Xoşbəxt bala ol, Yağmurum!
Güclü ol, qızım, yenilmə,
Çətinlikdən heç deyinmə,
Qəm libasını geyinmə,
Xoşbəxt bala ol, Yağmurum.
Başına dönüm mən sənin,
Qadanı alım qız sənin,
Toyunu görək biz sənin,
Xoşbəxt bala ol, Yağmurum.
Sənin gözəl sabahın var,
Yüksəklərdə məramın var,
İgid təki bir dayın var,
Xoşbəxt bala ol, Yağmurum.
Dövr pisdir, biz ki insanıq,
Dərdlər içrə hep yananıq,
Pisləri yaxşı sananıq,
Xoşbəxt bala ol, Yağmurum.
Bu gün sənin ad günündür,
Sevimli, şad günündür,
Vətəndəki yurd günündür,
Xoşbəxt bala ol, Yağmurum.
Gəldin artıq yeni yaşa,
Qıvraq yolda aşa-aşa…
Diləyirəm;”sən çox yaşa”,
Xoşbəxt bala ol, Yağmurum.
Müəllif: Aytac İBRAHİM
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru