ЖАЙНАҒАН ЖАСЛЫҒЫМ ТӘРК ЕТПЕ МЕНИ
Жасаў мениң ушын үлкен саҳнадай,
Қуўаныш шадлыққа толы ҳәр деми.
Деп жүрмен қартайыў қыя бақпағай,
Жайнаған жаслығым тәрк етпе мени…
Бүгинги таңыма ертең уласып,
Өмирдиң ҳәр куни маған жарасық.
Муҳаббат ҳалымнан турса сорасып,
Жайнаған жаслығым тәрк етпе мени…
Ҳәр күним қәдирли алтынға теңдей,
Жақсылар дийдары жаныма емдей.
Мен ушын арқайын бул дүнья кеңдей,
Жайнаған жаслығым тәрк етпе мени…
Айнаға қарайман көзим қуўанып,
Бир жасап қаламан кеўлим жубанып.
Өзим шырайымды өзим қызғанып,
Жайнаған жаслығым тәрк етпе мени…
Шоқ болдым жаслықта жанды алғандай,
Бир өзим дүньяға бинә болғандай.
Бир талай көринис артта қалғандай,
Жайнаған жаслығым тәрк етпе мени…
7 – июль 2024 жыл…
YAZAR: BİBİMƏRYƏM
ЖАНСАЯ (БИЙБИМӘРЬЯМ) УТАМБЕТОВА
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru