Müəllim
Müəllim mələkdir həyat yolunda
Ömrün ən işıqlı mayağıdır o
Şam kimi əriyib sönsə də özü
Çiçəkli günlərin çırağıdır o
Anadır, bacıdır ən əziz kəsdir
Ən təmiz ən ülvi isti nəfəsdir
Müəllimsiz dünya sanki qəfəsdir
Gələcək illərin sorağıdır o
Düzlüyün paklığın rəmzidir özü
Saflığın adıdir görünən üzü
Müqəddəs kəlmədir onun hər sözü
Danışan dillərin boyağıdır o
Ömrün hər yaşında körpədir ruhu
O ana ətrində ən gözəl qoxu
Könlümün sultanı, sevginin şahı
Ömrün tükənməyən dayağıdır o…
Müəllif: Yadigar TƏVƏKGÜL
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru