İtirmə
Ayağına daş dəyibsə, çək geri,
Zaman səni təkləyibsə, dik yeri.
Büdrədinsə, yıxıldınsa, öp yeri,
Ümidini, inamını itirmə.
Ha çalışdıq, dedilər ki, kələkdi,
Gözəl günlər ömür adda ələkdi.
Ələyən də, yoğuran da fələkdi,
Özü bilər, gümanını itirmə.
Nə gördük ki, nə götürək dünyadan,
Axla, ufla köks ötürək dünyada.
Bir az daha ömür sürək dünyada,
Olan-qalan zamanını itirmə.
Müəllif: Firuzə MƏMMƏDLİ
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru