SƏNƏ HƏSRƏT QALMAZDIM
Ümid olub, ürəyimə dolsaydın,
Mən özümü tənha, yalnız sanmazdım.
Sevinc olub, üz-gözümə qonsaydın,
Həsrətindən korun-korun yanmazdım.
Sənli ömrüm heç çəkməzdi, dərd-qada,
Xoş günləri, nə tez verdik, biz bada?
Gətirdikcə o günləri mən yada,
Xəyallara dalıb, sənsiz qalmazdım.
Kül üfürdü, fələk güləş gözümə,
Həsrət qaldım, söhbətinə, sözünə,
Versəydim təskinlik, özüm-özümə,
Buludtək kövrəlib, içdən dolmazdım.
Yaşadığım qismət, Tanrı yazandı,
Yaz ömrümü şaxta vurub, xəzandı,
Dərdli könlüm, qəmli dastan yazandı,
Çiçək kimi vaxtsız açıb, solmazdım.
Ürəyimi titrədən xoş duyğudu,
Amalı yaşadan diqqət, qayğıdı,
Bəxtim yatdı, fələk məni qarğıdı,
Qəm küləyi tellərimi yolmazdı,
Uzun illər sənə həsrət qalmazdım.
Müəllif: Sona AMAL
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru