Günlük arxivlər: May 6, 2026

www.USTAC.az

Sona İsmayılova Zakir Kayanın Media və Nəşriyyat Fəaliyyəti

Bir şərh yazın

REPORTAJ
Sona İsmayılova Zakir Kayanın Media və Nəşriyyat Fəaliyyəti
Redaktor Girişi

Dr. professor Zakir Kaya Türkiyə mərkəzli araşdırmaçı jurnalist və yazıçı kimi media, nəşriyyat və ədəbiyyat sahələrində fəaliyyət göstərir. Bu müsahibə Kayanın peşəkar təcrübəsi, nəşriyyat fəaliyyəti və yaradıcılıq istiqamətləri ilə bağlı şəxsi qiymətləndirmələrini əhatə edir.

REPORTAJ
Sual 1: Jurnalistika sahəsinə yönəlmə prosesiniz necə başladı?

Zakir Kaya:
Jurnalistikaya marağım erkən dövrlərdə formalaşdı. Yerli media mühiti və sahədə qazandığım müşahidələr bu istiqamətə yönəlməyimdə mühüm rol oynadı. Zamanla yazılı və vizual media istehsalı proseslərində fəal iştirak etdim.

Sual 2: Fəaliyyətiniz əsasən hansı sahələrdə cəmlənir?

Zakir Kaya:
Fəaliyyətim əsasən araşdırma jurnalistikası, mədəni məzmun istehsalı və rəqəmsal media yayımçılığı sahələrini əhatə edir. Müxtəlif formatlarda məzmun istehsalı proseslərində iştirak etmişəm.

Sual 3: “Hayata Dair”, “Yüz Yüze” və “Sözün Güç Noktası” proqramlarının ümumi yanaşması nədir?

Zakir Kaya:
Bu proqramlar müxtəlif sahələrdən olan qonaqların iştirakı ilə aktual mövzular ətrafında fikir mübadiləsi aparılmasını hədəfləyən müsahibə formatlı layihələrdir. Əsas məqsəd fərqli baxış bucaqlarını bir araya gətirməkdir.

Sual 4: Kaya Haber Ajansı (KHA) necə bir qurum kimi xarakterizə oluna bilər?

Zakir Kaya:
Kaya Haber Ajansı rəqəmsal media mühitində məzmun istehsalı və yayım fəaliyyəti həyata keçirmək məqsədilə yaradılmış bir platformadır. Müxtəlif məzmun formatları üzərindən yayım fəaliyyətini davam etdirir.

Sual 5: Ədəbi fəaliyyətiniz haqqında məlumat verə bilərsinizmi?

Zakir Kaya:
Ədəbi fəaliyyətim şeir, tərcümə və ictimai analiz istiqamətlərində cəmlənir. Müxtəlif dövrlərdə müxtəlif kitab və mətn layihələri üzərində çalışmışam.

Sual 6: Media və ədəbiyyat fəaliyyətləriniz arasında necə bir əlaqə qurursunuz?

Zakir Kaya:
Media və ədəbiyyat mənim üçün bir-birini tamamlayan iki yaradıcılıq sahəsidir. Hər iki istiqamətdə əsas məqsəd bilgi istehsalı və ictimai düşüncə mühitinin formalaşdırılmasıdır.

Sual 7: Gələcək dövr üçün hədəfləriniz nələrdir?

Zakir Kaya:
Rəqəmsal media sahəsində məzmun istehsalı imkanlarını genişləndirmək və daha böyük auditoriyaya çatmaq əsas hədəflərim sırasındadır. Yeni layihələr üzərində işlər davam edir.

Kapanış Qeydi
Bu müsahibə iştirakçının şəxsi bəyanları əsasında hazırlanmış və media ilə nəşriyyat fəaliyyətlərinə dair ümumi çərçivə təqdim edir.

Müsahibə: Sona Abbasəliqızı
Müsahibə Qonağı: Zakir Kaya
Redaktor: Sona

****

RÖPORTAJ
Sona İsmayılova – Zakir Kaya’nın Medya ve Yayıncılık Çalışmaları
Editör Girişi
Dr.profesor Zakir Kaya, Türkiye merkezli araştırmacı gazeteci, yazar olarak medya, yayıncılık ve edebiyat alanlarında faaliyet göstermektedir. Bu söyleşi, Kaya’nın mesleki deneyimi, yayıncılık faaliyetleri ve üretim alanlarına ilişkin kendi değerlendirmelerini içermektedir.
RÖPORTAJ
Soru 1: Gazetecilik alanına yönelme süreciniz nasıl başladı?
Zakir Kaya:
Gazeteciliğe ilgim erken dönemlerde oluştu. Yerel medya ortamı ve sahada edindiğim gözlemler bu alana yönelmemde etkili oldu. Zaman içerisinde yazılı ve görsel medya üretim süreçlerinde aktif görevler aldım.
Soru 2: Çalışmalarınız hangi alanlarda yoğunlaşıyor?
Zakir Kaya:
Çalışmalarım ağırlıklı olarak araştırmacı gazetecilik, kültürel içerik üretimi ve dijital medya yayıncılığı alanlarında yoğunlaşmaktadır. Farklı formatlarda içerik üretim süreçlerinde yer aldım.
Soru 3: “Hayata Dair”, “Yüz Yüze” ve “Sözün Güç Noktası” programlarının genel yaklaşımı nedir?
Zakir Kaya:
Bu programlar, farklı alanlardan konukların katılımıyla güncel konular üzerine görüş alışverişi yapılmasını amaçlayan söyleşi formatlı içeriklerdir. Temel olarak farklı bakış açılarını bir araya getirmeye odaklanmaktadır.
Soru 4: Kaya Haber Ajansı (KHA) nasıl bir yapı olarak tanımlanabilir?
Zakir Kaya:
Kaya Haber Ajansı, dijital medya ortamında içerik üretimi ve yayıncılık faaliyetleri yürütmek amacıyla oluşturulmuş bir yapıdır. Farklı içerik formatları üzerinden yayıncılık faaliyetleri sürdürmektedir.
Soru 5: Yazınsal çalışmalarınız hakkında bilgi verebilir misiniz?
Zakir Kaya:
Yazınsal çalışmalarım şiir, çeviri ve toplumsal analiz alanlarında yoğunlaşmaktadır. Farklı dönemlerde çeşitli kitap ve metin çalışmaları gerçekleştirdim.
Soru 6: Medya ve edebiyat çalışmalarınız arasında nasıl bir ilişki kuruyorsunuz?
Zakir Kaya:
Medya ve edebiyat, benim için birbirini tamamlayan iki üretim alanıdır. Her iki alanda da temel amaç bilgi üretmek ve toplumsal düşünme alanı oluşturmaktır.
Soru 7: Gelecek döneme ilişkin hedefleriniz nelerdir?
Zakir Kaya:
Dijital medya alanında içerik üretim kapasitesini geliştirmek ve daha geniş kitlelere ulaşmak hedeflerim arasındadır. Yeni projeler üzerine çalışmalar devam etmektedir.
Kapanış Notu
Bu söyleşi, katılımcının kendi beyanları temel alınarak hazırlanmış olup, medya ve yayıncılık faaliyetlerine ilişkin genel bir çerçeve sunmaktadır.
Röportaj: Sona Abbasəliqızı
Röportaj Konuğu: Zakir Kaya
Editör: Sona Abbasəliqızı

www.USTAC.az

Zaur Ustacın “Aşiq gecələr” şeiri

Bir şərh yazın

Zaur Ustacın “Aşiq gecələr” şeiri

(Zaur Ustac – Aşiq gecələr)
     Zaur Ustacın “Aşiq gecələr” şeiri sevginin ən incə, ən səssiz və ən dərin məqamlarını gecə obrazı üzərindən ifadə edən lirika nümunəsidir. Bu şeirdə gecə artıq sadəcə zaman anlayışı deyil, aşiq ruhun sirdaşına, sevgini qoruyan və yaşadan bir varlığa çevrilir. Şair gecəni hiss edən, seçən və hətta aşiq olan bir obraz kimi təqdim edir və bununla da poetik düşüncəni daha da dərinləşdirir.
      Şeir ilk misralardan etibarən bu duyğusal yaxınlığı açıq şəkildə göstərir:
“O zülmət gecənə şam olum, gülüm,
O gül cəmalına aşiq gecələr!”
Burada aşiqin özünü “şam”a bənzətməsi təsadüfi deyil. Şam həm işıq saçır, həm də yanaraq əriyir. Bu, sevginin qurbanlıq tərəfini simvolizə edir. Aşiq sevdiyi üçün yanmağa, əriməyə hazırdır. Gecə isə bu yanğıya şahid olmaqla kifayətlənmir, sanki onun özünə vurulur — “aşiq gecələr”.
    Digər misrada verilən “Əriyən mumlara aşiq gecələr!” ifadəsi sevginin ağrı ilə vəhdətini göstərir. Mumun əriməsi zamanın keçməsi və hisslərin tükənməsi kimi yox, əksinə, sevginin davam etməsi üçün verilən bir bədəldir. Burada şair incə bir məqamı vurğulayır: həqiqi sevgi rahatlıqda deyil, məhz yanmaqda və dözməkdə özünü göstərir.
      Şeirin ikinci bəndində isə aşiqin arzuları daha açıq şəkildə ifadə olunur:
“İstərəm bir gecə qoynunda uyam,
Yumulu gözlərə aşiq gecələr…”
Bu misralarda sevgi artıq fiziki yaxınlıqdan çox, ruhani bir sığınacaq kimi təqdim olunur. “Yumulu gözlər” ifadəsi sakitliyi, etibarı və təslimiyyəti simvolizə edir. Aşiq üçün ən böyük xoşbəxtlik sadəcə yanında olmaq, o sakitlik içində var olmaqdır.
     Şair gecəyə mistik bir məna da yükləyir:
“Gecənin öz sirri, öz aləmi var”
Bu fikir gecənin adi bir məkan olmadığını, onun özünəməxsus qanunları və duyğuları olduğunu göstərir. Gündüz gizlənən hisslər, etiraf olunmayan sevgilər məhz gecədə üzə çıxır. Gecə burada sanki insanın iç dünyasının aynasına çevrilir.
    Son bənddə verilən “Şəhrizad misalı, sirli, gözəl yar” bənzətməsi isə şeirin poetik yükünü daha da artırır. Şəhrizad obrazı ilə sevgi həm sirli, həm də cazibədar bir məna qazanır. Bu sevgi tam açılmayan, amma hiss edilən bir duyğudur. Və məhz buna görə “Sirli gözəllərə aşiq gecələr” — gecə yalnız zahiri gözəlliyə yox, sirr daşıyan, dərinlikli ruhlara yönəlir.
     Nəticə etibarilə, “Aşiq gecələr” şeiri sevginin səssiz, lakin güclü tərəflərini ifadə edən poetik bir düşüncədir. Bu şeirdə sevgi nə gurultuludur, nə də nümayişkaranə — o, gecə kimi sakit, amma dərin və sonsuzdur. Şair oxucuya göstərir ki, həqiqi sevgi bəzən ən çox danışılmayan, amma ən çox hiss olunan məqamlarda yaşayır. Və gecə — bütün sirləri, səssizliyi və qaranlığı ilə — bu sevginin ən sadiq şahidinə çevrilir.

Müəllif: Süleymanova Ümmü İsmayıl qızı
Şəki şəhəri 14 nömrəli tam orta məktəbin riyaziyyat müəllimi,
AJB-nin üzvü, “Qızıl Qələm” media mükafatçısı.

Zaur Ustacın “Buta”sı

Zaur Ustacın “Buta”sı haqqında

DAHA ÇOX YENİ MƏLUMAT

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I

www.USTAC.az

General Cəmşid xan Naxçıvanski adına Hərbi Lisey – 55

Bir şərh yazın

General Cəmşid xan Naxçıvanski adına Hərbi Lisey – 55 İllik Şərəf Salnaməsi: Bir məktəbin deyil, bir Millətin hərbi dirçəliş tarixinin yubileyi

Bu gün Azərbaycan xalqı sadəcə bir təhsil müəssisəsinin yaradılmasının ildönümünü qeyd etmir.
Bu gün biz milli hərb tariximizin ən müqəddəs səhifələrindən birinin, Cəmşid Naxçıvanski adına Hərbi Liseyin 55 illik şanlı ömür yolunu sonsuz qürur, ehtiram və minnətdarlıq hissi ilə yad edirik.

1971-ci ildə bu liseyin yaradılması zahirdə bir məktəbin açılması kimi görünə bilərdi.
Lakin tarixin dərin qatlarına baxdıqda aydın görünür ki, bu, sadəcə məktəb deyildi, bu, gələcək müstəqil Azərbaycanın milli ordusunun gizli şəkildə atılan ilk təməl daşı idi. Lisey məhz Heydər Əliyevin təşəbbüsü ilə 1971-ci ildə yaradılmışdır.

Ancaq bu qərarın böyüklüyünü dərk etmək üçün o dövrün siyasi reallığını unutmaq olmaz.

Heydər Əliyevin həmin addımı sıradan inzibati qərar yox, sovet totalitar sisteminə qarşı milli iradənin gizli manifestidir.

Bu, Sovet imperiyasının ən sərt ideoloji nəzarət illəri idi.
Moskvanın hökmü ilə milli şüur, milli hərb düşüncəsi, milli zabit korpusu anlayışı boğulur, türk-müsəlman xalqlarının öz hərbi elitasını formalaşdırmasına ciddi maneələr yaradılırdı. Azərbaycanın oğulları öz Vətəni üçün deyil, yad imperiyanın maraqları üçün istifadə olunurdu.

Belə bir zamanda Heydər Əliyev təkcə hərbi məktəb yaratmadı, o, Sovet siyasi sisteminin içərisində gələcək istiqlalın kodlarını yazdı.

Və ən mühüm məqam:

Bu, Moskvanın sərt nəzarəti altında susdurulmuş bir millətin oğullarına gizlicə deyilən belə bir mesaj idi:
“Hazırlaşın… gün gələcək bu torpağın öz Ordusu olacaq!”
Bu gün həmin müqəddəs ocağın 55 illiyini qeyd edərkən biz təkcə bir liseyin yubileyini yaşamırıq.
Biz Heydər Əliyev adlı tarixi cəsarətin, milli təfəkkürün və misilsiz siyasi qəhrəmanlığın 55 illik zəfərini yaşayırıq.
Çünki o illərdə Sovet rejimi Azərbaycan türkünün milli ruhunu sındırmaq, onun hərbi şüurunu unutdurmaq, onu öz qəhrəmanlarından ayırmaq üçün bütün vasitələrdən istifadə edirdi.
Millətin igid oğulları ya repressiya olunmuşdu, ya adları tarixdən silinmişdi, ya da “xalq düşməni” damğası ilə qaranlığa gömülmüşdü.
Onlardan biri də Azərbaycanın şanlı hərb tarixinin parlaq siması olan Cəmşid xan Naxçıvanski idi. Sovet Kommunist Partiyası onun adını ləkələmiş, onu xalqın yaddaşından silmək istəmiş, bu qəhrəman generalın xatirəsini qorxu divarları arxasında həbs etmişdi.
Belə bir zamanda həmin adı yenidən dövlət səviyyəsində diriltmək nə demək idi, bunu bugünkü nəsil tam təsəvvür belə edə bilməz.
Bu, kabinetdə imza atmaq deyildi.

Bu, imperiyanın gözünün içinə baxaraq:
“Sizin unutdurmaq istədiyiniz bu oğul mənim xalqımın şərəfidir!” demək idi.

Bu, qorxunun hökm sürdüyü bir sistemdə qorxmamaq idi.
Bu, Sovet senzurasının boğazından milli qüruru zorla keçirib tarixə həkk etmək idi.
Bu, təkbaşına bir siyasi üsyan idi.
Bəli, üsyan.

Çünki Heydər Əliyev təkcə hərbi lisey yaratmadı. Heydər Əliyev Sovet İttifaqı Kommunist Partiyasının “xalq düşməni” kimi qara siyahıya atdığı Cəmşid xan Naxçıvanskinin adını minlərlə Azərbaycan gəncinin alnına şərəf nişanı kimi yazdı.
Bu, sadəcə ad seçimi deyildi.
Bu, şəhid edilmiş milli yaddaşa verilən həyat idi.
Bu, təhqir olunmuş Azərbaycan hərb tarixinin ləyaqətinin geri qaytarılması idi.
Bu, repressiya qurbanı olan bir türk generalına tarixin qarşısında verilən bəraət idi.
Və bundan da böyük həqiqət var:
Heydər Əliyev həmin liseyi açanda qarşısında təkcə bir təhsil planı yox idi.
Onun qarşısında gələcək müstəqil Azərbaycanın xəritəsi vardı.
O bilirdi ki, milli dövlətin sütunu milli ordudur.
Milli ordunun sütunu isə milli ruhlu zabitdir.
Milli ruhlu zabiti isə yalnız milli qürur üzərində qurulmuş məktəb yetişdirə bilər.
Məhz buna görə Cəmşid Naxçıvanski adına Hərbi Lisey Sovet dövrünün formal məktəbi deyil, Azərbaycanın istiqlal laboratoriyası idi.
Bu liseyin sinif otaqlarında sadəcə dərs keçilmirdi.
Burada gələcək qələbələrin genetikası yazılırdı.
Burada zabit çiyninə taxılacaq paqonun mənası öyrədilirdi.
Burada Vətən üçün ölməyin qorxu yox, şərəf olduğu aşılanırdı.
Burada Azərbaycanın sabahkı qalib komandirləri yetişirdi.

Heydər Əliyev bu məktəbə təsadüfi bir ad vermədi.

O, liseyə Sovet Kommunist ideologiyasının illərlə “xalq düşməni”, “etibarsız element”, “çar zabiti”, “siyasi cəhətdən zərərli şəxs” kimi damğaladığı Azərbaycan generalı Cəmşid xan Naxçıvanskinin adını verdi.

Bu addım o dövr üçün sadəcə cəsarət deyildi.
Bu, açıq desək, misli görünməmiş siyasi qəhrəmanlıq idi.

Çünki Stalin repressiyalarının qara siyahısına salınmış, adı uzun illər tabu edilmiş, haqqında danışmaq belə risk sayılan bir Azərbaycan hərbçisinin adını dövlət səviyyəsində diriltmək Sovet nomenklaturasına qarşı səssiz, lakin çox dərin milli etiraz idi.

Heydər Əliyev bununla iki tarixi missiyanı eyni anda yerinə yetirdi:

Birincisi, Cəmşid xan Naxçıvanskinin adına siyasi bəraət qazandırdı.

Sovet rejiminin unutdurmaq istədiyi bir milli qəhrəmanı Azərbaycan xalqının yaddaşına geri qaytardı.
Repressiya ilə ləkələnmiş adı şərəf kürsüsünə qaldırdı.
Bir zamanlar “xalq düşməni” damğası vurulan şəxs birdən-birə Azərbaycan gənclərinin hərbi idealına çevrildi.

Bu, faktiki olaraq tarixi ədalətin bərpası idi.

İkincisi — milli zabit ruhunu həmin adın ətrafında formalaşdırdı.

Çünki hərbi məktəb təkcə dərs deyil, simvol üzərində qurulur.
Heydər Əliyev çox yaxşı bilirdi ki, bu liseydə yetişəcək minlərlə gəncin qarşısında yad sovet marşalları yox, öz millətinin qəhrəman generalı dayanmalıdır.

Yəni bu liseyin divarları arasında sadəcə fizika, riyaziyyat, taktika öyrədilmirdi.

Burada öyrədilən əsas dərs bu idi:

Azərbaycanın öz ordusu olacaq.
Azərbaycanın öz zabitləri olacaq.
Azərbaycanın öz hərbi iradəsi olacaq.

1971-ci ildə SSRİ kimi nəhəng bir imperiyanın daxilində bu strateji baxışı qurmaq yalnız uzaqgörən dövlət ağlı deyil, həm də tarixi risk götürmək cəsarəti tələb edirdi.

Heydər Əliyev bu riski aldı.

Bu səbəbdən Cəmşid Naxçıvanski adına Hərbi Liseyin yaranması sıradan təhsil hadisəsi yox, milli müqavimətin intellektual-hərbi platformasının qurulması idi.

Bu müqəddəs ocaq sonradan nə verdi?

Bu ocaq Azərbaycan Ordusuna minlərlə peşəkar zabit verdi.
Bu ocaq döyüş meydanlarında sinəsini Vətənə sipər edən qəhrəmanlar verdi.
Bu ocaq Birinci Qarabağ savaşında, Aprel döyüşlərində, 44 günlük Vətən Müharibəsində və antiterror əməliyyatlarında adını şərəflə tarixə yazan igidlər yetişdirdi. Müdafiə Nazirliyinin məlumatına görə liseyin minlərlə məzunu Silahlı Qüvvələrin formalaşmasında mühüm rol oynayıb, çoxsaylı məzunları ali mükafatlara layiq görülüb.

Bu gün Azərbaycan əsgərinin zəfər addımlarının arxasında görünməyən, lakin çox möhtəşəm bir məktəb dayanır, məhz Cəmşid Naxçıvanski ruhu.

Bu ruhun memarı isə şübhəsiz ki, Dahi Şəxsiyyət Heydər Əliyevdir.

Çünki o, 55 il əvvəl sadəcə bir lisey açmadı.

O, Sovet qaranlığının içində gələcək qalib Azərbaycanın zabitlərini yetişdirəcək bir nur ocağı yandırdı.

O, unutdurulmuş Cəmşid xan Naxçıvanski adını xalqın qəlbində yenidən diriltdi.

O, milli hərb tariximizin qırılmış qılıncını yenidən qınına qaytardı.

Bu gün həmin qərarın necə dahiliklə verilmiş olduğunu qalib Azərbaycan daha aydın görür.

Cəmşid Naxçıvanski adına Hərbi Liseyin 55 illiyi münasibətilə bu müqəddəs ocağın bütün müəllim heyətini, məzunlarını, kursantlarını və Azərbaycan xalqını ürəkdən təbrik edir, bu şanlı tarixi yaradan dahi şəxsiyyət Heydər Əliyevin əziz xatirəsi önündə dərin ehtiramla baş əyirik.

Bu lisey sadəcə məktəb deyil, Azərbaycanın gələcək Zəfərlərinin doğulduğu hərbi beşikdir.

Bu gün bu məktəb Azəeyavan Respublikasının Prezidenti cənab İlham Əliyevin uzaqgörən və müdrik siyasəti, yüksək ordu quruculuğu, hərbi sahədəki yüksək strateji islahatları, qayğı və diqqəti sayəsində daha da inkişaf etməkdədir. Bu isə Azərbaycan Silahlı Qüvvələrini daha da gücləndirir və bunun nəticəsində Azərbaycan ordusu hərb meydanında alternativi olmayan, Qafqazın ən güclü ordusuna çevrilib! Bu isə Azərbaycanı nəinki bölgədə əsas güc mərkəzinə çevirir, hətta bütün bunların nəticəsində bütün dünyada maraqları ilə hesablaşılan və diktə edən Dövlət statusuna yüksəlmişdir.

Allah bu məktəbin banisi, Azərbaycan xalqının Ümummilli Lideri və xilaskarı, müasir Azərbaycan dövlətinin qurucusu və memarı, Ulu Öndər Heydər Əliyevə qəni-qəni rəhmət eləsin! Bu günkü Azərbaycan Heydər Əliyevin şah əsəridir! Ulu Öndərin məkanı, cənnət, ruhu şad olsun!!

Yaşasın müstəqil Azərbaycan!
Yaşasın qəhrəman Azərbaycan ordusu!
Yaşasın Dövlətçiliyimiz!
Yaşasın cənab Ali Baş Komandan!! AMİN

Dr. Mirsamir Məmmədov

İsrail Təhlükəsizlik Akademiyasının
Qafqaz və MDB ölkələri üzrə Azərbaycan Respublikasındakı Regional Nümayəndəliyinin
Direktoru,
Beynəlxalq Polis Akademiyasının Azərbaycan və Qafqaz üzrə Koordinator direktoru,
Dünya Krav Maga (Terrorla mübarizə taktiki təlimləri) Federasiyasının Müstəsna Komitəsinin üzvü və Azərbaycan Respublikasındakı Regional Nümayəndəliyinin direktoru,
“İsraildə Azərbaycan Evi” Diaspor qurumunun direktor müavini və Azərbaycandakı Nümayəndəliyinin direktoru

www.USTAC.az

Zaur Ustac – Ustacam

Bir şərh yazın

USTACAM
Müzəffər ordunun şanlı əsgəri,
Ərənlər yurdunun ər övladıyam!
Zalımın zülmünə təhəmmülüm yox,
Babəklər yurdunun hürr övladıyam!
* * *
Ustadım Nəsimi, sözümüz sözdü,
Ədalət, həqiqət bağrımda közdü,
Ziyadar dühası bir deyil, yüzdü,
Mövlalar yurdunun nur övladıyam!
* * *
Dərvişəm, müqqəddəs sayılır təkkəm,
Hülqumdan yuxarı dayanır öfkəm,
Od, ocaq diyarı tanınır ölkəm,
Alovlar yurdunun nar övladıyam!
* * *
Unutma, şah babam Xətai başdı,
Nadir şah, mətədə tərpənməz daşdı,
İlham, nə keçilməz sədləri aşdı,
İgidlər yurdunun nər övladıyam!
* * *
Tarixdə Nəbisi, Koroğlusu var,
Gen dünya yağıya daim olub dar,
Düşmən qarşımızda yenə oldu xar,
Aslanlar yurdunun şir övladıyam!
* * *
Göydən Yer üzünə ərmağan, payam,
Gündüzlər Günəşəm, gecələr Ayam,
Ən parlaq ulduzdan törəyən boyam,
Ozanlar yurdunun sirr övladıyam!
* * *
Ustacam, vətənim vətən içində,
Axıb duruluruq zaman köçündə,
Min bir anlamı var, adi “heç”in də,
Aqillər yurdunun pir övladıyam!
13.11.2020. Bakı.

Müəllif: Zaur USTAC

ZAUR USTACIN YAZILARI

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I

www.USTAC.az

Araşdırmaçı jurnalist Zakir Kaya:

Bir şərh yazın

Araşdırmaçı jurnalist Zakir Kaya: Media, Ədəbiyyat və Müstəqil Düşüncənin Kəsişmə Nöqtəsi
MÜSAHİBƏ MƏTNİ
Müasir mediada sürət, görünürlük və rəqəmsal intensivlik artdıqca, məzmun istehsalının keyfiyyəti və müstəqilliyi getdikcə daha çox müzakirə mövzusuna çevrilir. Bu məqamda araşdırmaçı jurnalist Zakir Kaya həm yazılı mətbuat, həm də rəqəmsal media sahəsindəki fəaliyyəti ilə diqqət çəkir.
Kaya jurnalistikanı yalnız xəbər ötürmək kimi deyil, eyni zamanda ictimai düşüncəni qidalandıran bir sahə kimi dəyərləndirir. Onun fikrincə, media təkcə informasiya axını deyil, həm də mədəni və intellektual istehsal məkanıdır.
Ədəbiyyat və media arasındakı əlaqəyə xüsusi vurğu edən Kaya bildirir ki, bu iki sahə bir-birini tamamlayan struktura malikdir. Yazı yalnız ifadə vasitəsi deyil, eyni zamanda ictimai yaddaşı formalaşdıran güclü amildir.
Kayanın həyata keçirdiyi proqram və məzmunlar xüsusilə müsahibə və analitik formatlar izləyiciyə təkcə informasiya deyil, həm də düşünmək imkanı yaratmağı hədəfləyir. Bu yanaşma onu klassik jurnalistika anlayışından fərqləndirən əsas xüsusiyyətlərdən biri kimi önə çıxır.
Müstəqil jurnalistika anlayışına da diqqət yetirən Kaya mediada obyektivliyin və azad düşüncənin əhəmiyyətini vurğulayır. Onun fikrincə, jurnalistin əsas vəzifəsi həqiqəti müxtəlif tərəfləri ilə ortaya qoymaq və cəmiyyətə düşünmək üçün zəmin yaratmaqdır.
NƏTİCƏ
Zakir Kayanın mediaya yanaşması müasir rəqəmsal dövrdə jurnalistikanın dönüşümünü anlamaq baxımından mühüm nümunə hesab olunur. Onun baxışında media yalnız ünsiyyət vasitəsi deyil, həm də ictimai şüurun formalaşdığı bir sahə kimi təqdim edilir.

****

Araştırmacı Gazeteci Zakir Kaya: Medya, Edebiyat ve Bağımsız Düşüncenin Kesişim Noktası

RÖPORTAJ METNİ
Günümüz medyasında hız, görünürlük ve dijital yoğunluk artarken, içerik üretiminin niteliği ve bağımsızlığı giderek daha fazla tartışma konusu haline geliyor. Bu noktada araştırmacı gazeteci Zakir Kaya, hem yazılı basın hem de dijital medya alanındaki çalışmalarıyla dikkat çekiyor.

Kaya, gazeteciliği yalnızca haber aktarmak değil, aynı zamanda toplumsal düşünceyi besleyen bir alan olarak görüyor. Ona göre medya, yalnızca bilgi akışı değil; aynı zamanda kültürel ve entelektüel bir üretim sahasıdır.

Edebiyat ve medya arasındaki ilişkiye de özel bir vurgu yapan Kaya, iki alanın birbirini tamamlayan bir yapı olduğunu ifade ediyor. Yazının sadece bir anlatım aracı değil, aynı zamanda toplumsal hafızayı şekillendiren güçlü bir unsur olduğunu belirtiyor.

Kaya’nın yürüttüğü programlar ve içerikler, özellikle söyleşi ve analiz formatında, izleyiciye sadece bilgi değil aynı zamanda düşünme alanı da açmayı hedefliyor. Bu yaklaşım, onu klasik gazetecilik anlayışından ayıran temel noktalardan biri olarak öne çıkıyor.

Bağımsız gazetecilik kavramına da dikkat çeken Kaya, medyada tarafsızlığın ve özgür düşüncenin önemine vurgu yapıyor. Ona göre gazetecinin en temel görevi, gerçeği farklı yönleriyle ortaya koyabilmek ve kamuoyuna düşünme zemini sunabilmektir.

SONUÇ

Zakir Kaya’nın medya yaklaşımı, günümüz dijital çağında gazeteciliğin dönüşümünü anlamak açısından önemli bir örnek olarak değerlendiriliyor. Medya, onun perspektifinde yalnızca bir iletişim aracı değil, aynı zamanda toplumsal bilinç üretim alanı olarak konumlanıyor.