TƏNHALIQ NƏĞMƏSİ
Gərilən əsəblərim
Elə bil ki, barıtdı.
Şükür sənə, İlahi,
Məni insan yaratdın!
Anlayıram gözəlcə,
Kim isti, kim soyuqdu…
Düşünüb daşınıram,
Sahildə kimsə yoxdu…
Mənə öyüd verənlər
Bilirəm ki, haqsızdı…
Könlüm nəğmə oxudu,
Dərə susdu, dağ susdu.
Eşq fırtına qopardı,
Saçımdakı ağ susdu…
Bu yer, bu göy mənimdi,
Dəniz mənə məxsusdu…
2018.
Müəllif: Rafiq YUSİFOĞLU,
şair, Əməkdar mədəniyyət işçisi, filologiya elmləri doktoru, professor.
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru