DAĞLARIN
Dağların üzünü örtübdü duman,
Daşlarda iz olub zirvədən daman,
Yerimir, buz olub, donubdu zaman,
Uzada ömrünü qoca dağların.
Ətəyi tufanlı dərya timsalı,
Buluddu, dumandı indi simsarı,
Dərəsi ümmanı, sahil civarı,
Bir ada zirvəsi uca dağların.
Gün çıxsa açılar bəti-bənizi,
Çəkilər, yox olar tufan dənizi,
Yetincə, olunca bahar kənizi,
Qarı da bənzəyər taca dağların.
Xoş gəldi Kəlbəcər, Laçın dağıyla,
Həm Şuşa, Xankəndi solu, sağıyla,
Goruslu çox istər ruhun bağıyla,
Arada köksünü quca dağların.
24. 01. 2024.
Müəllif: Təvəkkül GORUSLU
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru