Şahlar Göytürk – Şəhid atası.

ŞƏHİD ATASI

Ziyarət elədim şəhid evini,
Heç kimin ovqatı, kefi yox idi..
O köhnə daxmada, balaca evdə
Nə qədər adam var, gözütox idi.

Axdı çeşmə kimi yaş yanağımdan,
Baxıb qürurlandım, şəhid oğlutək.
Utandım əlimdə apardığımdan,
Düşündüm, gedəydim əliboş gərək.

İlahi, kim kimə diləyir səbir
Döndü o daxmada ürəyim dağa.
Şəhid ailəsində qürura bax bir,
Təsəlli verirlər gələn qonağa…

Hiss etdim özümü Məkkədə, pirdə,
Çox yorma özünü yadda qalmasam.
Gələsi deyiləm bu evə bir də
Əlindən öpməyə layiq olmasam,

Bilirəm, çox şey var sənə çatası,
Onsuz da yanında əliboşam mən.
Səni kasıb sandım, Şəhid atası,
Bağışla, sənindir bu boyda Vətən.

Müəllif: ŞAHLAR GÖYTÜRK

ŞAHLAR GÖYTÜRÜN YAZILARI

Mustafa Müseyiboğlu adına kitabxana

VAQİF SULTANLININ YAZILARI

ZAUR  USTACIN  YAZILARI

> > > > MÜTLƏQ OXUYUN !!!

“YAZARLAR”  JURNALI PDF

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir