Yazıçı-publisist Yunus Oğuz Mustafa Kamal Atatürkün vəfatı ildönümü ilə bağlı aylaşım edib- “O çox yaşaya bilərdi,əgər sıradan biri olsaydı,əgər qazi və şəhid olmasaydı.Şəhid,təkcə torpaq uğrunda vuruşan deyil ki.Şəhid həm də işğalçıları torpağından qovub,yeni Dövlətin əsasını qoyanlardır.O,Dövlət yolunda,Millət yolunda canını,ruhunu qoydu.Bu gün Qazi və Şəhid Mustafa Kamal Atatürkün ruhunun canından ayrılan gündür.”
Təklifinizi, şikayətinizi bizə yazın. Sizi dinlərik. 055 634 88 31
Bəli, əvvəl yaranırıq, sonra xatirəyə çevrilirik, daha sonra isə unuduluruq. Bəs onda biz kimik?..
Mir Şahin Ağayev deyəndə, nədənsə yadıma ilk düşən bu kəlmələr olur: Biz qəhrəmanlarımızı dar ağacında görməyə öyrəşmişik…
Nə yaxşı ki, Mir Şahin Ağayev özünü “dar ağacından” xilas edə bildi. Yaşayır, var və əski təhlükələrdən çox uzaqdır…
Mir Şahin Ağayev təkcə ölkənin böyük jurnalisti, peşəsinin AKADEMİYASI deyil, həm də gözəl şairdir. Haqqında söhbətimi nə vaxtsa qələmə aldığı bir şeirlə yekunlaşdırıb, onu astanasında dayandığı 61 yaşı münasibətilə təbrik edirəm!
“Yerləşmə
(Anti təlqin)
Gəldim çatdım… Yerləşirəm, narahat olma! Düzdü, bir az darısqaldır Bir az soyuqdu Amma burda bundan geniş, bundan işıqlı, bundan isti Bundan rahat otaq da yoxdu!
Burda təkəm, uzanmışam, dincəlir canım Qarışqalar yem axtarır bəbəklərimdə… Yatıb nəbzim, durub qəlbim, dincəlir qanım. Səsi gəlmir vəd olunan mələklərin də Hanı bunun odu, suyu, alma bağları?!
Uşaqların ruhlarından doğulan quşlar?! Bir az qumdu, bir az torpaq buranın varı, Bir də başım üstündəki laybalay daşlar…
Niyə belə qəfil düşdü yağış mövsümü? Qorunmağa balaca bir çətir də yoxdu Bu nə idi, çürüyürəm, yoxsa leş kimi? Tərs kimi də üstümdə heç ətir də yoxdu…
Belə qonaq evi olar? Bəsdi sən Allah! Gör qar basınca otağımın damı sökülür… Həşəratlar dabanımı qıdıqladıqca, Gülmək tutur, Uğunmaqdan ətim tökülür…
Bədənimi tükmü basıb? Bəs niyə yaşıl? Bərbər əli gəzən yerdə quzu dişləri Suvarırlar, becərirlər sonra yeyirlər Buranın da varmış demə əcəb işləri?
Hə beləcə yer üzündən uzaqlaşıram, Bir az otda, bir az suda donuram yenə, Yavaş-yavaş əriyirəm, torpaqlaşıram, Yerləşirəm asta-asta dönürəm yerə.”
Ömrü boyu yol gedirık. Yolun uğurlu olması iki amillə bağlıdır. Qarşına qoyduğun məqsəd, kiminlə, yaxud kimlərə gedəcəksən bu yolu. İlk növbədə səni başa düsən, düz yola istiqamətləndirən, daim sənə dəstək olan İnsanlarla istənilən yolu rahat getmək, uğur əldə etmək mümkündü. Hər kəsin yolunu müəyyən edən Allah, bu yolda ona köməkdə göndərir. Rastına çıxan xeyirhaqq xislətli insanlar sənin mükafatındır. İnsanın niyyəti, xisləti, inamı, etiqatı onu ən yaxşı keyfiyyət göstəricisidir. Fəaliyyətinə nəzər salmaq istəyəndə onun insanlığa xas olan ən vacib xüsusiyyətlərini sadalamaq istəyirik: mübariz, əməksevər, vicdanlı, xeyirxah, fədakar, bu günü ilə şükr edib sabahını dualar içində açan insan! İnsani dəyərlər həyatımızın bütün sahələrini tənzimləməklə bizim üçün müəyyən mənada yazılmamış qanunlar, əxlaq kodeksi rolunu oynayır. Həyatsa mübarizədir…
Sadə, mehriban, qətiyyətli, ürəyində, fəaliyyətində Türk dünyasının dəyərlərinə, İnsana, Vətənə sevgisi zəngin olan Pərvanə Salman qızı Abdullayeva – 1974-cü il noyabrın 10-da Neftçala rayonunun Xolqarabucaq kəndində, ziyalı ailəsində dünyaya göz açıb. Təhsilini doğma kəndindəki orta məktəbdə əla qiymətlərlə başa vurduqdan sonra Bakı şəhər 2-nömrəli tibb kollecində davam etdiribdir. Hazırda Atatürk Unveristetinin Sosalogiya fakültəsidə təhsilini davam etdirir. 1993-cü ildə ailə həyatı quran Pərvanə xanım ailəsi ilə Ukraynanın Kiyev şəhərində yaşayıblar. Kiyev şəhərində üç övladı dünyaya gəlib: iki qız, bir oğlan. Böyük qızı ailəlidir – ailəsiylə Hollandiyanın Amsterdam şəhərində yaşayır, bir qız, bir oğlan övladı var.
Pərvanə xanım 1983-1984-cü illərdə Bülbül adına müsabiqənin qalibi olubdur. 2011-ci ildə Azərbaycan Respublikası Mədəniyyət Nazirliyinin nəzdində fəaliyyət göstərən Əli Kərim adına Poeziya klubunun Jurnalist-repartyor fakültəsinə daxil olub, 2013-cü ildə bitirmişdir. “Zəfər Yolu” Müharibə İştirakçılarına və Şəhid Ailələrinə Humanitar Dəstək ictimai birliyinin sədri, zefernews.az saytının təsisçisi və rəhbəri, Dünya Afşarlar Dərnəyinin Azərbaycan üzərə təmsilçisi – başkanı, JBÜ-jurnalistlər birliyinin üzvü, Türkiyənin Anasan-Anadolu Sanatçılar üzvü, Anasan – yazarlar birliyinin Azərbaycan nümayəndəsi, XXl Əsrin Ziyalıları Cəmiyyətinin icraçı direktoru, Düya Türk Ocaqlarının Neftçala başkanıdır. “Qızıl Qələm” mükafatı laureatıdır. Pərvanə Salman qızı “İlhamlı Azərbaycan” döş nişanı, “Cəsur döyüşçü” və “Xarı bülbül” medalları, “Xarı bülbül” və “Qarabağ Azərbaycandır!” diplomları, dəfələrlə Müdafiə və Ədliyyə Nazirliklərinin Fəxri Fərmanları ilə təltif olunub.
Pərvanə Salman qızının “Dəmir Yumruq” adlı ilk kitabı 2021-ci ildə “Borçalı” nəşriyyatında nəfis şəkildə işıq üzü görüb. Daha bir neçə kitabın müəllifidir. Tanıdığımız, daim təmasda olduğumuz insanların iç dünyası, daxili aləmi, istək və arzularını haqqında bilgilər onların həyat hekayəsinı bizlərə açıqlayır. Keçdiyi həyat yolları haqqında Pərvanə xanım Salman qızı Abdullayevanın həyat hekayəsi müxtəlif rakurslardan onu görmək imkanı verir. Yaradıçı kəslərin həyat, insan, vətən sevgisi, Yaradanın yaratdıqlarına olan sevgisi daha güclü olur. Pərvanə xanımın yaradıcılıq uğurları, ictimai fəaliyyəti təqdirəlayiqdir! Vətəndaş mövqeyi, İnsanlığın xilasına xidmət, İlahi Eşq daşıyıcısı kimi, ətrafında olan sağlam düşüncəli, Vətən sevdalı gənclərlə, şəhid ailələrinə, qazilərə, müharibə veteranlarına diqqət göstərməsi, daim onların yanında olması onun iç dünyasından gəlir! Sağlam düşüncə, xeyrhaqq xislət, məram, məqsəd, əməl və xidmət onun həyat fəaliyyətinin əsas göstəricisidir. İnsan yaşadıqca həyatdan gözləntiləri, arzuları da yenilənir, istəkləri bitib tükənmir. Amma hər kəsin ürəyində bir ümdə arzusu olur! Hər dəfə ötən günləri yada salanda xatirələr adamı doğma yerlərə çəkib aparır. Yaşa dolduqca həmin xatirələr daha da şirinləşir, doğmalaşır insan üçün. Elə bir insan yoxdur ki, uşaqlıq, gənclik illərini xatırlamasın, şirin xəyallarının qanadlarında dolanmasın. Pərvanə Salmanqızı hələ gənclik illərindən şeir, poeziya vurğunu olubdur. Qələmə aldığı poyeziya nümunəsindən: –
Dönüb baxim bu Dünyaya
Axıb gedən,bu ömür də, Geri dönməz, axıb gedər, Ömür keçər, dünya dönər, Dönüb baxım, bu dünyaya.
Mən doymadım baharından, Payız, adlı xəzanından, Qismət ola, ya olmaya, Dönüb baxım, bu dünyaya.
Sevgi dolu, öz dünyamda, O, gözlərə hey, baxım…baxım.. Birdən dönüb ,baxmaz birdə, Dönüm baxım ,bu dünyaya.
Səhər şehinin jaləsinə, Bülbülün, zümzüməsinə. Şəlalənin gur səsinə, Dönüb baxım, bu dünyaya. (Pərvanə Salman qızı)
50 yaşın sevincini yaşayan: -“Yubileyimi dəyər verdiyim insanlarla keçirmək ən böyük hədiyyədir” – deyən Pərvanə xanım istəyiniz çin olsun! Təbrik edirik, yeni yaşınız mübarək olsun! Sizə yaradıcıl uğurları arzulayırıq!
ZÜLFÍYYƏ VƏLİYEVA,
“ZƏFƏR” İnformasiya Mərkəzinin – zefer.info.az saytının redaktoru, Azərbaycan Jurnalistlər Birliyinin üzvü, Respublikanın Əməkdar müəllimi
Sən ki bir sərv ağacısan, kökün möhkəm, başın uca. rüzgar vurur nazlanırsan, qanadlanıb uça-uça. Sən üç rəngli bayrağımsan, sən mənim azadlığımsan.
Mavi göyüm, baş tacımsan, Yaşılımsan, inancımsan. uğrunda min-min illərdir tökülən qan – qırmızımsan, Atam, qardaşım, bacımsan… Sən üç rəngli bayrağımsan, sən mənim azadlığımsan.
Tufan qopsa, külək əssə, qəddin düz – sərv əyilməzdir. Sənə sevgim gəlməz bəhsə, Eşqsən – eşq ram edilməzdir.
Düzüləndə qatar-qatar, Göz oxşar əzəmət, vüqar, Qaynayar dəli duyğular, məni sənə bağlayarsan… Sən üç rəngli bayrağımsan, sən mənim azadlığımsan.
Qamətinə əriyən şam, Günəş tək alışam, yanam, Ay-ulduzlu qırmızı bağ olam, belinə dolanam…
Süz, göyə baş qaldıraraq, Keç, gözümdən varaq-varaq… Boyun, görkəminlə ancaq Güc-qüvvətim, dayağımsan. Sən üç rəngli bayrağımsan, sən mənim azadlığımsan.
Müəllif: ADİLƏ NƏZƏR Azərbaycan Respublikasının Təhsil İnstitutunun aparıcı elmi işçisi, filologiya üzrə fəlsəfə doktoru
Birine ihtiyacın olduğunda kapısını çalıp işini bitirdiğinde onu tanımıyormuş gibi davranırsan, kim ve ne olduğun konusunda çıkmazda olduğunu gösterir
Kimse sana çiçek açacağını ve etrafına gülümsemeler saçacağını vaat edemez, eğer bunu yaparlarsa, bu sadece seni aldatmak içindir
Aşkın ne olduğunu bilmiyorsan, etrafındaki tomurcuklara, yan taraftaki sarı yüzlere ve kuru yapraklara bak…
Öfke, nefret ve ayrılıklar için bahaneler aramak yerine mutluluğu aramaya çalışırsan, Tanrı’nın senin için en güzel mutluluğu sakladığını göreceksin
Ve dürüst olduğun sürece, seni alıp omuzlarında taşıyacak birileri her zaman olacaktır
Salihlerin inançsızlığa veya onları aydınlatacak bir ışığa ihtiyacı yoktur, onlar zaten ışık ve inançtır
Kalp, ebedi olmayan her niteliği bir rüya olarak görür, sen görmek istemesen bile
Aşk vadisinde senden hiçbir iz yoksa, bu aşkın zamanı henüz gelmemiş demektir; Üzülme; Çünkü Tanrı’nın lütfuyla, bazen umutsuzluktan umut doğar ve en az beklediğin anda bir ışık belirir ve sonunda her karanlık aydınlığa yol verir.
Tanrı’ya olan umudunu kaybetme, eğer biri seni incitirse, bırak incitsin, çünkü bazen kalbinin bahçesindeki söğüt ağacının dalı bile kırılır ve sonra kökünden yeniden uzar.
Ve asla unutma, eğer gözlerinin gördüğünü kalbinin gördüğüyle değiştirirsen, bunun sebebi sözünün eri olmandır. Eğer kalbinin gördüğünü gözlerinin gördüğüyle değiştirirsen, bunun sebebi karakter eksikliğindir.
Neçə illər yolunu gözlədim ey nazlı mələk, Neçə illər… Qovuşum həsrətimin bayrağına! Ötdü gün, keçdi zaman, qopdu tufan, əsdi külək – Yenə Haqq saldı şəfəq dövlətimin bayrağına!
Göy üzü mavi niqabın gecə salmış üzünə, Al qumaşdan üfiqə pərdə çəkən gündüzünə! Yamyaşıl rəsmini çəkmiş baharın göy üzünə – Türk olan, çağdaş olan ümmətimin bayrağına!
Sən gözəllər gözəli, gül camalım, ay bənizim, Dalğalan… dalğalarıyla səni ansın dənizim! Yenə də şanlı zəfərlərlə uzansın hər izim – Ucalardan uca hürriyyətimin bayrağına.
Əsgərim, keç də qürurla önünə, ver salamı! Şənini vəsf eləsin andımızın hər kəlamı. Halal olsun qanımız da, canımız da, qoy hamı Qurban olsun bu əziz millətimin bayrağına!
ANS-ə təzə işə düzəlmişdim. Tələb qoyulmuşdu ki, hamı materialını özü montaj etməlidir. İşdən sonra qalıb öyrənməyə çalışsam da, bu işin incəliyinə tam yiyələnə bilmirdim. Efirə material verməliyəm, kiməsə yalvarır, xahiş edirdim ki, mənim süjetimi də montaj edin də. Kömək edilmirdi, qınamırdım, öz süjetlərini də işləməli idilər. Yeganə Afət Telmanqızı olurdu ki, ürəyi dözmürdü, çarəsiz sifətimə baxıb deyirdi “yaxşı, gəl səninkini də edim”. Düz iki həftə beləcə öz materialı ilə yanaşı, mənimkini də montaj etdi. Bu müddət ərzində də işdən sonra oturub öyrənirdim. Afət Telmanqızının ad günüdür. Həmin yaxşılıq yadıma düşdü. Keçmiş kolleqa, sizi təbrik edir, gözəl günlər diləyirəm, yorulmayasız, yazıb-yaradasız.
Baki Modern Təhsil Kompleksində şagirdlərin biliklərə yiyələnməsi, dünyagörüşünün zənginləşməsi, ana dilimizlə yanaşı, xarici dillərin mükəmməl tədrisi, onlara Vətən sevgisinin, yurd məhəbbətinin aşılanması yönündə görülən tədbirlərdən söz açmağa dəyər. Ən yüksək insanı hiss olan vətənpərvərlik bütün ömür boyu bizi müşayiət edir, həyat yollarımızı işıqlandırır. Uşaqları, yeniyetmələri erkən yaşlardan yurda bağlılıq ruhunda tərbiyələndirmək,Vətən naminə fəaliyyətə ruhlandırmaq, qalib bir ölkənin övladları kimi yetişdirmək olduqca mühümdür. Bu fikirlər tanınmış yazıçı-publisist, Əməkdar jurnalist, Qarabağ mövzusunda əsərlər müəllifi Zemfira Məhərrəmli ilə bu təhsil ocağında keçirilən görüş zamanı səsləndirilmişdir. Məktəbin kitabxanasında düzənlənmiş görüşdə müəllimlər və şagirdlər müəllifin İstanbulda nəşr edilmiş “Zafer yolcuları” kitabı (tanınmış türk yazarı İmdat Avşarın tərcüməsində) ilə bağlı mülahizələrini söyləmişlər. Qeyd olunmuşdur ki, bu gün də ürək döyüntümüz olan Qarabağ müəllifin adı çəkilən Zəfər kitabının əsas mövzusudur. Bu əsər taleyimizə yazılan qanlı-qadalı Qarabağ savaşının başlanğıcından 44 günlük Vətən müharibəmizədək olan bir dövrü əhatə edir. Zemfira Məhərrəmlinin bu kitabında toplanmış bədii və sənədli hekayələrdə intizarında olduğumuz böyük Qələbəyə yetmək üçün çarpışan, canından keçən igidlərin hünərindən, hər birimizə böyük coşğu və sevinc bəxş edən möhtəşəm Zəfərimizdən bəhs edilir. Şagirdlər millətimizə xas olan yurd sevgisi, müdrik Sərkərdəmizin, Ali Baş Komandanın rəhbərliyi ilə əsgər və zabitlərimizin bir yumruqtək birləşərək göstərdiyi qəhrəmanlıq, hünərvər qazilərimizin, al qanı əzəli torpaqlarımıza səpələnmiş şəhidlərimizin rəşadətini vəsf edən şeirlər söyləmiş, müəllifin Azərbaycan, ingilis, türk və rus dillərində hekayələrindən parçalar səsləndirmişlər. Müəllif dəvətə görə və vətənpərvərlik mövzusunda maraqlı diskussiya üçün təhsil kompleksinin rəhbərliyinə, pedaqoji kollektivə, kitabxananın əməkdaşlarına və şagirdlərə minnətdarlığını bildirmişdir. Fotolar:
“YAZARLAR” olaraq, ZEMFİRA xanımı təbrik edir, qarşıdakı bütün həyat və fəaliyyətində yeni-yeni nailiyyətlər arzulayırıq! Uğurlarınız bol olsun!
