Xeyir-dua
Qapının ağzında dayanıb bahar,
Gəlib də gətirər torpağı cana.
Qoy ona qoşulub gələn bar-bəhər
Şəfəqlər çiləsin Azərbaycana.
Xeyir-dua versin qalxıb yerindən,
Dodaqlar arzular çəməni kimi.
Xoş günlər görəsiz biri-birindən
Duanız cücərsin səməni kimi.
Bayram tonqalında yansın, ərisin,
Dünyanın büsbütün pisliyi, şəri.
Ata ürəyindən qəhər çəkilsin,
Dolsun fərəhindən ana gözləri.
Eviniz şənlənsin uşaq səsində,
Körpə gülüşündən diksinin ancaq.
Yaşayıb taleyin zümzüməsində,
Bol ruzi görəsiz siz qucaq-qucaq.
Qapının ağzında dayanıb bahar,
Gəlib də gətirər torpağı cana.
Qoy ona qoşulub gələn bar-bəhər
Şəfəqlər çiləsin Azərbaycana.
20 mart 2020-ci il. İlisu
Müəllif: Mahirə NAĞIQIZI
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru