Rafiq Yusifoğlu – QÜRÜB GÜNƏŞI

QÜRÜB GÜNƏŞI

Əl-ələ tutub qalxırıq
Sıldırımlı eşq dağına.
İçimdən ağlamaq keçir
Baş qoyaraq ayağına!

Məhəbbət yaşa baxmır ha,
Oldum gözlərinə əsir.
Mənim əlim qocalıqdan
Səninki sevgidən əsir…

Sən bir bahar çiçəyisən,
Mən bir payız küləyiyəm.
Bilmirəm xəzan havası
Necə çıxsın gülə yiyə?!

Mən səngiyən qasırğayam,
Sən yarpaq ucunda mehsən.
Mən bir qürub günəşiyəm,
Sən çiçək gözündə şehsən.

Həmişə hazır olsam da
Üstünə nur ələməyə,
Qalan ömrüm yetəcəkmi
Səni xoşbəxt eləməyə?…

20.03.2016

Müəllif: Rafiq YUSİFOĞLU,
şair, Əməkdar mədəniyyət işçisi, filologiya elmləri doktoru, professor.


RAFİQ YUSİFOĞLUNUN YAZILARI

RAFİQ YUSİFOĞLU HAQQINDA

Mustafa Müseyiboğlu adına kitabxana

ZAUR  USTACIN  YAZILARI

> > > > MÜTLƏQ OXUYUN !!!

“ƏDƏBİ OVQAT” JURNALI PDF

“YAZARLAR”  JURNALI PDF

“XƏZAN” JURNALI PDF

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir