
AD GÜNÜNÜZ MÜBARƏK !!!
Bu gün gözəl insan, əsl ziyalı, tanınmış şair Xaliq Rəhimlinin doğum günüdür. Bu münasibətlə sevimli şairimizi təbrik edir, Uca Yaradandan can sağlığı, uzun ömür, bütün işlərində müvəffəqiyyətlər arzu edirik… Ad gününüz mübarək, Xaliq müəllim!!! Uğurlarınız bol olsun!!!
Xaliq müəllimin özünün bu gün münasibəti ilə dilinə gələnlər:
Ömrün də yazı olurmuş
Amma mən qış görə bildim
Ürəyim istəyən kimi
Nə də bir iş görə bildim
Mən yaşımnan utanıram
Taleyim bir şum misallı
Ömrümü ot ,alaq basdı
Çox şeyi bilmirsən dostum
Tərifləmə məni, bəsdi
Mən yaşımnan utanıram
Deyirlər su gələn arxa
Bir də gələr əvvəl axır
Yarımçıq qalan arzular
Üzümə həsrətlə baxır
Mən yaşımnan utanıram
Nə qədər bəd günüm olub
Nə qədər şad günüm olub
Yelə verdiyim illərdi
Yığılıb ad günüm olub
Mən yaşımnan utanıram…
Müəllif: Xaliq RƏHİMLİ
Zaur Ustacın Mucrunesriyyati.az saytında satışda olan kitabları haqqında məlumat:
- Mucrunesriyyati.az , 1. Arxiv: Archive.vn
YAZARLAR.AZ
===============================================
<<<<<<WWW.YAZARLAR.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru