Etiket arxivi: DAĞLAR ŞEİRİ

AŞIQ ƏLƏSGƏR, AZƏRBAYCAN, Azərbaycan Dövlət Tərcümə Mərkəzi, AZƏRBAYCAN ƏDƏBİ TƏNQİDÇİLƏRİ, AZƏRBAYCAN ƏDƏBİYYATŞÜNASLARI, AZƏRBAYCAN JURNALI, AZƏRBAYCAN JURNALLARI, AZƏRBAYCAN MƏTBUATI, AZƏRBAYCAN ŞAİRİ, AZƏRBAYCAN ŞAİRLƏRİ, AZƏRBAYCAN UŞAQ ƏDƏBİYYATI, AZƏRBAYCAN YAZARLARI, AZƏRBAYCAN YAZIÇILAR BİRLİYİ, AZƏRBAYCAN YAZIÇILARI, Azərbaycan Yazıçılar Birliyi, AZƏRBAYCAN ZABİTLƏRİ, AZƏRBAYCAN ZİYALILARI, DAĞLAR, DƏDƏ ƏLƏSGƏR, SEVGİ ŞEİRLƏRİ, ZAUR USTAC, ZAUR USTAC HAQQINDA, ZAUR USTACIN HEKAYƏSİ, ZAUR USTACIN KİTABI, ZAUR USTACIN MƏQALƏLƏRİ, ZAUR USTACIN ŞEİRLƏRİ, ZAUR USTACIN UŞAQ ŞEİRLƏRİ

DAĞLAR ŞEİRİ. ZAUR USTAC.

Aprel 27, 2023 www.yazarlar.az Bir şərh yazın

DAĞLAR
(Dağlara xitabən üçüncü şeiri)
Tarix səhnəsində yetişdi zaman,
Başlanmış bu çağın mübarək, dağlar!
Hələ nə zəfərlər gözləyir bizi,
Qutlanmış novrağın mübarək, dağlar!

* * *
Dövranın gərdişi döndü, dəyişdi,
Davadan doğulan ərlər yetişdi,
Didilmiş yaralar tutdu, bitişdi,
Üç rəngli duvağın mübarək, dağlar!

* * *
Nə vaxtdır yol-iriz bağlı qalmışdı,
Qoynunda yağılar məskən salmışdı,
Canımı sağalmaz bir dərd almışdı,
Sayalı qonağın mübarək, dağlar!

* * *
Xətai qırmadı könül bağını,
Nadir unutmadı hicran dağını,
İlhamın silahı əzdi yağını,
Dəmirdən yumruğun mübarək, dağlar!

* * *
Qurtuldu yağıdan zənburun, balın,
Bir başqa görünür yamacın, yalın,
Zirvəndən boylanır şanlı hilalın,
Müqəddəs sancağın mübarək, dağlar!

* * *
Haqqa nisbət tutub ulu Ələsgər,
Andırıb, tanıdıb, bilib pərisgar,
Hər səngər məbəddi, pirdi hər əsgər,
Şuşa tək ocağın mübarək, dağlar!

* * *
Ay Ustac, min şükür arzuna yetdin,
“Dədə”n gedən yolu, sən də qət etdin,
Dolandın dünyanı yurdunda bitdin,
Doqquzu zər tuğun mübarək, dağlar!