ÖZ ALLAHI VAR
Neçədir bilmirəm sayı,
Hər kəsin öz allahı var.
Veribdir varlıya payı,
Kasıbın nə günahı var?
Biri davanın allahı,
Biri yuvanın allahı.
Biri qovanın allahı,
Qaçanın öz pənahı var.
Ölmə, eşşək, bitər yonca,
Sən də yeyərsən doyunca.
Tələsmə ölməyə bunca
Allahın çox sabahı var.
Salıb kimi kim kəməndə,
Kəllə atır süd əmən də.
Kəmsavadam sanma, məndə
Hər cavabın izahı var.
Allah yatır hər dilində
Doğulanın dərd ilində.
Bilir allah Qabilin də
İştahı var, tamahı var.
22.03.2026
Müəllif: QABİL NƏBİ
Oxuyun >> Gözündə tük var
Zaur Ustacın şeirləri haqqında
