SALAM, EŞQ…
Salam, ruhum kimi apaydın səma,
Salam, yorğun Günəş,nuru müqəddəs.
Qəlbimi nurunla işıqlat yenə
Başını dağlara qoymağa tələs.
Salam, ey yellənən hündür qovaqlar,
Salam, səhərlərə elçi düşən meh.
Dinclik arzulayır ürəklər bu gün,
Dünyaya eşq ilə olmuşam valeh.
Salam, yarpaq üstə incilənən şeh,
Salam, ətir saçan cənnət gülləri.
Qəlbimi coşdurur incə duyğular,
Səpilir yoluma duyğu tülləri.
Yaşayaq ürəklər döyündükcə biz,
Sevilmək istəyir könül həmişə.
Eşqin nəğməsiylə məst olub
da, qoy
Qaranquş yol alsın aya, günəşə.
Salam,ey həyatım, varlığım mənim,
Salam,ey ümidə uzanan arzu.
Bilmirsən necə çox sevirəm səni?
Səndə də varmıdır belə bir duyğu?
Eşqinə, sözünə möhtacam bu gün,
Həsrətin sədası dəlir dağ-daşı.
Sən məni rədd etsən başım əyilər,
Düşər yanağıma gözümün yaşı.
Ey Allah, bizlərə mərhəmət bəxş et,
Heç vaxt qəlbimizə kədər dolmasın.
Qəlbimdə yenə də çiçəklər açsın.
Sevgi nəğmələri vaxtsız olmasın.
Müəllif: Zilolabonu Qənijon qızı
Tarjimon: AYAZ ARABAÇI
Oxuyun >> Gözündə tük var
Zaur Ustacın şeirləri haqqında