Yiyəsiz bir kədər çöküb üstümə,
aləm tamaşadır çıxan tüstümə,
deyəsən Allah da durub qəsdimə,
bir yol var,
hardasa…
Bir yol var əlimə alıb gedəsim,
bəlkə də qayıdıb onsuz dönəsim,
o orda, mən burda, hər gün öləsim,
bir qol var,
hardasa…
Bir qol var, havada asılıb qalan,
bir cüt göz, uzağa dikilib dolan,
çəkib ürəyimi bağrımdan alan,
bir sol var,
hardasa…
Bir sol var, kədəri yıxıb sürüyən,
üzümü güldürüb qəmi kürüyən,
“bəxtəvər” obraza məni bürüyən,
bir rol var,
hardasa…
Müəllif: Aida ADIGÖZƏL
Aşıq Qurban: -“Pərdəli gəzməyən nəzərə gələr.”
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru