Bu gün bütün ad və titulların fövqündə dayanan, gözəl insan, əsl ziyalı, dəyərli alim, sevimli şair Mahirə Nağıqızının doğum günüdür! Ad günü münasibəti ilə Mahirə xanımı təbrik edir, uzun və sağlıqlı bir ömür, bütün fəaliyyətində yeni-yeni naliyyətlər arzu edirik! Uğurlarınız bol olsun, Mahirə xanım!
BU YERƏ VƏTƏN DEYİB! Elə ki, mən boy atdım, Yeridim addım-addım, Anam tutub əlimdən bu daşı, bu torpağı, bu otu, bu yarpağı, yaşadığım küçəni, qızındığım ocağı Göstərib, Vətən deyib! * * * Adı Azərbaycandı, Hər guşəsi bir candı. Heç düşməyib dilindən Şəki, Şirvan, Qarabağ, Bakı, Xızı, Qaradağ, Göyçay, Qəbələ, Quba elbəel, oba-oba Bil, cənnətə tən deyib! * * * O atadan sevimli, O anadan irəli. Uzaq düşmə elindən sev yurdunu hər zaman, yaşasın Azərbaycan! vətən-adın, soyadın əlbəəl, addım-addım Qoru onu sən deyib! * * * Nə qədər ki, qolun var, Tək bir məqsəd, bir amal, Üçrəngli bayrağını qaldır başının üstə, dalğalansın ahəstə böyük Turan elində! bu bayrağın önündə Diz çöksün düşmən, deyib! * * * Anam tutub əlimdən, bu yerə Vətən, deyib!
SAVAŞ GÜNÜDÜR BU GÜN! (İkinci Qarabağ müharibəsi qəhrəmanlarına həsr olunur.) Haydı igid oğullar, atalanın Qarabağa, Üzü Şuşa, Xankəndi, Ağdərə, Murov dağa. Geriyə yolumuz yox, yalnız üzüqabağa! Cıdır düzünü seyrə çıxarıq biz də bir gün! Savaş günüdür bu gün! * * * Gözləyir yolunuzu Zəngilanla, Qubadlı, Qartalım havalansın səmamızda qanadlı! Siz ey cəsur oğullar, enlikürək, ağ atlı, Üç rəngli bayraq ilə bəzənsin dağın-düzün! Savaş günüdür bu gün! * * * Kəlbəcəri, Laçını, Xocalı, Füzulisi, Çağırır babaların məzardan haray səsi. Yurdumun qanı-canı, gedib gələn nəfəsi Açılsın Qarabağın taleyindən bu düyün, Savaş günüdür bu gün! * * * Boynubükük gözləyir Topxana meşələri, Cənnətməkan yurdumun ən gözəl guşələri. Hər gecə yuxumuzda görürdük bu yerləri Gerçəklərə dönüşüb yuxumuzda olur çin! Savaş günüdür bu gün! * * * Nə qədər düşməndəndi Cəbrayılı, Xankəndi, Düsmənə üz çevirib yurduma baxan kəndi. Torpağın hər addımı, hər qarışı Vətəndi! Qələbə xəbəriylə salamat geri dönün! Savaş günüdür bu gün! * * * Bir Vətən var, oduna, alovuna yanası, Əymə dik tut başını, sən ey Şəhid anası! Qəhrəman igidlərin incəbelli sonası, Qurarıq Qarabağda sizin üçün toy-düyün! Savaş günüdür bu gün! * * * Azərbaycan-Qarabağ, Qarabağ-Azərbaycan! Başıuca olasız Vətən önündə hər an! Mürəkkəb ilə deyil, tarixləri yazır qan! Əmanət edib bizə bunu kökün, soykökün! Savaş günüdür bu gün!
TARİXLƏRƏ YAZILAN ŞƏXSİYYƏTDİ, HEYƏRİM! (Ulu Öndər Heydər Əliyevə ithaf olunub.) Yoğurdu torpağını o qanıyla-canıyla, Öyünmədi bircə yol şöhrətiylə, şanıyla. Durdu çiyin-çiyinə yurdu Azərbaycanıyla, Zirvələrin duyduğu bir heyrətdi Heydərim! Tarixlərə yazılan şəxsiyyətdi Heydərim! * * * Gecə yatdı, gündüzlər oyandı xalq yolunda, Min bir zülmə-zillətə boyandı xalq yolunda, Nə yoruldu, dincəldi, dayandı xalq yolunda, Həm namusdu, şərəfdi, həm qeyrətdi Heydərim! Tarixlərə yazılan şəxsiyyətdi Heydərim! * * * Hər sözü, hər söhbəti incidi-dürdanədi, Ağızlarda dolaşan nağıldı-əfsanədi, Duruşu şah çinardı, yerişi mərdanədi, Yurduma bəxş edilən bir sərvətdi Heydərim! Tarixlərə yazılan şəxsiyyətdi Heydərim! * * * Ordusunun önündə qorxmaz, cəsur sərkərdə, Tək canıyla dəvaydı min yaraya, min dərdə, Bu gün yerin görünür, baxdığımız hər yerdə, Azadlıq, müstəqillik, hürriyyətdi Heydərim! Tarixlərə yazılan şəxsiyyətdi Heydərim! * * * Yediyi bir tikəni xalqdan ayrı yemədi, Hamının inam yeri oldu onun məbədi, O, ölmədi yaşayır ürəklərdə əbədi! Azərbaycan adında bir dövlətdi Heydərim! Tarixlərə yazılan şəxsiyyətdi Heydərim!
ZƏFƏR BİZİM ZƏFƏRİMİZ! Önümüzdə İlham kimi qorxmaz, cəsur sərkərdə var! Mübarizlər, Vidadilər, Poladtək igid oğullar. Azərbaycan millətinə Tanrı olsun daima yar! Qarabağda mübarizə, səfər bizim səfərimiz! Zəfər bizim zəfərimiz! * * * Kəlbəcərin, Füzulinin yanan ocağın, odunun, Şuşa alınmaz qalamız, qadasın alım adının! Cıdır düzündə atlanan məhşur Qarabağ atının Ayağında nal da bizim, yəhər bizim yəhərimiz! Zəfər bizim zəfərimiz! * * * Yatmayıbdı qoca qartal Murov dağında oyaqdı, Torpaq bizim torpağımız, yolumuz haqq yolu haqdı! Bir millətik, iki dövlət, Türkə yalnız Türk dayaqdı! Birlikdədi sevincimiz, birlikdədi kədərimiz. Zəfər bizim zəfərimiz! * * * Zənguləsi, zili-bəmi hələ də barıt qoxuyan Gəlir Xudayarın səsi, düşmənə meydan oxuyan. Oba-oba, küçə-küçə, qarış-qarış, burda hər yan, Kənd də bizim, qəsəbə də, şəhər bizim şəhərimiz! Zəfər bizim zəfərimiz! * * * Bu torpağa şəhid verən ataların, anaların, Başları qara örpəkli incəbelli sonaların, Gözüyaşlı, boynubükük körpə-körpə balaların Gözündə qəm, boğazında qəhər bizim qəhərimiz, Zəfər bizim zəfərimiz! * * * Hər bir şeydən, hər bir kəsdən uca tutub biz Vətəni, Canımızla, qanımızla çaldıq yeni qələbəni! Bir yumruqla pərən-pərən elədik yağı düşməni, Dəmir yumruqdakı qüvvət, təpər bizim təpərimiz! Zəfər bizim zəfərimiz! * * * Bu torpağa şəhid verən ataların, anaların, Gözləri yollarda qalan incəbelli sonaların, Gözüyaşlı, boynubükük körpə-körpə balaların, Üzündə qəm, boğazında qəhər bizim qəhərimiz, Zəfər bizim zəfərimiz! * * * Böyüklərin qabağında qul, qaravaş, kölə olub. Yaltaqlığı, satqınlığı düşüb dildən-dilə, olub. Qadir bizik! Qalib bizik! Bu əzəldən belə olub, Aşlarına qatdığımız zəhər bizim zəhərimiz! Zəfər bizim zəfərimiz! * * * Əl-ələ, çiyin-çiyinə dayanıb cəsur ordumuz, Keşik çəkir sərhədlərdə gecə-gündüz boz qurdumuz. Gün doğduqca Qarabağdan, cənnətə dönür yurdumuz! Ağ günlərə yelkən açan səhər bizim səhərimiz! Zəfər bizim zəfərimiz!
30 ilə yaxın torpaqlarımız işğal altında olmasına baxmayaraq, biz hər zaman torpaqlarımızın bir gün işğaldan azad olunacağına inanırdıq. Ali Baş Komandanın göstərdiyi yüksək diqqət, qayğı və incə düşünülmüş siyasət nəticəsində güclü ordumuz 30 il həsrətində olduğumuz torpaqlarımız 44 gün ərzində işğaldan azad etdi. Bu bizim hər birimizi çox sevindirdi. 27 sentyabr döyüşlər başladığı gündən efir vasitəsilə ölkə başçısının hər gün öz xalqına, millətinə şad xəbərlər çatdırması bizim qələbəyə daha da yaxın olmağımızdan və torpaqlarımızın işğaldan azad olunmasından xəbər verirdi. Nəhayət gözlədiyimiz həmən an gəlib çatdı. Azərbaycan xalqı “Şuşa sən azadsan!”, “Qarabağ Azərbaycandır” kəlmələrini 08.11.2021 ci ildə tarix yazan xilaskarımız Ali Baş Komandanın dilindən eşitdi. Artıq biz qalib ölkənin qalib vətəndaşlarıyıq. Qeyd edim ki, hər bir döyüşdə olduğu kimi bizim Qarabağ döyüşləri də itkisiz ötüşmədi. Ölkəmizdə çox şəhidlərimiz, qazilərmiz, qəhrəmanlarmız oldu. Mən atamla birgə bir çox şəhid ailələrini ziyarət etdik. Mən şəhidlərimizin əziz xatirəsinə həsr etdiyim şeirlərimi çərçivəyə alıb şəhid ailələrinə təqdim edirdim. Bunu etməklə 44 günlük müharibədə, bu Zəfərdə mənim də kiçik bir payım olsun istəyirdim. Bizlər üçün canından qanından kecən şəhidlərimizin əziz xatirəsini hər zaman yad edirəm . Şəhidlərimiz haqqında bir çox kitablarda, qəzetlərdə, jurnallarda və saytlarda şeirlərim, məqalələrim dərc olunur. Şəhid ailələrini müntəzəm olaraq ziyarət edirəm. Hər zaman olduğu kimi dövlətimiz tərəfindən diqqət və qayğı ilə əhatə olunan şəhid ailələri deputatımız Fəzail Ağamalı tərəfindən də diqqət mərkəzində saxlanılır. Rayonumuzda şəhidlərimizin əziz xatirəsinə bulaqlar tikilir və tədbirlər keçirilir. Deputat Fəzail Ağamalının köməkçisi Xidmət müəllimlə birlikdə bir çox şəhid bulaqlarının açılışında iştirak etmişəm. Şəhidlərimizin əziz xatirəsinə həsr etdiyim şeirimi səsləndirmişəm. Biz birlikdə bir çox şəhid ailələrinidə ziyarət etmişik. Hər bir şəhid anasının övladı haqqında danışdığı sözlər mənim yaddaşımda əbədi olaraq qalacaq. Şəhidlərimiz bizim hər birimizin xatirəsində yaşayır və yaşayacaqdır. Allah bütün şəhidlərimizə rəhmət eləsin, məkanları cənnət olsun.
Mən doğma Azərbaycanımla, Prezidentimlə, bayrağımla fəxr edirəm. Şəhidlərimizi hörmətlə yad edirəm:
Tarix yazan şəhidlər
İyirmi yeddisi gecə Getdiniz döyüşlərə Gedəndə mərd qürurlu Düşmənə vurduz zərbə. * * * 44 gün dayanmadan Ön cəbhədə vuruşduz Şəhidliyə ucalıb, Yeni bir tarix olduz. * * * Azərbaycan torpağı Heç bir zaman bölünməz. Şəhid olan oğullar Ürəklərdən silinməz.
Zəfər çaldı Azərbaycan
30 illik həsrətə Son qoydu 44 günə. Ali baş komandanın Güvənirik əmrinə. * * * Azərbaycanlıyıq biz, Silinməzdir izimiz. Bizim güvən yerimiz, Qalib gələn ölkəmiz. * * * Azaddır Qarabağım, Dalğalanır bayrağım. Fəxr edirik onunla Müqəddəsdir torpağım.
NOYABR Xəstə kimi bu ara, Göz altlarım qaralmış. Saçlarımsa tam əksi, Dibdən bir-bir ağarmış. Ayrılıq oldu yaman Gözləmirdim bitirək İstəyirdim biz birgə Sənlə filmlər, kitablar Bir qazan qaynar şorba Birgə ömür bitirək. Alınmadı canın sağ, Yolun salamat olsun Bir gün geri dönəsi, Mənə salam verəsi, Olar işdi bir anlıq Peşman olsan, o anlıq Məni birdə tanıma. Keçirmə heç içindən, O an baxmaq üzümə. And olsun Yaradana, Əzbər olan gözlərin Unudulmuş olacaq İndi yanan bu ürək Çoxdan sönmüş olacaq.
VƏTƏN YOLU Zirvələrə bayraq sancan oğullar keçib bu yoldan. Şir biləkli, Sinəsi boz qurd ürəkli, Qələbə diləkli Oğullar… Hər ayaq izi bir çiçək bitirib bu yollarda, ətri vətən dadlı. Hər nərəsi cəngavərlik hünəridir, Hər kəlməsi od qanadlı Arzuları yurd eşqindən zəfər çalan döyüşçümün. Əldə silah yol keçib igidlər buradan ayaq-ayaq. Dəmir atlar nərildəyib bu yollarda. Əsgər nəfəslidir torpaq. Döyüş kimi, Savaş kimi Sədalı, səslidir çaylar. Ərlərin, ərənlərin yoludur, Köksü qalxan, Əlləri, qolları süngü olan Övladların — sinəsini gərənlərin yoludur bu yol. Amalı, məramı ulu, Qalibiyyət dolu bir yoldur vətən yolu. Vətən andı içənlərin, Vətən üçün öz canından keçənlərin, Mübarizə meydanında mərdliyi bir şərəf bilib haqq yolunu seçənlərin yoludur bu yol.
MÜQƏDDƏS QİSAS Göylərə çəkilən şəhid ruhuna Tanrı sığal çəkir öz əlləriylə. Dünyanın göz açan al sabahına Şəhid ətri dolur yurd yelləriylə. * * * Yer üzü, göy üzü sarınmış cəngə, Torpağın qarası bir lalə rəngə. Nərələr təbildir bir gur ahəngə, Savaş meydanı da can çölləriylə… * * * Şəhid qanlarıyla yoğrulub torpaq, Təzədən, təzədən doğulub torpaq. Bir bax, məşəl olub, od olub torpaq Əbədi alovu qor dilləriylə… * * * Bil, adı mərdlikdir hər başdaşının, Qəddi dağ qəddidir qəlb sirdaşının. Gözlərdən süzülən o göz yaşının Çeşməsi ürəkdir ah selləriylə. * * * Şəhidlər torpağı vətən eləmiş, Bu çölü, bu dağı vətən eləmiş. Şəhidlər bayrağı vətən eləmiş, Gəlir səcdəsinə yurd elləriylə. * * * Oğullar zəfərlər çaldığı yerdə, Müqəddəs bir qisas aldığı yerdə, Şəhid məzarının olduğu yerdə Vətən çiçək açıb tər gülləriylə.
ŞƏHİD ADI Bu yağan yağışdan barıt qoxusu gəlir. Bu əsən küləkdən duyulur qan dadı. Ucalır Vətən göyünə torpaq olan canların şəhid adı.
VƏTƏN Ana yurdum, obamdır, Vətən elimdir mənim. Beşiyimdir, yuvamdır, Vətən evimdir mənim. * * * Çölüm, dağım, daşımdır, Ruhumdur, yaddaşımdır, Məzarım, başdaşımdır, Göyüm, yerimdir Vətən.
GƏLİR Bu otdan, çiçəkdən, Bu yeldən, küləkdən, Ağacdan, yarpaqdan, Havadan, torpaqdan Yurd qoxusu gəlir. * * * O atəş səsindən, Səngər nəfəsindən, O sipər canlardan, Tökülən qanlardan Qurd qoxusu gəlir.
ŞƏHİD Sipər oldun zərbələrə, Sinə verdin qəlpələrə. Zirvələrdən zirvələrə Hər dağı ucaldan şəhid. * * * Sən bir savaş fatehisən, Azərbaycan tarixisən. Əbədiyyət taleyisən, Torpağı ucaldan şəhid. * * * Taxtın uca göy üzündə, Al qanın vətən düzündə. Müqəddəssən el gözündə, Bayrağı ucaldan şəhid.
QƏLƏBƏM Zirvəsi buludlara dəyən sinəsi dağlı dağların, Gözlərini həsrətli yollara dikib səadət axtaran gözü yaşlı çiçəyinin talan yurdu bağların Könül dolusu gülür indi, Çağların milyon-milyon insanlarla Ümman-ümman sevincini bölür indi Qalibiyyət zəfəriylə, Bir qələbə xəbəriylə Vətən dediyim ocağım, odum, hey! Havam, suyum, torpağım, Daşım, izim, adım, hey! Andım, hey! Dan yerinə xoş müjdəli sabahla yetişdin sən, Ürəklərlə, Diləklərlə Sinə-sinə, qucaq-qucaq, Ağız-ağız, dodaq-dodaq görüşdün sən — Qələbəm mənim. Dilə gəldin Sən müqəddəs kəlam kimi, İnsanlara: “Gözün aydın olsun!” — dedin salam kimi. O bayrağın sancıldığı yerə mənim canım fəda. O əsgərin yarasına qanım fəda. Ər oğlu ər şəhidlərim!.. Hünərpərvər şəhidlərim!.. Köksü səngər şəhidlərim!.. Ruhunuz şad! Bu yer azad! Bu göy azad! Min-min mərdin cəsarəti, Ölüm-dirim savaşında sarsılmayan dəyanəti, Amalına sədaqəti bəxş eylədi yurda səni. Ey qələbəm! At belində mərdanəlik havasıyla yol gəldin sən. Övladına: “Get cəbhəyə döyüş!” — deyən, “Yağılara qan uddurub vuruş!” — deyən anaların duasıyla doğuldun sən, Ey qələbəm! İnadından dönməzlərin, Ölümüylə ölməzlərin al qanıyla yoğrulan torpağımdan göyərən nursan! Sən bir vətən vüqarı! Sən bir zəfər qüruru!
