.
Şair, hikmətini saxla özündə,
Qoxusu duyulur hər bir sözündə.
Ayna bulaqların zümrüd gözündə,
Bir mələksimanın üzünü gördüm.
06.09.2025
Müəllif: Aysel NAZİM
YAZARLAR.AZ
===============================================
<<<<<<WWW.YAZARLAR.AZ və WWW.USTAC.AZ>>>>>>
Əlaqə: Tel: (+994) 70-390-39-93 E-mail: zauryazar@mail.ru